Mega Powerstar Ram Charan: ప్రశాంత్ నీల్ సినిమా పై క్లారిటీ ఇచ్చిన రామ్ చరణ్.. ఏమన్నాడంటే..

మెగా పవర్ స్టార్ రామ్ చరణ్ ప్రస్తుతం ఆర్ ఆర్ ఆర్ సినిమాను కంప్లీట్ చేసి శంకర్ సినిమాకోసం సిద్ధం అవుతున్నారు.

Ram Charan

Rajeev Rayala | Edited By: Phani CH

Updated on: Oct 17, 2021 | 10:26 AM

Mega Powerstar Ram Charan: మెగా పవర్ స్టార్ రామ్ చరణ్ ప్రస్తుతం ఆర్ ఆర్ ఆర్ సినిమాను కంప్లీట్ చేసి శంకర్ సినిమాకోసం సిద్ధం అవుతున్నారు. దర్శక ధీరుడు రాజమౌళి ఎంతో ప్రతిష్టాత్మకంగా తెరకెక్కిస్తున్న ఈ సినిమాలో చరణ్ అల్లూరి సీతారామరాజుగా కనిపించనున్నాడు. ఇందులో చెర్రీతోపాటు.. యంగ్ టైగర్ ఎన్టీఆర్ సైతం ప్రధాన పాత్రలో నటిస్తుండగా.. ఇందులో అలీయా భట్.. ఒలివియా మోరీస్ హీరోయిన్లుగా నటిస్తున్నారు. ఇప్పటికే షూటింగ్ పూర్తిచేసుకున్న ఈ సినిమా ప్రస్తుతం నిర్మాణాంతర పనులు జరుపుకుంటుంది. అలాగే చరణ్ ప్రస్తుతం తమిళ్ స్టార్ డైరెక్టర్ శంకర్ దర్శకత్వంలోనూ ఓ మూవీ చేస్తున్నాడు. ఇటీవలే ఈ మూవీ షూటింగ్ పూజా కార్యక్రమాలు జరుపుకుంది. భారీ బడ్జెట్ తో ఈ చిత్రాన్ని పాన్ ఇండియా లెవల్లో తెరకెక్కిస్తున్నారు. ఈ సినిమా తర్వాత తమిళ్ డైరెక్టర్ గౌతమ్ తిన్ననూరితో ఓ సినిమా చేయబోతున్నట్లుగా తన సోషల్ మీడియా ఖాతా ద్వారా అధికారికంగా ప్రకటించారు… ఈ చిత్రాన్ని యూవీ క్రియేషన్స్, ఎన్వీఆర్ సినిమా బ్యానర్లు సంయుక్తంగా నిర్మిస్తున్నాయి.

ఈ సినిమాతర్వాత చరణ్ కేజీఎఫ్ దర్శకుడు ప్రశాంత్ నీల్ తో సినిమా చేయబోతున్నాడని వార్తలు వచ్చాయి. ఇదిలా ఉంటే ఇటీవల సోషల్ మీడియాలో ప్రశాంత్ నీల్ రామ్ చరణ్ చిరంజీవి కలిసిన ఫోటోను షేర్ చేశారు. దాంతో ఈ వార్తలకు మరింత బలం చేకూరింది. ఈ వార్తలపై చరణ్ క్లారిటీ ఇచ్చాడు. తాజాగా నాట్యం సినిమా ప్రీరిలీజ్ ఈవెంట్ కు హాజరైన చరణ్ మాట్లాడుతూ.. ప్రశాంత్ నీల్ సినిమా వెంటనే చేయడం లేదు. బహుశా భవిష్యత్తులో ప్లాన్ చేసుకోవచ్చు అని క్లారిటీ ఇచ్చారు.

మరిన్ని ఇక్కడ చదవండి :