Mahesh Babu: గాంధీ తాత చెట్టు సినిమా చూసిన మహేష్‌ బాబు.. సుకుమార్ కూతురి గురించి ఏమన్నాడంటే?

సుకుమార్ కూతురు సుకృతి వేణి ప్రధాన పాత్రలో నటించిన చిత్రం గాంధీ తాత చెట్టు. ఇది ఆమె మొదటి సినిమా. రిలీజ్ కు ముందే ఎన్నో పురస్కారాలు, ప్రశంసలు అందుకున్న గాంధీ తాత చెట్టు సినిమా శుక్రవారం (జనవరి 24) న ప్రేక్షకుల ముందుకు వచ్చింది. అయితే సినీ, మీడియా ప్రముఖుల కోసం గురువారం (జనవరి 23) ఈ సినిమా స్పెషల్‌ ప్రీమియర్స్ వేశారు. దీంతో పలువురు ప్రముఖులు ఈ సినిమాను చూసి తమ అభిప్రాయాలను సోషల్ మీడియా వేదికగా పంచుకుంటున్నారు. ఈ క్రమంలోనే సూపర్ స్టార్ మహేశ్ బాబు గాంధీ తాత చెట్టు సినిమాను వీక్షించాడు. అనంతరం ట్విట్టర్ వేదికగా సినిమాపై తన అభిప్రాయాన్ని వెల్లడించాడు. ‘ గాంధీ తాత చెట్టు సినిమా ఎప్పటికీ మనతో ఉండిపోతుంది. అహింస గురించి అద్భుతమైన కథను అందంగా చూపించారు. సుకృతి వేణి యాక్టింగ్‌ చూస్తే గర్వంగా అనిపించింది. అందరూ ఈ చిత్రాన్ని తప్పకుండా వీక్షించండి’ అని కోరాడు మహేశ్ బాబు.

గాంధీ తాత చెట్టు సినిమాకు పద్మావతి మల్లాది దర్శకత్వం వహించారు. సుకుమార్ భార్య తబితా, నవీన్‌ ఎర్నేని, యలమంచిలి రవిశంకర్‌, శేష సింధురావు సంయుక్తంగా ఈ సినిమాను నిర్మించారు. భాను ప్రకాష్, ఆనంద చక్రపాణి, రాగ్ మయూర్, రఘురామ్ తదితరులు ఈ సినిమాలో ప్రధాన పాత్రలు పోషించారు. కాగా విడుదలైన ప్రతి చోటా గాంధీ తాత చెట్టు సినిమాకు మంచి స్పందన వస్తోంది. అలాగే సుకుమార్ కూతురి నటనపై కూడా ప్రశంసలు వస్తున్నాయి. ముఖ్యంగా పిల్లలు, వారి తల్లిదండ్రులందరూ గాంధీ తాత చెట్టు సినిమా చూడాలని రివ్యూయర్లు అభిప్రాయపడుతున్నారు.

ఇవి కూడా చదవండి

శోభా శెట్టి బర్త్ డే..సందడి చేసిన బిగ్ బాస్ ఫ్రెండ్స్.. ఫొటోస్

భర్త ఫొటోలను డిలీట్ చేసిన టాలీవుడ్ హీరోయిన్.. విడాకులపై హింట్?

రెండోసారి తల్లికాబోతున్న టాలీవుడ్ హీరోయిన్.. ఫొటోస్ వైరల్

విక్రమార్కుడు చైల్డ్ ఆర్టిస్ట్ కథ వింటే కన్నీళ్లు ఆగవు

మహేష్ బాబు ట్వీట్..

#GandhiThathaChettu… This film will stay with you. ❤️ A poignant story about ahimsa beautifully brought to life by @padmamalladi14.

So incredibly proud of you my little friend #SukritiVeniBandireddi.. watching you grow into this beautiful actress and deliver such a powerful…

— Mahesh Babu (@urstrulyMahesh) January 23, 2025

రిలీజ్ కు ముందే అవార్డులు..

The next generation of terrific talent.#SukritiVeniBandreddi, daughter of maverick director @aryasukku wins ‘The Dadasaheb Phalke Award’ for the Best Child Artist for the performance in #GandhiThathaChettu.

The film has already won accolades at many film festivals. It will be… pic.twitter.com/tXaAguYIU0

— Mythri Movie Makers (@MythriOfficial) May 1, 2024

మరిన్ని సినిమా వార్తల కోసం ఇక్కడ క్లిక్ చేయండి.