సినిమా ఇండస్ట్రీలో బెస్ట్ ఫ్రెండ్స్.. ఈ స్టార్ హీరో, హీరోయిన్లను గుర్తు పట్టారా? నటుడి పేరు మార్మోగిపోతోంది

ఒకరు బాలీవుడ్.. ఇంకొకరు మాలీవుడ్.. ఇద్దరూ స్టార్సే. సినిమా ఇండస్ట్రీలో బెస్ట్ ఫ్రెండ్స్ లిస్టులో ఈ జోడీ కూడా ఒకటి. వీరి కుటుంబాల మధ్య కూడా మంచి అనుబంధం ఉంది. పండగలు, ప్రత్యేక సందర్భాల్లో తరచూ కలుస్తుంటారు. మరి వీరెవరో గుర్తు పట్టారా?

Cinema Actors

Basha Shek |
Updated on: Feb 21, 2025 | 4:41 PM

పై ఫొటోలో విచిత్రమైన ఎక్స్‌ప్రెషన్ తో పోజులిస్తోన్నదెవరో గుర్తు పట్టారా? వీరిద్దరూ మంచి స్నేహితులు. ఇప్పుడు సినిమా ఇండస్ట్రీలో స్టార్ హీరో, హీరోయిన్లు గా చెలామణి అవుతున్నారు. ఒకరు స్టార్ హీరోయిన్ గా సౌత్ ను ఏలేస్తుంటే.. మరొకరు విలక్షణ నటుడిగా బ్యాక్ టు బ్యాక్ హిట్స్ కొడుతున్నారు. ముఖ్యంగా ఇటీవల ఈ స్టార్ హీరో నటించిన ఒక సినిమా బాలీవుడ్ బాక్సాఫీస్ రికార్డులు బద్దలు కొడుతోంది. కనివీని ఎరుగని కలెక్షన్లు సాధిస్తూ బాలీవుడ్ ఇండస్ట్రీకి మళ్లీ ఊపిరిపోసింది. దీంతో ఈ ట్యాలెంటెడ్ నటుడి పేరు ఇప్పుడు మార్మోగిపోతోంది. నార్త్ టు సౌత్ ఈ నటుడి పేరే ప్రముఖంగా వినిపిస్తోంది. మరి ఈ ఇందులో ఉన్నదెవరో గుర్తు పట్టారా? కొంచెం కష్టంగా ఉందా? అయితే సమాధానం మేమే చెబుదాం లెండి. వీరు మరెవరో కాదు బాలీవుడ్ స్టార్ హీరో విక్కీ కౌశల్, మరొకరు తంగలాన్ హీరోయిన్ మాళవికా మోహనన్. విక్కీ కౌశల్ నటించిన ఛావా సినిమా బ్లాక్ బస్టర్ టాక్ తో దూసుకెళుతోన్న నేపథ్యంలో ఈ నటుడి గురించి పలు ఆసక్తికర విషయాలు వెలుగులోకి వచ్చాయి. అందులో మలయాళ హీరోయిన్ మాళవికా మోహనన్, విక్కీ కౌశల్ ఎప్పటినుంచో మంచి స్నేహితులుగా ఉన్నారని తెలిసింది. ఈ క్రమంలోనే వీరిద్దరూ జంటగా కనిపించిన ఫొటోలు, వీడియోలు ఇప్పుడు నెట్టింట తెగ చక్కర్లు కొడుతున్నాయి.

విక్కీ కౌశల్, మాళవిక సినిమాల్లోకి రాక ముందు నుంచే మంచి స్నేహితులుగా ఉన్నారు. ఎక్కువగా కలవకపోయినా ఒకరి సినిమాలకు మరొకరు సోషల్ మీడియాలో ఆల్ ది బెస్ట్ చెప్పుకుంటుంటారు. పండగలు, ప్రత్యేక సందర్భాల్లో కలుసుకోవడం లేదా పరస్పరం విష్ చేసుకోవడం వంటివి చేస్తుంటారు. గతంలో ఓనం పండగ సందర్భంగా మాళవిక ఇంటికి కూడా వెళ్లాడు విక్కీ కౌశల్. అలాగే పలు వేడుకలు, పార్టీల్లోనూ కలిసి కనిపించారీ స్నేహితులు.

మాళవికతో విక్కీ కౌశల్..

View this post on Instagram

A post shared by Malavika Mohanan (@malavikamohanan_)

గతేడాది యుధ్రా సినిమాతో బాలీవుడ్ లోకి అడుగు పెట్టింది మాళవిక. ప్రస్తుతం ఈ ముద్దుగుమ్మ చేతిలో ప్రభాస్ ది రాజాసాబ్ మూవీతో పాటు కార్తీ సర్దార్ 2 సినిమా కూడా ఉంది. ఇక విక్కీ కౌశల్ విషయానికి వస్తే.. ప్రస్తుతం ఛావా సక్సెస్ ను బాగా ఎంజాయ్ చేస్తున్నాడు. ఈ సినిమా ఇప్పటికే రూ. 200 కోట్లకు పైగా వసూళ్లు సాధించింది.