Aadi Pinishetty: హీరో ఆది పినిశెట్టి భార్య ఫేమస్ హీరోయిన్ తెలుసా.. ? అక్కడ చాలా పాపులర్..

మెగా పవర్ స్టార్ రామ్ చరణ్ కెరీర్ మలుపు తిప్పిన సినిమా రంగస్థలం. డైరెక్టర్ సుకుమార్ తెరకెక్కించిన ఈ మూవీ భారీ విజయాన్ని అందుకుంది. అలాగే మ్యూజిక్ సైతం సూపర్ హిట్ అయ్యింది. ఇందులో సమంత కథానాయికగా నటించగా.. హీరో ఆది పినిశెట్టి కీలకపాత్ర పోషించారు. కానీ మీకు తెలుసా ఆది పినిశెట్టి భార్య ఫేమస్ హీరోయిన్.

Aadi Pinishetty

Rajitha Chanti |
Updated on: Jan 03, 2025 | 9:43 PM

డైరెక్టర్ సుకుమార్, మెగా పవర్ స్టార్ రామ్ చరణ్ కాంబోలో వచ్చిన సూపర్ హిట్ మూవీ రంగస్థలం. 1980 నేపథ్యంలో వచ్చిన ఈ సినిమా 2018 మార్చి 30న విడుదలై భారీ విజయాన్ని అందుకుంది. అప్పట్లో ప్రపంచవ్యాప్తంగా రూ.210 కోట్లు కలెక్షన్స్ రాబట్టింది. ఇక ఈ సినిమాకు రాక్ స్టార్ దేవి శ్రీ ప్రసాద్ అందించిన మ్యూజిక్ సైతం మెప్పించింది. మైత్రీ మూవీ మేకర్స్ బ్యానర్ వై రవి శంకర్, సివి మోహన్ నిర్మించిన ఈ మూవీలో సమంత కథానాయికగా నటించగా.. హీరో ఆది పినిశెట్టి, జగపతి బాబు, ప్రకాష్ రాజ్, అనసూయ కీలకపాత్రలు పోషించారు. ఇందులో చిట్టిబాబు పాత్రలో అద్భుతమైన నటనతో విమర్శకుల ప్రశంసలు అందుకున్నాడు చరణ్. ఈ సినిమాతో అటు తెలుగు ప్రేక్షకులకు మరింత దగ్గరయ్యాడు హీరో ఆది పినిశెట్టి.

కానీ మీకు తెలుసా. హీరో ఆది పినిశెట్టి భార్య సైతం ఫేమస్ హీరోయిన్. ఆమె మరెవరో కాదు. నిక్కీ గల్రానీ. 2022లో ఆది పినిశెట్టి, నిక్కీ గల్రానీ వైవాహిక జీవితంలోకి అడుగుపెట్టారు. నిక్కీ గల్రానీ తమిళంలో స్టార్ హీరోయిన్. 1983, వెల్లిముంగ (2014) డార్లింగ్ (2015), వెలైను వందుట్టా వెల్లైకారన్ (2016) వంటి సినిమాలతో గుర్తింపు తెచ్చుకుంది.

తెలుగులోనూ నిక్కీ గల్రాని నటించింది. సునీల్ నటించిన కృష్ణాష్టమిలో ఆమె పల్లవి పాత్రను పోషించింది. ఈ సినిమా 2016లో విడుదలైంది. ఆ తర్వాత మలుపు సినిమాతో మరోసారి తెలుగు ప్రేక్షకులను పలకరించింది. అలాగే కన్నడలో నాలుగు సినిమాలు చేసింది. పెళ్లి తర్వాత సైతం నిక్కీ గల్రానీ సినిమాల్లో నటిస్తుంది.