Tollywood: దృశ్యంలో మీనా పాత్రను రిజెక్ట్ చేసిన సీనియర్ హీరోయిన్ ఎవరో తెలుసా.. కారణం ఇదే..

విక్టరీ వెంకటేశ్, మీనా జంటగా నటించిన చిత్రం దృశ్యం. మలయాళంలో మోహన్ లాల్ నటించిన ఈ సినిమాను తెలుగులోకి రీమేక్ చేయగా భారీ విజయాన్ని అందుకుంది. ఈ చిత్రాన్ని మొత్తం రెండు పార్టులుగా రూపొందించారు. అయితే ఇందులో మీనా పాత్రకు ముందుగా అనుకున్న నటి ఎవరో తెలుసా.. ?

Meena

Rajitha Chanti |

Updated on: Dec 31, 2024 | 7:46 PM

టాలీవుడ్ ఇండస్ట్రీలో విక్టరీ వెంకటేశ్, మీనా జంటకు మంచి క్రేజ్ ఉందన్న సంగతి తెలిసిందే. గతంలో వీరిద్దరి కాంబోలో ఎన్నో చిత్రాలు వచ్చాయి. ఆ తర్వాత చాలా సంవత్సరాలకు మరోసారి ఈ ఇద్దరి జోడి వెండితెరపై సందడి చేసింది. వీరిద్దరు కలిసి నటించిన చిత్రం దృశ్యం. తెలుగులో ఈ మూవీ సూపర్ హిట్ అయిన సంగతి తెలిసిందే. కూతురి భవిష్యత్తు.. కుటుంబం కోసం ఓ తండ్రి పడే తపన, పోరాటమే ఈ చిత్రం. తెలుగులో భారీ విజయాన్ని అందుకున్న ఈ సినిమా మలయాళం మూవీకి రీమేక్ అన్న సంగతి తెలిసిందే. మలయాళంలో మోహన్ లాల్ నటించిన ఈ సూపర్ హిట్ సినిమాను తెలుగులో రీమేక్ చేశారు.

అయితే మలయాళంలో హీరోగా మోహన్ లాల్ నటించగా.. అక్కడ సైతం మోహన్ లాల్ సతీమణిగా మీనా నటించింది. అయితే ఈ పాత్రకు ముందుగా అనుకున్న నటి మీనా కాదట. అవును.. మీనా పాత్రకు ముందుగా సీనియర్ నటి శోభనను అనుకున్నారట. అయితే ఆ సినిమాను ఆమె తిరస్కరించిందట. అందుకు గల కారణాన్ని ఇటీవల ఓ ఇంటర్వ్యూలో బయటపెట్టింది శోభన. ఆ సమయంలో తాను వినీత్ శ్రీనివాసన్ సినిమాలో నటిస్తున్నానని.. అందుకే దృశ్యం సినిమాను రిజెక్ట్ చేసినట్లు తెలిపింది.

వినీత్ శ్రీనివాసన్, మోహన్ లాల్ ఇద్దరితో కలిసి సినిమాలు చేశానని, మోహన్ లాల్ ఎప్పుడూ పని, ఆలోచనలపైనే నిమగ్నమై ఉంటాడని తెలిపింది. ఇదిలా ఉంటే మోహన్‌లాల్‌తో శోభన ఓ సినిమా చేస్తుంది. ఈ చిత్రానికి తరుణ్ మూర్తి దర్శకత్వం వహిస్తున్నారు.