Raj Nidimoru and Krishna D.K: రాజ్ అండ్ డీకే… చిత్తూరు జిల్లా కుర్రాళ్లు.. ఇప్పుడు ఇండ‌స్ట్రీలో కాక‌రేపుతున్నారు

సినిమా ఇండస్ట్రీలో హలో బ్రదర్ లాంటి అరుదైన జంటలు కొన్నుంటాయి. రాజ్ నిడుమోరు అండ్ కృష్ణ డీకే.. వీళ్ళిద్దరూ ఆ టైపే. సినిమా అనేది వీళ్లకు ఆరో ప్రాణం. చిత్తూరు జిల్లాలో పుట్టిన అచ్చతెలుగు వాళ్ళే అయినా.. వాళ్ళ సినిమా జర్నీ మాత్రం ఔటాఫ్ తెలుగు అన్నట్టే ఉంటుంది. కట్ చేస్తే.. ఇప్పుడు అందరిలాగే ఆ డైరెక్టర్స్ కూడా తెలుగు స్టార్ డమ్ మీదే మనసు పడ్డారు. సూపర్ స్టార్ మహేష్ బాబు, రౌడీ హీరో విజయ్ దేవరకొండ.. ప్రస్తుతం తెలుగులో హాట్ కేక్స్ లాంటి ఈ ఇద్దరు హీరోలే మాకూ కావాలి.. అనేది రాజ్ అండ్ డీకే డిమాండ్. ఇద్దరికీ మంచి కథలు చెప్పి ఫిదా చేశాం.. ఎప్పుడు డేట్స్ ఇస్తే అప్పుడు సినిమా మొదలుపెడతాం అనేది వీళ్ళ కాన్ఫిడెన్స్. కానీ.. ఆ ఇద్దరు హీరోలూ ఖాళీగా లేరు.. ఇప్పట్లో ఖాళీ అవుతారన్న గ్యారంటీ కూడా లేదు.

ఇప్పుడు చేస్తున్న సర్కారువారి పాట, రీసెంట్ గా అనౌన్స్ చేసిన త్రివిక్రమ్ మూవీ, మాటిచ్చిపెట్టిన జక్కన్న సినిమా.. మహేష్ లైనప్ లో ఇవన్నీ అయ్యేసరికి మరో మూడేళ్లు పట్టడం గ్యారంటీ. లైగర్ తో బిజీగా వున్న విజయ్ దేవరకొండ కూడా సుకుమార్ తో మూవీ కమిటయ్యారు. సో.. రాజ్ అండ్ డీకే కోరుకుంటున్న ఆ ఇద్దరూ దొరకాలంటే లాంగ్ వెయిటింగ్ తప్పదు. సినిమా బండి లాంటి చిన్న సినిమా చేసి.. దాన్ని నెట్ ఫ్లిక్స్ లో మోస్ట్ పాపులర్ గా మార్చిన రాజ్ అండ్ డీకే.. ఇప్పటివరకూ వెబ్ సిరీస్ లతో మాత్రమే బాగా ఫేమస్. అది కూడా నార్త్ సైడ్ మాత్రమే వాళ్ళ హవా. వాళ్ళు చేసిన ఫామిలీ మ్యాన్ సెకండ్ సీజన్ కోసం వెయిట్ చేస్తోంది డిజిటల్ నెటిజనం. నానీతో కలిసి చేసిన ‘డీ ఫర్ దోపిడీ’ తర్వాత.. రెగ్యులర్ మూవీ ఏదీ చెయ్యని హలో బ్రదర్స్ కి మన స్టార్ హీరోలు ఎలా కనెక్ట్ అవుతారు అనేది ఇప్పటికయితే డౌటే!

Also Read: మాస్ మహారాజ రవితేజ ‘ఖిలాడి’ పై క్లారిటీ ఇచ్చిన నిర్మాతలు .. ఓటీటీకి నో..

సుకుమార్ సినిమాకంటే ముందే మూడు సినిమాలను లైన్ లో పెట్టిన రౌడీ బాయ్