Jabardasth Emmanuel: నేను అలా చేసే సరికి సొంత అన్నే శత్రువులా చూశాడు.. కన్నీళ్లు పెట్టుకున్న ఇమ్మాన్యుయేల్

జబర్దస్త్ ఇమ్మాన్యుయేల్ కు సొంత అన్న అయిన వంశీ నండూరి ఇటీవల సమంత నటించిన మా ఇంటి బంగారం సినిమాలో ఓ కీలక పాత్ర పోషించాడు. విలన్ గా నెగెటివ్ ఛాయలున్న రోల్ లో అదరగొట్టాడు. అయితే తాజాగా ఓ టీవీ షోకు హాజరైన ఇమ్మాన్యుయేల్ తన సొంత అన్న గురించి చెబుతూ కన్నీళ్లు పెట్టుకున్నాడు.

Jabardasth Emmanuel

Basha Shek |
Updated on: Jul 03, 2026 | 6:52 PM

జబర్దస్త్ కామెడీ షోతో మంచి గుర్తింపు తెచ్చుకున్న వారిలో ఇమ్మాన్యుయేల్ ఒకడు. ఇతని కామెడీ టైమింగ్ కు, పంచులు, ప్రాసలకు చాలా మంది ఫ్యాన్స్ ఉన్నారు. జబర్దస్త్, శ్రీదేవి డ్రామా కంపెనీతో పాటు పలు టీవీ షోల్లో సందడి చేస్తున్నాడు ఇమ్మూ. ఈ ఫేమ్ తోనే బిగ్ బాస్ తెలుగు సీజన్ 9లోనూ కంటెస్టెంట్ గా పార్టిసిపేట్ చేశాడు. తన ఆట, మాట తీరుతో బిగ్ బాస్ అభిమానుల మనసులు గెల్చుకున్నాడు. త్రుటిలో బిగ్‌బాస్ టైటిల్ కోల్పోయినప్పటికీ.. ఆ సీజన్‌లో స్టార్ ఎంటర్‌టైనర్‌గా కింగ్ అక్కినేని నాగార్జున ప్రశంసలు అందుకున్నాడు ఇమ్మాన్యుయేల్. ప్రస్తుతం టీవీ షోలతో పాటు పలు సినిమాల్లోనూ నటిస్తూ బిజీ బిజీగా ఉంటున్నాడు ఇమ్మాన్యుయేల్. అయితే తాజాగా ఒక టీవీ షోకు హాజరైన ఈ జబర్దస్త్ కమెడియన్ తన సొంత అన్నయ్య, నటుడు వంశీ నండూరి గురించి చెబుతూ బాగా ఎమోషనల్ అయ్యాడు.

సమంత ప్రధాన పాత్రలో నటించిన లేటెస్ట్ సినిమా మా ఇంటి బంగారం. నందిని రెడ్డీ తెరకెక్కించిన ఈ ఫ్యామిలీ యాక్షన్ ఎంటర్ టైనర్ లో ఇమ్మాన్యుయేల్ సోదరుడు వంశీ నండూరి కూడా ఒక కీలక పాత్రలో నటించాడు. సినిమాలో సమంత వెనకే ఫాలో అవుతూ తరచూ ఆమెతో తిట్టించుకోడం, పెద్ద గరిటెతో సామ్ తో కొట్టించుకోవడం, ఫైట్ చేయడం.. ఇలా వంశీ సీన్స్ సినిమాలో బాగా హైలెట్ అయ్యాయి. గతంలో కొన్ని టీవీ షోల్లో కనిపించిన వంశీ ఇప్పుడు తన తొలి సినిమానే సమంత పక్కన చేశాడు. నెగెటివ్ షేడ్స్ పాత్రలో నటించి ప్రేక్షకులను ఆకట్టుకున్నాడు. సినిమా కూడా సూపర్ హిట్ కావడంతో వంశీకి మంచి పేరొచ్చింది. ఈ నేపథ్యంలోనే వంశీ గురించి చెబుతూ బాగా ఎమోషనల్ అయ్యాడు ఇమ్మాన్యుయేల్.

ఇవి కూడా చదవండి

సోదరుడితో జబర్దస్త్ ఇమ్మాన్యుయేల్..

View this post on Instagram

A post shared by Nanduri Emmanuel (@jabardasth_emmanuel)

‘నేను ఎంత సంపాదించినా, ఎక్కడికి వెళ్లినా నా జీవితంలో ఏదో ఒక వెలితి ఉండేది. నా అన్న లైఫ్ లో సక్సెస్ అవుతాడని నేను చాలా కలలు కన్నాను. దాని కోసం నేను వీడిని బాగా తిట్టేవాడిని. ఎంతలా అంటే ఒకటైంలో నన్ను శత్రువులా చూసి నాతో మాట్లాడటం కూడా మానేసేవాడు. నువ్వు అది చేయ్, ఇది చేయ్, నువ్వు అలా ఉండు, ఇలా ఉండు.. సంపాదించడం స్టార్ట్ చేయమని తొక్కడం స్టార్ట్ చేశా. ఇప్పుడు నాకు చాలా ఆనందంగా ఉంది. నిన్న వాడి సినిమా (మా ఇంటి బంగారం) చూసి ప్రశాంతంగా పడుకున్నాను’అంటూ అన్నయ్యని హత్తుకున్నాడు ఇమ్మూ. ప్రస్తుతం ఇందుకు సంబంధించిన ప్రోమో నెట్టింట వైరల్ గా మారింది.