కార్తికేయకు మెగాస్టార్ సర్ ప్రైజ్ మెసేజ్..!

ఆర్ఎక్స్100 సినిమాతో తెలుగు చిత్ర ప‌రిశ్ర‌మ‌లో మంచి పేరు తెచ్చుకు‌న్నాడు యంగ్ హీరో కార్తికేయ. ఈ సినిమాలో ఇత‌గాడి న‌ట‌న‌కు విమ‌ర్శ‌కుల ప్ర‌శ‌సలు సైతం ద‌క్కాయి. అయితే కార్తికేయ బాడీపై కూడా మంచి ఫోక‌స్ పెడ‌తాడు. మంచి లుక్ ఉండేందుకు గంట‌ల కొద్దీ జిమ్ లోనే టైమ్ స్పెండ్ చేస్తాడు. ఇటీవ‌ల ఈ యంగ్ హీరో ష‌ర్ట్ లెస్ ఫొటోలు సోషల్ మీడియాలో తెగ చ‌క్క‌ర్లు కొట్టాయి. సిక్స్ ప్యాక్ తో కుర్రోడు అద‌ర‌గొట్టాడు. లాక్ డౌన్ సమయాన్ని ఎక్క‌వ‌భాగం వర్కవుట్స్ కోసం వినియోగించుకుని..సిక్స్ ప్యాక్ సాధించాడు కార్తికేయ. కార్తికేయ‌ కండ‌ల‌ను చూసిన మెగాస్టార్ చిరంజీవి ఓ సందేశం పంపార‌ట‌

ఇటీవలే‌ ఓ ఇంటర్వ్యూలో కార్తికేయనే ఈ విషయాన్ని చెప్పాడు. చిరంజీవి.. ‘ఎంత పరివర్తన’ అంటూ సిక్స్ ప్యాక్ కోసం తాను పడిన కష్టాన్ని గుర్తు చేస్తూ తనకు సర్ ప్రైజ్ మెసేజ్ పంపాడని కార్తికేయ వెల్ల‌డించాడు. అస‌లే మెగాస్టార్ ని దేవుడిగా భావిస్తాడు కార్తికేయ‌. ఆయ‌న నుంచి ఊహించని రీతిలో ప్రశంసలు దక్కడంతో కార్తికేయ తన ఆనందానికి అవధులు లేకుండా పోయాయి.