Harsha Sai: యూట్యూబర్ హర్షసాయి కేసులో దిమ్మతిరిగే ట్విస్ట్.. లుక్‌అవుట్ నోటీసులు జారీ
యూట్యూబర్ హర్షసాయి కేసు మరో మలుపు తిరిగింది. అతడిపై నార్సింగ్ పోలీసులు లుక్‌అవుట్ నోటీసులు జారీ చేశారు. హర్షసాయిపై గత నెలలో అత్యాచారం కేసు నమోదైన సంగతి తెలిసిందే. తనపై అత్యాచారం చేశాడని..
Updated on: Oct 05, 2024 | 1:14 PM
యూట్యూబర్ హర్షసాయి కేసు మరో మలుపు తిరిగింది. అతడిపై నార్సింగ్ పోలీసులు లుక్‌అవుట్ నోటీసులు జారీ చేశారు. హర్షసాయిపై గత నెలలో అత్యాచారం కేసు నమోదైన సంగతి తెలిసిందే. తనపై అత్యాచారం చేశాడని, నగ్న వీడియోలు, ఫొటోలు చూపించి బ్లాక్ మెయిల్‌ చేస్తునన్నాడంటూ ఓ సినీ నటి నార్సింగ్ పోలీసులకు ఫిర్యాదు చేసింది. ఆమె హర్షసాయి తండ్రి రాధాకృష్ణపైనా ఫిర్యాదు చేసిన విషయం విదితమే.
మరోవైపు తనపై అత్యాచారం కేసు నమోదైన దగ్గర నుంచి చిక్కడు దొరకడు తరహాలో యూట్యూబర్ హర్షసాయి పోలీసులతో దాగుడు మూతలు ఆడుతున్నాడు. అత్యాచారం కేసు నమోదయినప్పటి నుంచి అజ్ఞాతంలోకి వెళ్లాడు.అతని జాడ కోసం నార్సింగి పోలీసులు స్పెషల్‌ టీమ్స్‌ను రంగంలోకి దిగారు. హర్షసాయి విదేశాలకు పారిపోయే అవకాశం వుందని బాధితురాలు పోలీసులకు మరో ఫిర్యాదు చేశారు. ఇక హర్షసాయి బాధితుల నుంచి కూడా కంప్లయింట్స్ వెల్లువెత్తుతున్నాయి. తాజాగా హర్షసాయి హెల్పింగ్‌ టీమ్‌ పేరిట తనను మోసం చేశాడంటూ ఓ బాధితుడు పోలీసులను ఆశ్రయించారు.
ఇది చదవండి: ఒంటరిగా చూడటమే బెటర్.! ఓటీటీలో రచ్చ రచ్చ.. ఈ రొమాంటిక్ థ్రిల్లర్ చూస్తే పిచ్చెక్కిపోవాల్సిందే
హర్ష సాయి కేసులో బాధితురాలు మరో ఫిర్యాదు..
అటు హర్ష సాయి కేసులో బాధితురాలు తాజాగా మరో ఫిర్యాదు చేసింది. సోషల్ మీడియాలో తన ఫోటోలు పెట్టి ట్రోల్ చేస్తున్నారంటూ కంప్లయింట్ ఇచ్చింది. తనపై అసభ్యకర పోస్టులు పెడుతున్న వారిపై చర్యలు తీసుకోవాలని నార్సింగ్ పోలీసులను ఆశ్రయించింది బాధితురాలు.
మరిన్ని సినిమా వార్తల కోసం ఇక్కడ క్లిక్ చేయండి
