Pushpa 2 Pre Release Highlights:సుకుమార్ లేకపోతే నేను లేనే లేను.. అల్లు అర్జున్ భావోద్వేగం..
Updated on: Dec 02, 2024 | 11:42 PM
Pushpa 2 Pre Release Event Live Updates : ఐకాన్ స్టార్ అల్లు అర్జున్ నటించిన పుష్ప 2 మూవీ మరో రెండు రోజుల్లో విడుదలకానుంది. డిసెంబర్ 5న ఈ సినిమా ప్రపంచవ్యాప్తంగా రిలీజ్ కానుండడంతో ఈ సినిమాకు వేయి కళ్లతో ఎదురుచూస్తున్నారు ఫ్యాన్స్.
ఇప్పుడు ఎక్కడ చూసిన పుష్ప 2 ఫీవర్ కనిపిస్తోంది. ఈ చిత్రాన్ని పాన్ ఇండియా లెవల్లో విడుదల చేయనుండడంతో ప్రమోషన్స్ సైతం అదే రేంజ్ లో జరుగుతున్నాయి. ఇప్పటికే పాట్నా, చెన్నై, కొచ్చి, ముంబైలలో ఈ మూవీ ఈవెంట్స్ గ్రాండ్ గా జరగ్గా.. ఇప్పుడు హైదరాబాద్ లో పుష్ప 2 ఈవెంట్ నిర్వహించనున్నారు. పుష్ప 2 వైల్డ్ ఫైర్ పేరుతో యూసుఫ్ గూడ పోలీస్ గ్రౌండ్ లో ఈరోజు సాయంత్రం 6 గంటలకు ఈ వేడుక స్టార్ట్ అయ్యింది. ఇప్పటికే ట్రాఫిక్ ఆంక్షలు విధించారు పోలీసులు. అలాగే దాదాపు 100 మంది పోలీసులు ఈ వేడుకకు బందోబస్త్ చేస్తున్నట్లు సమాచారం. ఈవెంట్ చుట్టుపక్కల ప్రదేశాలు అన్ని పోలీసు కనుసన్నల్లోనే ఉన్నాయి. ఎలాంటి అవాంచనీయ సంఘటనలు జరగుకుండా ఉండేందుకు.. అలాగే భారీగా తరలివస్తున్న ఫ్యాన్స్ క్రౌడ్ కంట్రోల్ చేస్తున్నారు.
Vijay Sethupathi: విజయ్ సేతుపతి ఇన్ స్టాలో ఫాలో అవుతున్న ఏకైక హీరోయిన్.. ఎవరో తెలుసా..?
Tollywood : గ్యాంగ్‌స్టర్‌తో ప్రేమలో పడి కెరీర్ నాశనం చేసుకున్న హీరోయిన్.. ఇండస్ట్రీకి దూరం..
Actress Gajala: వాసి వాడి తస్సాదియ్యా.. అందాలతో హార్ట్ ఎటాక్ తెప్పిస్తోన్న ఎన్టీఆర్ హీరోయిన్..
మరిన్ని సినిమా వార్తల కోసం ఇక్కడ క్లిక్ చేయండి.
LIVE NEWS & UPDATES
-
సుకుమార్ కు అల్లు అర్జున్ స్పెషల్ థాంక్స్..
పుష్ప 2 ప్రీ రిలీజ్ ఈవెంట్లో అల్లు అర్జున్ మాట్లాడుతూ.. 1200 పైగా థియేటర్లలో విడుదల చేస్తున్నామని అన్నారు. పుష్ప 2 సినిమా నా జీవితానికి చాలు అని అన్నారు. సుకుమార్ లేకపోతే నేను లేనే లేను అని భావోద్వేగానికి గురయ్యారు బన్నీ.
-
నీ మీద ప్రేమతోనే ఈ సినిమా నేను తీశాను.. డైరెక్టర్ సుకుమార్..
చిత్ర దర్శకుడు సుకుమార్ మాట్లాడుతూ… “నేను బన్నీని ఆర్య నుండి చూస్తున్నాను. తను ఎలా ఎదుగుతున్నాడు చూస్తూనే వచ్చాను. తనని వ్యక్తిగా, ఒక ఆర్టిస్టుగా చూసాను. ఈ పుష్ప అనే సినిమా ఇలా వచ్చింది అంటే దానికి కారణం కేవలం నాకు బండికి ఉన్న ఒక బాండింగ్ కారణంగానే. బన్నీ ఒక సీన్ కోసమో లేదా ఒక సాంగ్ కోసమో కాదు, ఒక ఎక్స్ప్రెషన్ కోసం కూడా ఎంతో కష్టపడతాడు. అది ఎంత చిన్నదైనా సరే చాలా శ్రద్ధతో చేస్తాడు. కేవలం నీ మీద ప్రేమతోనే ఈ సినిమా నేను తీశాను. నీతో ఈ సినిమా గురించి మాట్లాడినప్పుడు నా దగ్గర పూర్తి కథ లేదు. నువ్వు నన్ను నమ్మి నాతో ప్రయాణం చేసినందుకు నీకోసం నేను ఏమైనా చేసేయొచ్చు అనిపించింది. మిగతావారు అంతా చెప్పినట్లు బన్నీ సెట్స్ లో అందర్నీ కలిపి ఒక స్థాయిలోకి తీసుకుని వెళ్లి కూర్చోబెడతాడు. దానితో అందరికీ అదే స్థాయిలో పనిచేయాలని అనిపిస్తుంది. అలాగే నిర్మాణ సంస్థ మైత్రి మూవీ మేకర్స్ నిర్మాతలు అందరికీ నా ప్రత్యేక ధన్యవాదాలు. మీరు మేము మంచి ఆట ఆడటానికి సరైన గ్రౌండ్ ఇచ్చారు. పుష్ప ను రెండు భాగాలుగా చేయడానికి ముఖ్య కారణం చెర్రీ గారు. అలాగే చిత్రం కోసం సెట్స్ లో కష్టపడి పనిచేసిన రష్మిక, డిఓపి అందరికీ ధన్యవాదములు. రష్మిక గురించి ప్రత్యేకంగా మాట్లాడాలి. తను ప్రతి ఎక్స్ప్రెషన్ ఇంకా ఎమోషన్ను చాలా బాగా క్యారీ చేసింది. అలాగే దేవిశ్రీ ప్రసాద్ కి ధన్యవాదాలు. క్లైమాక్స్ లో ఇచ్చిన బ్యాక్గ్రౌండ్ స్కోర్ తో సినిమా ఎంతో హై ఉండబోతుంది. శ్రీలీల డాన్స్ మూవ్స్ చాలా బాగా చేసింది. ఈ చిత్రానికి పనిచేసిన ప్రతి ఒక్కరూ చాలా బాగా కష్టపడ్డారు” అంటూ ముగించారు.
-
-
సుకుమార్ మాటలకు అల్లు అర్జున్ కన్నీళ్లు..
పుష్ప 2 ప్రీ రిలీజ్ ఈవెంట్ లో సుకుమార్ మాట్లాడుతూ.. ‘నేను చాలా అలసిపోయి ఉన్నాను. కానీ మీతో మాట్లాడాలని వచ్చాను. ఆర్యతో నా జర్నీ స్టార్ట్ అయ్యింది. బన్నీ ఎలా ఎదుగుతున్నాడో చూస్తూ వచ్చాను. గ్లామర్ బ్యూటీకి ఆఫర్స్ కరువు.. తెలుగులో ఛాన్స్ కోసం ఎదురుచూపులు.. పుష్ప అనేది రెండు భాగాలుగా వచ్చిందంటే అది కేవలం అల్లు అర్జున్ మీద ప్రేమ మాత్రమే అని అన్నారు. ఆ సమయంలో అల్లు అర్జున్ ఎమోషనల్ అయ్యారు.
-
సుకుమార్ గారి దర్శకత్వంలో ఇంకొక సినిమాకు అవకాశం వస్తుందని ఆశిస్తున్నాను.. రష్మిక
నేషనల్ క్రష్ రష్మిక మందన్న మాట్లాడుతూ… ” పుష్ప 1 చేస్తున్నప్పుడే పుష్ప 2లో ఇంతకంటే బాగా చేయాలని సుకుమార్ గారి దర్శకత్వంలో అల్లు అర్జున్ గారితో నటిస్తూ నా పూర్తి పెర్ఫార్మన్స్ ఇవ్వడం జరిగింది. పుష్ప 1 చేసేటప్పుడు ఎలా మాట్లాడాలి, ఏం మాట్లాడాలి అనుకున్నాను. కానీ పుష్ప 2 సమయంలో చాలా సౌకర్యంగా ఫీల్ అవుతూ మాట్లాడుకునేవాళ్లం. సుకుమార్ గారి దర్శకత్వంలో ఇంకొక సినిమాకు అవకాశం వస్తుందని ఆశిస్తున్నాను. సినిమాతో మీరు ఈ రాష్ట్ర దేశ సరిహద్దులు దాటి అంతర్జాతీయ స్థాయిలో నిలిచిపోవాలని కోరుకుంటున్నాను.అలాగే ఈ చిత్రం కోసం 5 సంవత్సరాలపాటు ఇంతగా కష్టపడిన చిత్ర బృందానికి నా ధన్యవాదాలు. శ్రీలీల చేసిన డాన్స్ తో నా హార్ట్ కిస్సిక్ అయిపోయింది. చివరిగా అల్లు అర్జున్ గారి గురించి చెప్పాలంటే మీతో కలిసి నటించడం ఒక అదృష్టంగా భావిస్తున్నాను. మీరు సరిహద్దులు దాటి వెళ్లేలా చేశారు. ఈ సినిమా ప్రపంచ వ్యాప్తంగా వైల్డ్ ఫైర్ కావలి అని ప్రార్థిస్తున్నాను. అలాగే అభిమానులకు ప్రేక్షకులకు ఎప్పుడు రుణపడి ఉంటాను” అన్నారు.
-
దర్శకుడు దేవిశ్రీ ప్రసాద్ కామెంట్స్..
సంగీత దర్శకుడు దేవిశ్రీ ప్రసాద్ మాట్లాడుతూ… “అందరికి నమస్కారం. ఈరోజు పుష్ప ఈ స్థాయిలో ఉండటం నాకు చాలా సంతోషంగా ఉంది. ఈ సినిమాలో పనిచేసినందుకు ఎంతో గర్వంగా ఉంది. ముందుగా పుష్ప 1 నుండి పుష్ప 2 వరకు పనిచేసిన నా టీంకు ధన్యవాదాలు తెలపాలి అనుకుంటున్నాను. అలాగే చిత్ర నిర్మాణ సంస్థ మైత్రి మూవీ మేకర్స్ నిర్మాతలు అందరికీ పేరుపేరునా ధన్యవాదాలు. అలాగే నా చిన్ననాటి స్నేహితుడు అల్లు అర్జున్ గురించి చెప్పాలి అంటే తన గురించి ఎవరు ఎప్పుడు ఏం మాట్లాడుతున్నావ్ కూడా నేను వెంటనే అల్లు అరవింద్ గారి వైపు చూస్తాను. ఎందుకంటే మనకంటే ఎక్కువగా మన తండ్రులు గర్వంగా ఫీల్ అవుతారు. నాకింత ఆదరణ చూపిస్తున్న అందరికీ నా ధన్యవాదాలు. చిత్రానికి పనిచేసిన ప్రతి ఒక్కరికి ఆల్ ద బెస్ట్” అన్నారు.
-
-
పుష్ప సినిమాలో నాకు అవకాశం ఇచ్చినందుకు థాంక్స్.. శ్రీలీల..
నటి శ్రీలీల మాట్లాడుతూ… “నాకు ఈ రోజు ఇక్కడ నిలబడి మాట్లాడటం ఎంత సంతోషకరంగా ఉంది. పుష్ప సినిమాలో నాకు అవకాశం ఇచ్చినందుకు చిత్ర బృందానికి నా ధన్యవాదాలు. దర్శకుడు సుకుమార్ గారికి, ఐకాన్ స్టార్ అల్లు అర్జున్ గారికి నా ప్రత్యేక ధన్యవాదాలు. సాధారణంగా ఒక సినిమాలు ఇద్దరు హీరోలు పనిచేస్తుంటే అందరూ వారిద్దరూ అతలాకుతలం అయిపోతుంది అనుకుంటారు. కానీ నా ఇతన్ని చూసి మిగతా వారంతా సెట్స్ లో అలా అయిపోవరు. మా ఇద్దరి మధ్య అంత మంచి బాండింగ్ ఉండటం సంతోషకరం. అలాగే దేవిశ్రీ ప్రసాద్ గారికి, చంద్రబోస్ గారికి, మైత్రి మూవీ మేకర్స్ కి, ప్రేక్షకులందరికీ నా ధన్యవాదాలు” అన్నారు.
-
అల్లు అరవింద్ కామెంట్స్..
నిర్మాత అల్లు అరవింద్ గారు మాట్లాడుతూ… “అందరికి నమస్కారం. నేను ఒక వారం రోజుల క్రితం సినిమా చూడటం జరిగింది. చూసి ఇంటికి వెళ్ళిన తర్వాత నా భార్య ఎందుకు మొహం ఇంత వెలిగిపోతుంది అని అడిగారు. మగధీర ముందు మీ మొహం ఎంత వెలిగిపోవడం చూశాను. మళ్లీ ఇప్పుడు చూస్తున్నాను అని ఆమె అన్నారు. అల్లు అర్జున్ భార్య స్నేహ, సుకుమార్ భార్య భబితకు నా వార్డులు అన్నీ ఇచ్చేయాలి. ఎందుకంటే 5 సంవత్సరాల పాటు ఇంతగా సపోర్ట్ చేసినందుకు. అలాగే ఈ సినిమాలో నేను తెలుగు సినీ పరిశ్రమకు పరిచయం చేసిన హీరోయిన్ రష్మిక గురించి మాట్లాడాలి. ఎంత బాగా నటించింది అంటే పుష్ప 1 సినిమాలో ఆమె నటన ఈ సినిమాతో పోలిస్తే చాలా తక్కువ అని చెప్పుకోవాలి. ఈ సినిమాలో అంత బాగా చేసింది. ఇక శ్రీలీల ఉండేది తక్కువ సమయమైనా చాలా బాగా ఇంపాక్ట్ చూపిస్తుంది. అలాగే దేవిశ్రీ ప్రసాద్ నాకు తన చిన్నతనం నుండి తెలుసు. తన తండ్రి నా స్నేహితుడు. తను ఇంత మంచి హిట్స్ కొట్టడం ఆశ్చర్యంగా ఉంది. ఒక నిర్మాతగా నేను చెప్తున్నాను మైత్రి మూవీ మేకర్స్ దేశంలోనే అతిపెద్ద నిర్మాతలు. వారు ఇన్ని సినిమాలు ఇంత పర్ఫెక్ట్ గా ఎక్కడ ఒక కంప్లైంట్ కూడా లేకుండా ఎలా చేస్తారో నాకు ఇప్పటికీ అర్థం కాదు. అందరికీ ఆల్ ద బెస్ట్” అంటూ ముగించారు.
-
పద్యం చెప్పిన అర్హ.. ఆశ్చర్యపోయిన ఫ్యాన్స్..
అల్లు అర్జున్ కుమారుడు అల్లు అయాన్ మాట్లాడుతూ… “నమస్కారం, అందరూ ఎలా ఉన్నారు? మీకు అందరికీ పుష్ప చాలా బాగుంటాది ఇంకా తగ్గేదెలే” అన్నాను. అల్లు అర్జున్ కుమార్తె అల్లు అర్హ అందరికీ నమస్కారం తెలియజేశారు. అటు పిమ్మట ఓ తెలుగు పద్యాన్ని గుక్క తిప్పకుండా స్టేజి మీద చెప్పడం జరిగింది. అది చూసిన వారంతా ఆశ్చర్యపోయారు.
-
నేను చాలా నేర్చుకున్నాను.. అనసూయ భరద్వాజ్..
నటి అనసూయ భరద్వాజ్ మాట్లాడుతూ… “అందరికీ నమస్కారం. పుష్ప విషయానికి వస్తే ఎక్కడ తగ్గేదేలే అనే విధంగా ఉంది. పుష్పలో ఈ క్యారెక్టర్ నేను అడిగి తీసుకున్నాను. దానికి అల్లు అర్జున్ గారికి, సుకుమార్ గారికి నా కృతజ్ఞతలు. ఈ సినిమా కోసం నేను డిసెంబర్ 5వ కోసం ఎంతగానో వేచి చూస్తున్నాను. సుకుమార్ గారి చిత్రాలు అంటే కచ్చితంగా మన అంచనాలకు మించి ఉంటాయి. నాకు సినిమాలో అల్లు అర్జున్ గారితో తక్కువ సీన్లు ఉన్నా కూడా ఎక్కువగా సునీల్ గారితో, ఫాహద్ ఫాసిల్ గారితో ఎక్కువగా ఉన్నాయి. వారి దగ్గరను నేను చాలా నేర్చుకున్నాను. ఇన్ని సంవత్సరాలు రష్మిక ఈ సినిమా కోసం ఎంత కష్ట పడిందో చూశాను. ఖచ్చితంగా దీనికి తగ్గ ఫలితం నీకు దక్కుతుంది. డిసెంబర్ 5వ తేదీన థియేటర్లో కలుద్దాం” అన్నారు.
-
దర్శకుడు శివ నిర్వాణ కామెంట్స్..
దర్శకుడు శివ నిర్వాణ మాట్లాడుతూ… “ఇక్కడికి వచ్చిన అందరికీ నమస్కారం. ఈ చిత్రం కోసం కష్టపడిన దర్శకుడు సుకుమార్ గారికి, అల్లు అర్జున్ గారికి అలాగే చిత్ర బృందం అందరికీ ధన్యవాదాలు. మూడు సంవత్సరాలుగా మీరు ఈ చిత్రం కోసం పడుతున్న కష్టాన్ని చూస్తూ ఉన్నాం. పుష్ప ది రూల్ సినిమా ఒక అల్లు అర్జున్ గారి సినిమాగా కాకుండా తెలుగు సినిమాగా ప్రపంచవ్యాప్తంగా రూల్ చేయబోతుంది. తప్పకుండా డిసెంబర్ 5న అందరూ థియేటర్లో చూడండి” అన్నారు.
-
బుచ్చిబాబు సన కామెంట్స్..
పబ్లిసిటీ అవసరం లేని సినిమా పుష్ప 2. మీ నుంచి ఎప్పటికప్పుడూ నేర్చుకుంటూనే ఉంటాం. పుష్ప 2 మరింత హిట్ కావాలని కోరుకుంటున్నా అని అన్నారు.
-
గోపిచంద్ మలినేని…
ఈ ప్రపంచంలో ఎక్కడికి వెళ్లిన బాహుబలి అనేవారు.. కానీ గత సంవత్సరం నుంచి పుష్ప అంటున్నారు. పుష్ప అనేది ఒక బ్రాండ్. పుష్ప 2 గురించి ఇప్పటికే ఇండియా మొత్తం ప్రీ బుకింగ్స్ చేసేశారు. సుకుమార్ మాస్ కమర్షియల్ సినిమా తీస్తే మాములుగా ఉండదని గతంలో డైరెక్టర్ రాజమౌళి గారు అన్నారు. పుష్ప 2 ప్రపంచం మొత్తం వైల్డ్ ఫైర్ కావాలని కోరుకుంటున్నాను అని అన్నారు డైరెక్టర్ గోపిచంద్ మలినేని.
-
రాజమౌళి కామెంట్స్..
పుష్ప 1 ప్రీ రిలీజ్ సమయంలో ఇదే స్టేజ్ పై నిలబడి బన్నీతో అన్నాను. నార్త్ ఇండస్ట్రీని వదలొద్దు అన్నాను. ప్రపంచంలో ఉన్న ఇండియన్స్ మొత్తం ఇప్పటికే టికెట్స్ కొన్నారని తెలుస్తోంది. ఈ సినిమా గురించి ఏం మాట్లాడక్కర్లేదు.
-
పుష్పరాజ్ ఆగయా..
హైదరాబాద్ యూసఫ్ గూడలోని పోలీస్ పరేడ్ గ్రౌండ్ లో జరుగుతున్న పుష్ప 2 వైల్డ్ ఫైర్ ఈవెంట్లో మాస్ ఎంట్రీ ఇచ్చారు అల్లు అర్జున్. తగ్గదేలే మ్యానరిజంతో స్టేజ్ పై అదరగొట్టారు.
-
చీఫ్ గెస్టుగా డైరెక్టర్ రాజమౌళి..
ఇన్నాళ్లు దేశవ్యాప్తంగా జరిగిన ఈవెంట్లలో డైరెక్టర్ సుకుమార్ మిస్సయ్యారు. కానీ తాజాగా యూసఫ్ గూడలో జరుగుతున్న పుష్ప 2 వైల్డ్ ఫైర్ జాతర ఈవెంట్ కు డైరెక్టర్ రాజమౌళి, డైరెక్టర్ సుకుమార్ హాజరయ్యారు.
-
పుష్ప 2 ఎలా ఉంటుందో అర్థమైంది.. డైరెక్టర్ వివేక్ ఆత్రేయ..
ఈ మధ్యనే అల్లు అర్జున్ గారితో యాడ్ చేశాను. ఆయన డెడికేషన్ ఎలా ఉంటుందో చూశాను. పుష్ప 2 గురించి నాకు చెప్పిన టిప్ బిట్స్ సినిమా ఎలా ఉంటుందో అన్నారు డైరెక్టర్ వివేక్ ఆత్రేయ..
-
అల్లు అరవింద్ ఎంట్రీ..
హైదరాబాద్ యూసఫ్ గూడలోని పోలీస్ పరేడ్ గ్రౌండ్ లో జరుగుతున్న పుష్ప 2 వైల్డ్ ఫైర్ జాతర ఈవెంట్ కు విచ్చేశారు ప్రొడ్యూసర్ అల్లు అరవింద్.
-
డ్యాన్సింగ్ క్వీన్ శ్రీలీల వచ్చేసింది..
పుష్ప 2లో కిస్సిక్ అంటూ స్పెషల్ సాంగ్ అదరగొట్టేసింది శ్రీలీల. ఇప్పటికే రిలీజ్ అయిన ఈ సాంగ్ సోషల్ మీడియాను ఊపేస్తుంది. తాజాగా ఈ అమ్మడు పుష్ప 2 వైల్డ్ ఫైర్ ఈవెంట్ లో సందడి చేసింది.
-
లండన్ వీధుల్లో బన్నీ ఫ్యాన్స్ అదరగొట్టారు..
తాజాగా అల్లు అర్జున్ ఫ్యాన్స్ లండన్ వీధిల్లో బన్నీకి అదిరిపోయే ట్రీట్ ఇచ్చారు. కొందరు ఫ్యాన్స్ లండన్ వీధుల్లో పుష్ప సినిమాలోని పుష్ప పుష్పరాజ్ హిందీ పాటకు డాన్స్ అదరగొట్టారు. తమ అద్భుతమైన స్టెప్పులతో బన్నీపై బన్నీపై ప్రేమను బయటపెట్టారు.
-
పుష్ప అంటే ఫైర్ కాదు.. వైల్డ్ ఫైర్.. కొరియోగ్రాఫర్ విజయ్ పొల్లకి..
పుష్ప అంటే ఫైర్ కాదు వైల్డ్ ఫైర్ అన్నారు కొరియోగ్రాఫర్ విజయ్ పొల్లకి. డిసెంబర్ 5 థియేటర్లలో పుష్ప 2 అదిరిపోతుందని అన్నారు.
-
ఫ్యాన్స్ ఎడిట్ వీడియోస్ అదిరిపోయాయి..
పుష్ప 2 ఫైల్డ్ ఫైర్ ఈవెంట్లో ఫ్యాన్స్ ఎడిట్ చేసిన వీడియోస్ ప్లే చేశారు మేకర్స్. బన్నీ గురించి తెలుగు, కన్నడ, హిందీ భాష నటీనటులు చెప్పిన మాటలను సైతం ప్లై చేశారు.
-
కన్నులపండగగా పుష్ప 2 వైల్డ్ ఫైర్ ఈవెంట్..
ఐకాన్ స్టార్ అల్లు అర్జున్ – సుకుమార్ కాంబినేషన్‌లో వస్తున్న బిగ్గెస్ట్‌ యాక్షన్‌ డ్రామా చిత్రం ‘పుష్ప2. డిసెంబర్ 5న ప్రపంచ వ్యాప్తంగా విడుదల కానున్న ఈ సినిమాపై భారీ అంచనాలు ఉన్నాయి. ఇప్పటికే దేశ వ్యాప్తంగా భారీ ఈవెంట్స్ నిర్వహించిన పుష్ప ..ఇప్పుడు హైదరబాద్‌లో పుష్ప 2 వైల్డ్ ఫైర్ జాతర పేరుతో ఈవెంట్ నిర్వహిస్తుంది..
-
పుష్ప 2 రన్ టైమ్..
అల్లు అర్జున్, రష్మిక జంటగా సుకుమార్ దర్శకత్వంలో తెరకెక్కిన పుష్ప2 డిసెంబర్ 5న రిలీజ్‌కి రెడీ అవుతోంది. 3. 20 నిమిషాల 38 సెకన్లు నిడివి ఉన్నట్టు సమాచారం. సెన్సార్‌ బోర్డు యు/ఎ సర్టిఫికెట్‌ ఇచ్చింది.
-
ఇకపై గ్యాప్ తీసుకోను.. అల్లు అర్జున్..
ఇకపై ఇంతింత గ్యాప్ తీసుకోను.. నాన్‌స్టాప్‌గా సినిమాలు చేస్తూనే ఉంటాను అని కేరళ వేదికగా బన్నీ చెప్పేశారు. ఇప్పటి వరకూ ఉన్న రికార్డులన్నిటినీ పుష్ప2 సరికొత్తగా రాస్తుందనే కాన్ఫిడెన్స్ కనిపిస్తోంది బన్నీలో. సినిమా ఎక్కడా డిస్పాయింట్‌ చేయదని పదే పదే చెబుతున్నారు రష్మిక.
-
పుష్ప 2 క్లైమాక్స్ మైండ్ బ్లాంక్..
ఫస్టాఫ్‌ మొత్తం ఫ్యామిలీ ఎమోషన్స్ ఉంటాయి. సెకండాఫ్‌లో యాక్షన్‌ పీక్స్ లో ఉంటుంది. మరీ ముఖ్యంగా సెకండాఫ్‌లో వచ్చే మూడు యాక్షన్‌ సీక్వెన్స్ గూస్‌బంప్స్ తెప్పిస్తాయి. క్లైమాక్స్ యాక్షన్‌ సన్నివేశాలైతే ఎవరి ఊహకూ అందనంత భారీగా ఉంటాయి. నెవర్‌ బిఫోర్‌ అనేలా మెప్పిస్తాయన్నది ఫిల్మ్ నగర్‌లో జోరుగా వినిపిస్తున్న మాట.
-
ఆల్‌టైమ్ టాప్‌3 లిస్ట్‌లోకి ‘పుష్ప2’..
పుష్ప 2 ప్రీ సేల్ బుకింగ్స్ ఓపెన్ చేయగా రికార్డు స్థాయిలో టికెట్స్ అమ్ముడవుతున్నాయి. తాజాగా ఈ చిత్రం సరికొత్త రికార్డ్ ఖాతాలో వేసుకుంది. 24 గంటల్లో లక్ష టికెట్స్ సేల్ అయ్యాయి. దీంతో బాలీవుడ్ ఇండస్ట్రీలో రికార్డ్స్ సృష్టించిన స్త్రీ 2, డంకీ, యానిమల్, టైగర్ సినిమాలను పుష్ప 2 మూవీ అధిగమించింది.
-
అప్పుడు సామీ సామీ.. ఇప్పుడు పీలింగ్స్ సాంగ్..
ప్రస్తుతం యూట్యూబ్ ను ఊపేస్తున్నాయి పుష్ప 2 సాంగ్స్. పుష్ప పుష్పరాజ్ సాంగ్ నుంచి మొన్న విడుదలైన పీలింగ్ సాంగ్ వరకు ప్రతి పాటకు అదిరిపోయే రెస్పాన్స్ వస్తుంది. గతంలో పుష్ప ది రైజ్ చిత్రంలో సామీ సామీ పాటను ఫోక్ సింగర్ మౌనికతో పాడించగా.. ఇప్పుడు పీలింగ్స్ పాటను ఫోక్ సింగర్ లక్ష్మీతో పాడించారు మ్యూజిక్ డైరెక్టర్ దేవీ శ్రీ ప్రసాద్.
-
జనసంద్రోహంగా మారిన యూసఫ్ గూడ పోలీస్ గ్రౌండ్..
పుష్ప 2 వైల్డ్ ఫైర్ జాతర మొదలైంది. ఇప్పటికీ భారీ సంఖ్యలో అల్లు అర్జున్ యూసఫ్ గూడ పోలీస్ గ్రౌండ్కు చేరుకున్నారు. మరికాసేపట్లో అల్లు అర్జున్, రష్మిక మందన్నాతోపాటు చిత్రయూనిట్ సభ్యులు హాజరుకానున్నారు.
-
పుష్ప 2 రికార్డుల్లోనూ తగ్గేదేలే..
ప్రస్తుతం ఎక్కడ చూసిన పుష్ప మేనియా కనిపిస్తుంది. డిసెంబర్ 5న ఈ సినిమా ప్రపంచవ్యాప్తంగా విడుదల కానుండగా.. ప్రమోషన్స్ ఓ రేంజ్ లో నిర్వహిస్తున్నారు మేకర్స్. తాజాగా విడుదలకు ముందే రికార్డులు సృష్టిస్తోంది పుష్ప 2. అమెరికన్ బాక్సాఫీస్ లో అత్యంత వేగంగా టికెట్స్ ప్రీసేల్ ద్వారానే 1 మిలియన్ డాలర్ల మార్కును చేరింది ఈ మూవీ.
-
పుష్ప 2 వైల్డ్ ఫైర్ జాతరకు సర్వం సిద్ధం..
హైదరాబాద్ యూసఫ్ గూడ పోలీస్ పరేడ్ గ్రౌండ్స్ లో పుష్ప 2 వైల్డ్ ఫైర్ జాతర ఈవెంట్ నిర్వహించేందుకు అన్ని పనులు పూర్తయ్యాయి. ఇప్పటికే వేదిక వద్ద భారీ సంఖ్యలో పోలీసులు మోహరించారు. ఈ వేడుకకు భారీ సంఖ్యలో ఫ్యాన్స్ హాజరుకానున్నట్లు తెలుస్తోంది.
Published On - Dec 02,2024 5:55 PM
