‘సీతమ్మ వాకిట్లో సిరిమల్లె చెట్టు’లో రేలంగి మామయ్య పాత్రకు ఫస్ట్ ఛాయిస్ ప్రకాష్ రాజ్ కాదట.. ఆ స్టార్ హీరో ఎవరో తెలుసా?

తెలుగు సినిమా చరిత్రలో కుటుంబ బంధాలు, విలువలు, అనురాగాన్ని అద్భుతంగా చూపించిన చిత్రాల్లో ‘సీతమ్మ వాకిట్లో సిరిమల్లె చెట్టు’ (SVSC) ఎప్పుడూ ముందుంటుంది. ముఖ్యంగా ఈ సినిమాలో *రేలంగి మామయ్య* పాత్ర ప్రేక్షకులను ఎంతగానో ఆకట్టుకుంది. ఆ పాత్రలో ప్రకాష్ రాజ్ నటన అద్భుతం. ఈ పాత్ర సినిమాకే హైలైట్‌గా నిలిచింది. అయితే, ఈ పాత్రకు దర్శకుడు శ్రీకాంత్ అడ్డాల మొదట ప్రకాష్ రాజ్‌ను అనుకోలేదట! ఆయన మనసులో ఉన్నది… దక్షిణ భారత సినిమాకే దేవుడిలాంటి ఓ లెజెండరీ స్టార్ హీరో!

ఫస్ట్ ఛాయిస్!

ఇటీవల ఒక ఇంటర్వ్యూలో దర్శకుడు శ్రీకాంత్ అడ్డాల మాట్లాడుతూ ఒక ఆసక్తికరమైన విషయాన్ని బయటపెట్టారు. ‘సీతమ్మ వాకిట్లో సిరిమల్లె చెట్టు’ లో రేలంగి మామయ్యగా ప్రకాష్ రాజ్ పోషించిన పాత్ర కోసం తాను మొదట అనుకున్నది సాక్షాత్తు సూపర్‌స్టార్ రజినీకాంత్​ని అని ఆయన వెల్లడించారు! శ్రీకాంత్ అడ్డాల చెప్పిన దాని ప్రకారం, ఆయన రజినీకాంత్ గారికి ఆ పాత్ర గురించి కథ కూడా చెప్పారట. ఒకవేళ ఆ పాత్రను రజినీకాంత్ గారే చేసి ఉంటే, ఆ సినిమా స్థాయి, ఆ పాత్రకు ఉండే నిండైన గౌరవం మరోలా ఉండేదని అభిమానులు ఇప్పుడు చర్చించుకుంటున్నారు.

View this post on Instagram

A post shared by KK TV Official (@kk_tv_official)

రజినీకాంత్ గారికి కథ చెప్పినప్పటికీ, కొన్ని కారణాల వల్ల ఆ పాత్రలో ఆయన నటించడం కుదరలేదు. ఆ తర్వాతే శ్రీకాంత్ అడ్డాల ఆ పాత్ర కోసం ప్రకాష్ రాజ్‌ను ఎంచుకున్నారు. ప్రకాష్ రాజ్ లాంటి అద్భుతమైన నటుడు ఆ పాత్రలో ఒదిగిపోవడం వల్లే, ఆ పాత్రకు అంతటి పేరు, గుర్తింపు వచ్చాయి. ఎమోషన్స్, ప్రేమ, కోపాన్ని అద్భుతంగా పలికించిన ప్రకాష్ రాజ్… ఆ సినిమాకు ప్రాణంగా నిలిచారు.

Prakashraj With Rajanikanth

ఒకవైపు మహేష్ బాబు, వెంకటేష్ వంటి ఇద్దరు అగ్ర హీరోలు ఉండగా, వారికి తండ్రి స్థానంలో ఉన్న పాత్రకు రజినీకాంత్ వంటి అగ్రశ్రేణి నటుడిని అనుకోవడం శ్రీకాంత్ అడ్డాల విజన్‌ను తెలియజేస్తుంది. ఏది ఏమైనా, ప్రకాష్ రాజ్ ఆ పాత్రకు పూర్తి న్యాయం చేసి, తెలుగు ప్రేక్షకుల హృదయాల్లో శాశ్వతంగా నిలిచిపోయారు.