Mahesh Babu-Rehman: సానియా ఫెర్వెల్ పార్టీలో మహేష్ దంపతుల సందడి.. ప్రిన్స్తో సెల్ఫీ తీసుకున్న రెహమాన్..
సానియాతో దిగిన ఓ ఫోటోను మహేష్ బాబు సోషల్ మీడియాలో షేర్ చేస్తూ "ఇన్నాళ్ల నీ ప్రయాణం చూస్తుంటే చాలా గర్వంగా ఉంది" అంటూ క్యాప్షన్ ఇచ్చారు. ప్రస్తుతం సానియా ఫెర్ వెల్ పార్టీకి సంబంధించిన ఫోటోస్ నెట్టింట చక్కర్లు కొడుతున్నాయి.
Updated on: Mar 06, 2023 | 12:43 PM
భారత స్టార్ టెన్నిస్ క్రీడాకారిణి సానియా మీర్జా అంతర్జాతీయ టెన్నిస్కు వీడ్కోలు పలికిన సంగతి తెలిసిందే. ఈ క్రమంలోనే మార్చి 5న హైదరాబాద్లోని లాల్ బహదూర్ స్టేడియంలో సానియా గ్రాండ్గా ఫెర్ వెల్ పార్టీ అరెంజ్ చేసింది. ఈ వేడుకకు పలువురు సినీ ప్రముఖులు హాజరయ్యారు. ముఖ్యంగా ఈ కార్యక్రమంలో సూపర్ స్టార్ మహేష్ బాబు దంపతులు స్పెషల్ అట్రాక్షన్ అయ్యారు. ఇద్దరూ బ్లాక్ అవుట్ ఫిట్లో మరింత స్టైలీష్గా కనిపించారు. ఇక ఈ సానియాతో దిగిన ఓ ఫోటోను మహేష్ బాబు సోషల్ మీడియాలో షేర్ చేస్తూ “ఇన్నాళ్ల నీ ప్రయాణం చూస్తుంటే చాలా గర్వంగా ఉంది” అంటూ క్యాప్షన్ ఇచ్చారు. ప్రస్తుతం సానియా ఫెర్ వెల్ పార్టీకి సంబంధించిన ఫోటోస్ నెట్టింట చక్కర్లు కొడుతున్నాయి.
అయితే ఈ కార్యక్రమంలో ఆస్కార్ అవార్డ్ గ్రహీత మ్యూజిక్ డైరెక్టర్ ఏఆర్ రెహమాన్ సైతం పాల్గొన్నారు. అదే సమయంలో సూపర్ స్టార్ మహేష్ బాబుతో రెహమాన్ సెల్ఫీ తీసుకున్నారు. ఈ ఫోటోను తన ట్విట్టర్ వేదికగా షేర్ చేస్తూ హ్యాపీగా ఫీలయ్యారు రెహమాన్. ఆ ఫోటోలో రెహమాన్ తోపాటు.. మహేష్ కూడా చిరునవ్వు చిందిస్తూ కనిపించారు.
ఇక రెహమాన్ ట్వీట్ను రీట్వీట్ చేశారు మహేష్. ఈ ఫోటోను లెజెండ్ స్వయంగా క్లిక్ చేశారు. మిమ్మల్ని కలవడం ఆనందంగా ఉంది సార్. అంటూ రాసుకొచ్చారు మహేష్. ఇందుకు రెహమాన్ స్పందిస్తూ.. మహేష్ గారూ మీతో లవ్లీ క్యాచింగ్ అఫ్ అంటూ రిప్లై ఇచ్చారు. ఇదిలా ఉంటే సానియా మీర్జా కుటుంబంతో మహేష్ బాబు, నమ్రతకు మంచి అనుబంధం ఉంది. గతంలోనూ పలు ఫ్యామిలీ వేడుకలలో వీళ్లు సందడి చేశారు.
Clicked by the legend himself!! ? Always a pleasure meeting you sir @arrahman! ? https://t.co/4UeBwM2Udv
— Mahesh Babu (@urstrulyMahesh) March 5, 2023
మరిన్ని సినిమా వార్తల కోసం ఇక్కడ క్లిక్ చేయండి.
