Chiranjeevi: ‘హిచ్ కాక్’పై తెలుగులో బుక్‌ తీసుకురావడం అభినందనీయం: మెగాస్టార్ చిరంజీవి

ప్రపంచ సినిమాపై తనదైన ముద్ర వేసిన దర్శకుల్లో ఆల్ఫ్రెడ్ హిచ్‌కాక్ ఒకరు. సస్పెన్స్ థ్రిల్లర్స్ తీసే దర్శక రచయితలకు ఆయన సినిమాలే ఇన్ స్పిరేషన్. ఆల్ఫ్రెడ్ హిచ్‌కాక్ 125వ జయంతి సందర్భంగా, అలానే ఆయన తొలి సినిమా విడుదలై వందేళ్లు అయిన సందర్భంగా హిచ్‌కాక్ సినీ జీవితంపై ‘మాస్టర్ ఆఫ్ సస్పెన్స్ హిచ్‌కాక్’ పేరుతో సీనియర్ జర్నలిస్ట్, సినీ రచయిత పులగం చిన్నారాయణ – ఐఆర్‌టీఎస్ అధికారి రవి పాడితో కలిసి పుస్తకం తీసుకొచ్చారు. డిసెంబర్ 18న ఫస్ట్ కాపీ విడుదలైంది. ఐదు రోజుల్లో పుస్తకాలు అన్నీ అమ్ముడు కావడంతో సరికొత్త చేర్పులతో సెకండ్ ఎడిషన్ లాంచ్ చేశారు.

‘మాస్టర్ ఆఫ్ సస్పెన్స్ హిచ్‌కాక్’ బుక్ చూసిన చిరంజీవి ఆసక్తి కనబరిచారు. తాను పుస్తకం చదువుతానని తెలిపారు. తెలుగులో ఇటువంటి పుస్తకం తీసుకు రావడం అభినందనీయం అని ప్రశంసించారు. ఇంకా ఆయన మాట్లాడుతూ… ”హిచ్ కాక్ సినిమాలు కొన్నిటిని నేను కాలేజీ చదువుతున్న రోజుల్లో చూశాను. ఈ పుస్తకాన్ని ఖాళీ సమయం దొరికినప్పుడల్లా పది పదిహేను రోజుల్లో చదివేస్తాను. ప్రపంచ సినిమా చరిత్రలో దిగ్గజ దర్శకుడి గురించి తెలుగులో బుక్ రావడం అభినందనీయం. ఇలాంటి పుస్తకాలను పులగం చిన్నారాయణ, రవి పాడి మరిన్ని సంకల్పించాలి’ అని అన్నారు. ప్రసిద్ధ నవలా రచయిత మల్లాది వెంకట కృష్ణమూర్తి ఈ పుస్తకానికి ముందుమాట రాయడంతో పాటు ఆయన కెరీర్ లో తొలిసారి‌‌ ఒక పుస్తకాన్ని ప్రశంసిస్తూ పాడ్ కాస్ట్ విడుదల చేశారు. అలాగే సంచలన దర్శకులు రామ్ గోపాల్ వర్మ కూడా ముందుమాట రాశారు.

ఇవి కూడా చదవండి

తారక రత్న భార్య, పిల్లలు ఇప్పుడెలో ఉన్నారో చూశారా?లేటెస్ట్ ఫొటోస్

బెస్ట్ ఫ్రెండ్స్.. ఈ స్టార్ హీరో, హీరోయిన్లను గుర్తు పట్టారా?

ఓటీటీలో సూపర్ డూపర్ హిట్ క్రైమ్ థ్రిల్లర్ టీవీ షో 'సీఐడీ'

ధనశ్రీతో విడాకులు.. చాహల్ చెల్లించే భరణమెంతో తెలుసా? ఆస్తులన్నీ..

మెగాస్టార్ చిరంజీవి చేతుల మీదుగా..

Thank you #MegastarChiranjeevi garu for Launching our 2nd edition of “Master of Suspense HITCHCOCK “. it’s a great Tribute to the legend on his 125th anniversary from an other ‘legend’ like you 🙏#HitchcockBookinTelugu https://t.co/O5PV3pySDP pic.twitter.com/PDTtFtsJBy

— Pulagam Chinnarayana (@PulagamOfficial) February 22, 2025

‘మాస్టర్ ఆఫ్ సస్పెన్స్ హిచ్‌కాక్’లో 45 మంది దర్శకులు, ఏడు మంది రచయితలు, పది మంది జర్నలిస్టులు రాసిన మొత్తం 62 వ్యాసాలు ఉన్నాయి. ఇటీవల జరిగిన హైదరాబాద్ లిటరేచర్ ఫెస్టివల్ (HLF)లో ప్రముఖ బాలీవుడ్ నటుడు, దర్శకుడు అమోల్ పాలేకర్ ప్రశంసలను అందుకున్నారు పులగం చిన్నారాయణ, రవి పాడి

After an overwhelming response, the second edition of “Master of Suspense Hitchcock” by @PulagamOfficial & IRTS Officer Ravi Padi was launched by #MegastarChiranjeevi garu. He says, “It’s fantastic to see the Hitchcock’s legacy celebrated in our language”.#Chiranjeevi… pic.twitter.com/SxZSanWGCm

— Sai Satish (@PROSaiSatish) February 22, 2025

మరిన్ని సినిమా వార్తల కోసం ఇక్కడ క్లిక్ చేయండి.