Pawan Kalyan: తేజ్‌ను కోమాలో చూసి తల్లడిల్లిపోయా.. కాపాడిన అబ్దుల్‌ను గుండెల్లో పెట్టుకుంటా: పవన్‌ కల్యాణ్‌
సుప్రీం హీరో, మెగా మేనల్లుడు సాయి ధరమ్ తేజ్ కొన్ని నెలల క్రితం రోడ్డు ప్రమాదానికి గురైన సంగతి తెలిసిందే. ఈ యాక్సిడెంట్‌లో తేజ్‌కు తీవ్ర గాయాలయ్యాయి. కొన్నిరోజుల పాటు కోమాలోకి కూడా వెళ్లిపోయాడు. అయితే అభిమానుల ప్రార్థనలు, ఆశీస్సులతో ప్రాణాపాయం నుంచి బయటపడ్డాడు.
Updated on: Jul 26, 2023 | 11:34 AM
సుప్రీం హీరో, మెగా మేనల్లుడు సాయి ధరమ్ తేజ్ కొన్ని నెలల క్రితం రోడ్డు ప్రమాదానికి గురైన సంగతి తెలిసిందే. ఈ యాక్సిడెంట్‌లో తేజ్‌కు తీవ్ర గాయాలయ్యాయి. కొన్నిరోజుల పాటు కోమాలోకి కూడా వెళ్లిపోయాడు. అయితే అభిమానుల ప్రార్థనలు, ఆశీస్సులతో ప్రాణాపాయం నుంచి బయటపడ్డాడు. అయితే యాక్సిడెంట్‌ తాలూకూ ప్రభావం ఇప్పటికీ తేజ్‌లో కనిపిస్తోంది. అందుకే మళ్లీ సర్జరీకి వెళుతున్నాడు. ఇందుకోసం 6 నెలల పాటు సినిమాలకు దూరంగా ఉండనున్నాడు. కాగా తేజ్‌కు యాక్సిడెంట్‌ అవ్వగానే మెగా ఫ్యామిలీతో పాటు అభిమానులు తీవ్ర ఆందోళనకు గురయ్యారు. అతను త్వరగా కోలుకోవాలంటూ ప్రార్థనలు కూడా చేశారు. ఈ క్రమంలో యాక్సిడెంట్‌ సమయంలో తేజ్ పరిస్థితిని గుర్తుచేసుకుని ఎమోషనల్‌ అయ్యారు పవన్‌ కల్యాణ్‌. తాజాగా జరిగిన ‘బ్రో’ ప్రీ రిలీజ్‌ ఈవెంట్‌లో మాట్లాడిన పవన్‌ తన మేనల్లుడు కోమాలో ఉన్నప్పుడు తల్లడిల్లిపోయానన్నారు.
‘ నేను, త్రివిక్రమ్‌ ఉన్నప్పుడు తేజ్‌కు యాక్సిడెంట్‌ అయిందని ఫోన్‌ వచ్చింది. వెంటనే ఆస్పత్రికి వెళ్లి చూశాను. అక్కడ సాయి స్పృహలో లేడు. కోమాలోకి వెళ్లిపోయాడు. 24 గంటల తర్వాత మళ్లీ స్పృహలోకి వస్తాడన్నారు వైద్యులు. కానీ ఎంతకూ రాలేదు. అప్పుడు ఆస్పత్రిలో ఓ మూలన కూర్చొని నాలో నేనే గుండెపగిలేలా రోధించాను. తేజ్‌ను బతికించమని జగన్మాత అమ్మవారిని ప్రార్థించాను. అలాంటి తేజ్ ఇప్పుడు ఇక్కడ ఉన్నాడంటే ఆరోజు అతనిని ఆస్పత్రిలో చేర్చిన అబ్బాయే ( అబ్దుల్) కారణం. తేజ్ ను ఆస్పత్రిలో చేర్చిన అబ్దుల్ కు ధన్యవాదాలు తెలుపుకుంఉటన్నాను. అతను ఎప్పటికీ నా గుండెల్లో ఉంటాడు’ అని ఎమోషనల్‌ అయ్యారు పవన్‌ కల్యాణ్‌.
మరిన్ని సినిమా వార్తల కోసం క్లిక్ చేయండి..
