Rules Ranjan: ‘రూల్స్ రంజన్’ ఓటీటీ ప్లాట్ ఫామ్ ఫిక్స్.. అనుకున్న దానికంటే ముందే స్ట్రీమింగ్ ?..

హిట్టు ప్లాపులతో సంబంధం లేకుండా బ్యాక్ టూ బ్యాక్ చిత్రాలతో ప్రేక్షకులను అలరిస్తోన్న హీరో కిరణ్ అబ్బవరం. ఎస్.ఆర్ కళ్యాణ మండపం సినిమాతో సూపర్ హిట్ అందుకున్న ఈ హీరో ఆ తర్వాత అంతటి స్థాయిలో విజయాన్ని అందుకోలేకపోయారు. ఇక ఇటీవలే రూల్స్ రంజన్ సినిమాతో మరోసారి అడియన్స్ ముందుకు వచ్చాడు. అక్టోబర్ 6న విడుదలైన ఈ సినిమా మిక్డ్స్ టాక్ అందుకుంది. ఇందులో డీజే టిల్లు ఫేమ్ నేహా శెట్టి కథానాయికగా నటించింది. పాటలు, ట్రైలర్ తో ఆసక్తిని రెకెత్తించిన ఈ మూవీపై విడుదలకు ముందే మంచి హైప్ నెలకొంది. కానీ రిలీజ్ అయిన తర్వాత మిక్స్డ్ టాక్ అందుకుంది. ఈ చిత్రానికి రత్నం కృష్ణా దర్శకత్వం వహించారు. ఇదిలా ఉంటే .. తాజాగా ఈ మూవీ ఓటీటీ ప్లాట్ ఫామ్ ఫిక్స్ అయ్యింది.

ఈ సినిమా ఓటీటీ స్ట్రీమింగ్ హక్కులను అమెజాన్ ప్రైమ్ వీడియో సొంతం చేసుకున్నట్లు తెలుస్తోంది. మంచి రేటుకే ఈ మూవీ స్ట్రీమింగ్ హక్కులను సొంతం చేసుకుందని.. నవంబర్ తొలి వారంలో రూల్స్ రంజన్ సినిమాను స్ట్రీమింగ్ చేయనున్నారట. సాధారణంగా ప్రతి సినిమా విడుదలైన నెలన్నర తర్వాత డిజిటల్ ప్లాట్ ఫామ్ పైకి రానుంది. ముందుగా ఈ సినిమాను నవంబర్ మొదటి వారంలో స్ట్రీమింగ్ చేయాలనుకున్నారు.. కానీ ఇప్పుడు నెట్టింట వినిపిస్తోన్న టాక్ ప్రకారం అక్టోబర్ మూడో వారంలోనే ఈ చిత్రాన్ని ఓటీటీ స్ట్రీమింగ్ చేయనున్నారని టాక్ వినిపిస్తుంది. కామెడీ రొమాంటిక్ ఎంటర్టైనర్ గా వచ్చిన ఈ సినిమా అంచనాలను అందుకోలేకపోయింది.

View this post on Instagram

A post shared by Kiran Abbavaram (@kiran_abbavaram)

కానీ ఈ చిత్రంలో కిరణ్ అబ్బవరం, నేహా శెట్టి నటనకు ప్రశంసలు వస్తున్నాయి. ఈ చిత్రంలో మెహర్ చాహల్, వెన్నెల కిశోర్, సుబ్బరాజు, హైపర్ ఆది, వైవా హర్ష, అన్నూ కపూర్ కీలకపాత్రలు పోషించగా.. అమ్రీశ్ సంగీతం అందించారు.

View this post on Instagram

A post shared by Kiran Abbavaram (@kiran_abbavaram)

మరిన్ని సినిమా వార్తల కోసం ఇక్కడ క్లిక్ చేయండి.