Naga Chaitanya: చై టాటూకి అర్ధం ఏంటో తెలుసా..? అసలు విషయం చెప్పిన అక్కినేని యంగ్ హీరో
అక్కినేని నాగచైతన్య ప్రస్తుతం వరుస సినిమాలతో దూసుకుపోతున్నారు. ఇటీవలే థాంక్యూ సినిమాతో ప్రేక్షకుల ముందుకు వచ్చాడు చైతన్య.. విక్రమ్ కుమార్ కే దర్శకత్వంలో వచ్చిన ఈ సినిమా ఆశించిన స్థాయిలో ఆకట్టుకోలేక పోయింది.
Updated on: Aug 10, 2022 | 9:08 AM
అక్కినేని నాగచైతన్య(Naga Chaitanya)ప్రస్తుతం వరుస సినిమాలతో దూసుకుపోతున్నారు. ఇటీవలే థాంక్యూ సినిమాతో ప్రేక్షకుల ముందుకు వచ్చాడు చైతన్య.. విక్రమ్ కుమార్ కే దర్శకత్వంలో వచ్చిన ఈ సినిమా ఆశించిన స్థాయిలో ఆకట్టుకోలేక పోయింది. ఇక ఇప్పుడు బాలీవుడ్ మూవీలో నటిస్తున్నాడు చైతూ. అమీర్ ఖాన్ నటిస్తోన్న లాల్ సింగ్ చడ్డా సినిమాలో నాగచైతన్య కీలక పాత్రలో నటిస్తున్నాడు. త్వరలోనే ఈ సినిమా ప్రేక్షకుల ముందుకు రానుంది. ఈ సినిమా బోడి బాలరాజు అనే పాత్రలో నటిస్తున్నాడు. ఇప్పటికే విడుదలైన ఈ సినిమా టీజర్స్, ట్రైలర్ ప్రేక్షకుల్లో అంచనాలు పెంచేశాయి. ఇక ఈ సినిమా ప్రమోషన్స్ స్పీడ్ పెంచారు. తాజాగా జరిగిన ఓ ఇంటర్వ్యూలో నాగచైతన్య మాట్లాడుతూ సినిమా గురించి ఆసక్తికర విషయాలు తెలిపారు.
ఈ నేపథ్యంలో తన చేతి పై ఉన్న ట్యాటూ గురించి, దాని అర్ధాన్ని చెప్పుకొచ్చారు. అయితే ఆ ట్యాటూ అర్ధం తన పెళ్లి తేదీ అని తెలిపాడు చైతన్య. చాలా మంది ఇది ఏంటో అనుకుంటారు.. కానీ ఇది నా పెళ్లి డేట్ ను సూచిస్తుంది అన్నారు చైతన్య. అయితే చైతన్య , సమంత 2017లో వివాహం చేసుకున్న విషయం తెలిసిందే. ఆ తర్వాత మనస్పర్థల కారణంగా ఈ జంట 2021లో విడాకులు తీసుకున్నారు. అయితే ఇప్పుడు ఈ టాటూ తొలగించాలని ఎప్పుడైనా అనుకున్నారా అని యాంకర్ ప్రశ్నించగా..”దాని గురించి ఎప్పుడు ఆలోచించలేదు..టాటూ మార్చడానికి ఏమీ లేదు. పర్లేదు” అంటూ సమాధానం ఇచ్చాడు చై. సమంత – నాగ చైతన్య 2021లో విడిపోతున్నట్లు సోషల్ మీడియాలో ప్రకటించగానే ఫ్యాన్ షాక్ అయ్యారు. అప్పటివరలో టాలీవుడ్ లవబుల్ కపుల్ గా ఉన్న సామ్- చై విడిపోవడం చాలామంది జీర్ణించుకోలేకపోతున్నారు. ఇక ఇటీవల సమంత కరణ్ జోహార్ షో కాఫీ విత్ కరణ్ సీజన్ 7 లో పాల్గొంది. ఈ షోలో సమంత తన వైవాహిక జీవితం గురించి ఆసక్తికర విషయాలను పంచుకుంది.
