Srikanth: హీరో శ్రీకాంత్ ఇంట్లో పెళ్లి సందడి.. స్పెషల్‌ అట్రాక్షన్‌గా రోషన్, రోహన్.. ఫొటోస్‌ చూశారా?
శ్రీకాంత్ సోదరుడు మేకా అనిల్‌ గతంలో హీరోగానూ నటించాడు. 1999లో 'ప్రేమించేది ఎందుకమ్మా' అనే లవ్‌ స్టోరీలో హీరోగా నటించాడు. అయితే సినిమా పెద్దగా ఆడలేదు. ఆ తర్వాత నిర్మాతగానూ తన అభిరుచిని చాటుకున్నారు.
ప్రముఖ హీరో శ్రీకాంత్ ఇంట్లో పెళ్లి సందడి నెలకొంది. ఆయన తమ్ముడు, ప్రముఖ నిర్మాత అనిల్‌ కూతురు పెళ్లి వేడుకగా జరిగింది. ఈ వివాహ వేడుకకు శ్రీకాంత్ కుటుంబ సభ్యులందరూ హాజలయ్యారు. శ్రీకాంత్ సతీమణి ఊహ, కుమారుడు హీరో రోషన్, కూతురు మేద, చిన్న కుమారుడు రోహన్ ఈ వేడుకలో సందడి చేశారు. ప్రస్తుతం ఈ ఫొటోలు సోషల్‌ మీడియాలో వైరల్‌గా మారాయి. చాలా రోజుల తర్వాత కుటుంబ సభ్యులందరూ ఒకే చోట కనిపించడంతో ఈ ఫొటోలు అభిమానులు, నెటిజన్లను బాగా ఆకట్టుకుంటున్నాయి. కాగా శ్రీకాంత్ సోదరుడు మేకా అనిల్‌ గతంలో హీరోగానూ నటించాడు. 1999లో ‘ప్రేమించేది ఎందుకమ్మా’ అనే లవ్‌ స్టోరీలో హీరోగా నటించాడు. అయితే సినిమా పెద్దగా ఆడలేదు. ఆ తర్వాత నిర్మాతగానూ తన అభిరుచిని చాటుకున్నారు. శ్రీకాంత్‌తో కలిసి విరోధి లాంటి కొన్ని సినిమాలను తెరకెక్కించారు. అయితే ప్రస్తుతం ఆయన ఇండస్ట్రీకి దూరంగానే ఉన్నారు.
మరోవైపు శ్రీకాంత్ వరుసగా సినిమాలు చేస్తున్నారు. విలన్‌గా, క్యారెక్టర్‌ ఆర్టిస్టుగా, సపోర్టింగ్స్‌ రోల్స్‌తో ప్రేక్షకులను అలరిస్తున్నాడు. ఈ ఏడాది సంక్రాంతి విజయ్‌ వారసుడు సినిమాలో నటించారాయన. ప్రస్తుతం రామ్‌చరణ్‌- శంకర్‌ కాంబినేషన్‌లో వస్తోన్న గేమ్‌ ఛేంజర్‌ సినిమాలో కీ రోల్‌ పోషిస్తున్నాడు. అలాగే ఎన్టీఆర్‌ దేవర సినిమాలోనూ నటిస్తున్నారు. ఇక శ్రీకాంత్ వారసుడు రోహన్ పెళ్లి సందడితో ఎంట్రీ ఇచ్చాడు. ప్రస్తుతం వృషభ అనే పాన్‌ ఇండియా సినిమాలో నటిస్తున్నాడు. మలయాళ సూపర్‌ స్టార్‌ మోహన్‌లాల్‌ కూడా ఈ మూవీలో నటిస్తున్నారు.
Srikanth Family
మరిన్ని సినిమా వార్తల కోసం ఇక్కడ క్లిక్ చేయండి..
