Waltair Veerayya: ‘వాల్తేరు వీరయ్య శాటిలైట్’ రైట్స్ సొంతం చేసుకున్న ఆ టీవీ ఛానల్.. బుల్లితెరపై చిరు సందడి..
చాలా కాలం తర్వాత చిరు ఇందులో పూర్తి స్థాయి మాస్ అవతారంలో కనిపించనున్నారు. ఓవైపు పోస్టర్, టీజర్కు మంచి రెస్పాన్స్ రాగా.. మరోవైపు బాస్ పార్టీ.. పూనకాలు లోడింగ్ సాంగ్స్ ఆకట్టుకుంటున్నాయి. ఇప్పటికే అన్ని కార్యక్రమాలు పూర్తిచేసుకున్న ఈ సినిమాను సంక్రాంతి కానుకగా జనవరి 13న రిలీజ్ చేయనున్నట్లు ప్రకటించారు మేకర్స్.
Updated on: Jan 07, 2023 | 7:05 AM
మెగా అభిమానులు ఎప్పుడెప్పుడా అని వేయి కళ్లతో ఎదురుచూస్తున్న సినిమా వాల్తేరు వీరయ్య. మెగాస్టార్ చిరంజీవి, శ్రుతి హాసన్ జంటగా డైరెక్టర్ బాబీ తెరకెక్కిస్తోన్న ఈ సినిమా పై ఇప్పటికే అంచనాలు భారీగా ఉన్నాయి. అలాగే ఇందులో మాస్ మాహారాజా రవితేజ కీలకపాత్రలో నటిస్తుండడంతో మరింత హైప్ ఏర్పడింది. చాలా కాలం తర్వాత చిరు ఇందులో పూర్తి స్థాయి మాస్ అవతారంలో కనిపించనున్నారు. ఓవైపు పోస్టర్, టీజర్కు మంచి రెస్పాన్స్ రాగా.. మరోవైపు బాస్ పార్టీ.. పూనకాలు లోడింగ్ సాంగ్స్ ఆకట్టుకుంటున్నాయి. ఇప్పటికే అన్ని కార్యక్రమాలు పూర్తిచేసుకున్న ఈ సినిమాను సంక్రాంతి కానుకగా జనవరి 13న రిలీజ్ చేయనున్నట్లు ప్రకటించారు మేకర్స్.
ఈ సినిమా ప్రమోషన్స్ షూరు చేసింది చిత్రయూనిట్. ఇప్పటికే ప్రెస్ మీట్ నిర్వహించగా.. జనవరి 8న వాల్తేరు వీరయ్య ప్రీ రిలీజ్ ఈవెంట్ వైజాగ్ లో జరగనుంది. ఇదిలా ఉంటే.. ఈ సినిమా థియేట్రికల్ శాటిలైట్ రైట్స్ ను ప్రముఖ టీవీ ఛానల్ జెమిని టీవీ సొంతం చేసుకున్నట్లు తెలుస్తోంది. ఈ చిత్రం థియేట్రికల్ రిలీజ్ అనంతరం జెమిని టీవీలో ప్రసారం కానుంది. దేవి శ్రీ ప్రసాద్ సంగీతం అందిస్తుండగా.. మైత్రీ మూవీ మేకర్స్ నిర్మిస్తున్నారు.
ఇక ఈ సినిమా ప్రీ రిలీజ్ వేడుకను జనవరి 8న విశాఖపట్నంలోని ఆంధ్ర యూనివర్సిటీ ఇంజనీరింగ్ కాలేజీ మైదానంలో ఈ ఈవెంట్ నిర్వహించనున్నట్లు తెలిపారు. ఇక జనవరి 7న వాల్తేరు వీరయ్య ట్రైలర్ రిలీజ్ చేయనున్నారు. ఈ విషయాన్ని తెలియజేస్తూ మెగాస్టార్ నయా పోస్టర్ రిలీజ్ చేశారు.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
