Mahesh Babu: మహేష్ మూవీ కోసం ‘సీతారామం’ బ్యూటీ ఫిక్స్ చేశారా..?
సూపర్ స్టార్ మహేష్ బాబు(Mahesh Babu) సినిమా కోసం ఆయన అభిమానులంతా ఎంతో ఆసక్తిగా ఎందురుచూస్తున్నారు. ఆయన ప్రస్తుతం త్రివిక్రమ్ కాంబినేషన్ లో సినిమా చేస్తున్న విషయం తెలిసిందే.
Updated on: Aug 26, 2022 | 8:16 PM
సూపర్ స్టార్ మహేష్ బాబు(Mahesh Babu) సినిమా కోసం ఆయన అభిమానులంతా ఎంతో ఆసక్తిగా ఎందురుచూస్తున్నారు. ఆయన ప్రస్తుతం త్రివిక్రమ్ కాంబినేషన్ లో సినిమా చేస్తున్న విషయం తెలిసిందే. దాదాపు పుష్కర కాలం తర్వాత ఈ కాంబోలో సినిమా రానుంది. ఈ కాంబోలో సినిమా రాబోతుందని తెలిసి ప్రేక్షకుల్లో అంచనాలు తారాస్థాయికి చేరాయి. మహేష్ ఇటీవలే సర్కారు వారి పాట అనే సినిమా చేసిన విషయం తెలిసిందే. ఇక ఈ సారి మహేష్ కొసం త్రివిక్రమ్ అదిరిపోయే కథని సిద్ధం చేశారట. మొన్నామధ్య మహేష్ మాట్లాడుతూ నేను కానీ త్రివిక్రమ్ కానీ ఇలాంటి సినిమా చేయలేదు. ఈ సినిమా చేయడానికి చాలా ఆసక్తితో ఉన్నా అంటూ సినిమా గురించి హింట్ ఇచ్చారు. దాంతో మహేష్ అభిమానులంతా ఆసక్తిగా ఎదురుచూస్తున్నారు. అలాగే ఈ సినిమా తర్వాత దర్శక ధీరుడు రాజమౌళి తో సినిమా చేస్తున్నాడు మహేష్.
తాజాగా ఈ సినిమా గురించి ఆసక్తికర చర్చ ఇప్పుడు ఫిలిం నగర్లో జరుగుతోంది. మహేష్ రాజమౌళి సినిమాలో హీరోయిన్ గా ఓ క్రేజీ బ్యూటీ పేరు వినిపిస్తోంది. ఇటీవలే తెలుగులోకి ఎంట్రీ ఇచ్చి మంది హిట్ తో పాటు ఫుల్ క్రేజ్ తెచ్చుకున్న మృణాల్ ఠాకూర్ ను మహేష్ సినిమా కోసం అనుకుంటున్నారట. ఇటీవలే సీతారామం సినిమాతో ఈ బ్యూటీ సూపర్ హిట్ అందుకున్న విషయం తెలిసిందే. ఈ సినిమాలో మృణాల్ నటనకు ఫిదా అయిన జక్కన్న మహేష్ సినిమా కోసం ఆమెను ఎంపిక చేశారట. మహేష్ పక్కన ఈ భామ అయితే సరిగ్గా సూటవుతుందని జక్కన్న భావిస్తున్నాడట. మరి ఈ వార్తల్లో వాస్తవమెంత అన్నది తెలియాల్సి ఉంది.
