Lokesh Kanagaraj: కమల్ దర్శకుడి కోసం ఆ ఇద్దరు హీరోల ఎదురుచూపు.. సినిమా పడితే ఫ్యాన్స్కు పూనకాలే
తమిళనాట వినిపిస్తోన్న స్టార్ దర్శకుల పేరులో లోకేష్ కనగ రాజ్ పేరు ఒకటి. ఈ యంగ్ డైరెక్టర్ వరుస సూపర్ హిట్స్ తో దూసుకుపోతున్నాడు. స్టార్ హీరోలతో సినిమాలు చేస్తూ భారీ హిట్స్ అందుకుంటున్నాడు.
Updated on: Sep 02, 2022 | 7:03 AM
తమిళనాట వినిపిస్తోన్న స్టార్ దర్శకుల పేరులో లోకేష్ కనగ రాజ్9Lokesh Kanagaraj)పేరు ఒకటి. ఈ యంగ్ డైరెక్టర్ వరుస సూపర్ హిట్స్ తో దూసుకుపోతున్నాడు. స్టార్ హీరోలతో సినిమాలు చేస్తూ భారీ హిట్స్ అందుకుంటున్నాడు. ఇప్పటికే విజయ్, రజినీకాంత్ ఎం కమల్ హాసన్ లాంటి దర్శకులతో సినిమాలు చేసి మంచి హిట్స్ ను తన ఖాతాలో వేసుకున్నాడు. ఇక రీసెంట్ గా వచ్చిన కమల్ విక్రమ్ సినిమా గురించి ప్రత్యేకించి చెప్పాల్సిన అవసరం లేదు. కంప్లీట్ యాక్షన్ ఎంటర్టైనర్ గా తెరకెక్కిన ఈ సినిమా తెలుగు , తమిళ్ భాషల్లో రిలీజ్ అయి సూపర్ హిట్ అయ్యింది. ఇక ఈ సినిమాలో విజయ్ సేతుపతి, ఫహద్ ఫాజిల్ కీలక పాత్రల్లో నటించారు. అలాగే హీరో సూర్య క్యామియోలో కనిపించి మెప్పించారు. ఇక ఇప్పుడు అందరు హీరోలు లోకేష్ వైపే చూస్తున్నారు.
అటు లోకేష్ డైరెక్షన్లో చేయాలనీ టాలీవుడ్ స్టార్ హీరోలు సైతం ఎదురుచూస్తున్నారు. అయితే ఇప్పటికే మెగా పవర్ స్టార్ రామ్ చరణ్ తో లోకేష్ సినిమా చేస్తున్నట్టు టాక్ వినిపిస్తోంది. ప్రస్తుతం శంకర్ దర్శకత్వంలో సినిమా చేస్తున్నాడు చరణ్. ఈ సినిమా షూటింగ్ కంప్లీట్ ఆయిన వెంటనే లోకేష్ తో సినిమా చేసే ఛాన్స్ ఉందని టాక్. అలాగే యంగ్ టైగర్ ఎన్టీఆర్ కూడా లోకేష్ తో సినిమా చేయడానికి సిద్ధంగా ఉన్నారని అంటున్నారు. ప్రస్తుతం తారక్ కొరటాలతో సినిమా చేస్తున్న విషయం తెలిసిందే. అయితే లోకేష్ ఖైదీ 2 సినిమాను అలాగే విక్రమ్ 2 సినిమాలను ప్లాన్ చేస్తున్నాడు. ఈ రెండు సినిమాల తర్వాత చరణ్, తారక్లో ఒకరితో లోకేష్ సినిమా ఉండే ఛాన్స్ ఉందన్న వార్త మాత్రం గట్టిగా వినిపిస్తోంది.
