Actress:కృష్ణుని గెటప్‌లో ఉన్న ఈ ప్రముఖ నటిని గుర్తు పట్టారా? 45 ఏళ్లు దాటినా కుర్ర హీరోయిన్లు కుళ్లుకునే అందం

17 ఏళ్ల వయసులోనే సినిమా ఇండస్ట్రీలోకి అడుగు పెట్టింది. మొదట సినిమాతోనే అందం, అభినయం పరంగా మంచి మార్కులు తెచ్చుకుంది. ఆ తర్వాత బ్యాక్ టు బ్యాక్ సినిమాలతో స్టార్ హీరోయిన్ గా క్రేజ్ తెచ్చుకుంది. అయితే సినిమా కెరీర్ పీక్స్ లో ఉన్న సమయంలోనే ఒక నటుడిని ప్రేమ వివాహం చేసుకుంది. ఇదే ఆమె సినిమా కెరీర్ కు మైనస్ గా మారింది. ఆ తర్వాత పాప పుట్టడంతో సినిమాలకు పూర్తిగా దూరమైంది.

Tollywood Actress

Basha Shek |

Updated on: Oct 05, 2024 | 12:50 PM

పై ఫొటోలో కృష్ణుని గెటప్ లో ఉన్నదెవరో గుర్తు పట్టారా? ఆమె ఇప్పుడు దక్షిణాది ఇండస్ట్రీలో స్టార్ హీరోయిన్. బుల్లితెర నటిగా కెరీర్ ప్రారంభించిన ఆమె 17 ఏళ్ల వయసులోనే సినిమా ఇండస్ట్రీలోకి అడుగు పెట్టింది. మొదట సినిమాతోనే అందం, అభినయం పరంగా మంచి మార్కులు తెచ్చుకుంది. ఆ తర్వాత బ్యాక్ టు బ్యాక్ సినిమాలతో స్టార్ హీరోయిన్ గా క్రేజ్ తెచ్చుకుంది. అయితే సినిమా కెరీర్ పీక్స్ లో ఉన్న సమయంలోనే ఒక నటుడిని ప్రేమ వివాహం చేసుకుంది. ఇదే ఆమె సినిమా కెరీర్ కు మైనస్ గా మారింది. ఆ తర్వాత పాప పుట్టడంతో సినిమాలకు పూర్తిగా దూరమైంది. సినిమా కెరీర్ ను త్యాగం చేసిన ఆమెకు వ్యక్తిగత జీవితంలో భారీ ఎదురు దెబ్బలు తగిలాయి. భర్తతో విడాకులు తీసుకుని విడిపోయింది. కన్న కూతురు కూడా విడిచి పెట్టి వెళ్లిపోయింది. దీంతో మళ్లీ సినిమాలే ఆమెకు జీవితమయ్యాయి. సెకెండ్ ఇన్నింగ్స్ ప్రారంభించింది. స్టార్ హీరోల సినిమాల్లో ఛాన్సులు దక్కించుకుంది. మొదటి ఇన్నింగ్స్ లో కంటే సెకెండ్ ఇన్నింగ్స్ లో ఈ ముద్దుగుమ్మ పేరు మార్మోగిపోతోంది. ఇప్పుడీ అందాల తార వయసు సుమారు 45 ఏళ్లు. అయినా అందం, అభినయం పరంగా కుర్ర హీరోయిన్లకు గట్టి పోటీనిస్తోంది. ఈ పాటికే అర్థమై ఉంటుంది మనం ఎవరి గురించి మాట్లాడుకుంటున్నామో? యస్. ఈ అందాల తార మరెవరో కాదు రజనీ వేట్టైయాన్ సినిమాలో ‘మనసిలాయో’ అంటూ సందడి చేస్తోన్న మంజూ వారియర్.

ఇవి కూడా చదవండి

మంజు వారియర్‌ మనకు హీరోయిన్‌గా మాత్రమే తెలుసు. కానీ ఆమె మంచి రచయిత కూడా. ఇక ఆమెకు శాస్త్రీయ నృత్యంలోనూ మంచి ప్రావీణ్యం ఉంది. గతంలో పలు సందర్భాల్లో నృత్య ప్రదర్శనలు ఇచ్చింది. అలాగే స్టేజ్ షోలు చేసింది. పై ఫొటో అందులోదే. ఒక కార్యక్రమంలో భాగంగా కృష్ణుని గెటప్ లో కనిపించి అందరినీ సర్ ప్రైజ్ చేసింది. ఇక గాయనిగానూ టాలెంట్‌ను బయటపెట్టింది మంజు వారియర్. ‘తునివు’, ‘కాయట్టం’ వంటి చిత్రాల్లో ఆమె ఆలపించిన పాటలు సూపర్ హిట్ అయ్యాయి. ఇలా సెకెండ్ ఇన్నింగ్స్ లో మల్టీ ట్యాలెంటెడ్ పర్సన్ గా జెట్ స్పీడ్ లో దూసుకెళుతోందీ అందాల తార.