Tollywood: టాలీవుడ్‌లోకి టీమిండియా క్రికెటర్ భార్య.. ఆ యంగ్ హీరోతో కలిసి సినిమా

సినీ తారలు, క్రికెటర్లు పెళ్లి చేసుకునే సంప్రదాయం గత కొన్ని దశాబ్దాలుగా కొనసాగుతోంది. అయితే క్రికెటర్లను పెళ్లాడిన తర్వాత చాలా మంది నటీనటులు సినీ పరిశ్రమకు దూరమయ్యారు. అయితే ఇప్పుడు ప్రముఖ క్రికెటర్ భార్య ఇప్పుడు సినీ రంగ ప్రవేశం చేస్తోంది. అది కూడా తెలుగు సినిమా ద్వారానే! ఇండియన్ క్రికెట్ టీమ్ ప్లేయర్, ఆర్సీబీ మాజీ క్రికెటర్ యజువేంద్ర చాహల్ భార్య ధనశ్రీ ఒక తెలుగు సినిమా ద్వారా సినీ ఇండస్ట్రీలోకి ఎంట్రీ ఇస్తోంది. యజువేంద్ర చాహల్ భార్య ధనశ్రీ ఇప్పటికే సోషల్ మీడియా ఇన్‌ఫ్లుయెన్సర్‌గా బాగా పాపులర్. అద్భుతమైన డ్యాన్సర్ కావడంతో, ధన్‌శ్రీ తన డ్యాన్స్ వీడియోలను ఇన్‌స్టాగ్రామ్‌లో షేర్ చేస్తూనే ఉంటుంది. ధనశ్రీ కొన్ని డ్యాన్స్ రియాల్టీ షోలలో కూడా పాల్గొంది. ఇప్పుడు తెలుగు సినిమా ద్వారా చిత్ర పరిశ్రమలోకి అడుగుపెడుతోంది. డ్యాన్స్ ప్రధాన కథాంశంతో రూపొందుతున్నఈ సినిమాలో ధనశ్రీ కథానాయికగా ఎంపికైంది. ఈ సినిమాలో ప్రముఖ డ్యాన్స్ మాస్టర్ యష్ హీరో గా నటిస్తున్నాడు. దిల్ రాజు ప్రొడక్షన్ హౌస్ బ్యానర్ పై హర్షిత్ రెడ్డి, హన్సితా రెడ్డి ఈ సినిమాను నిర్మిస్తున్నారు. శశికుమార్ ముత్తులూరి ఈ చిత్రానికి దర్శకత్వం వహిస్తున్నారు.ధనశ్రీ ఇప్పటికే ఈ సినిమాలో కొంత భాగం షూటింగ్ పూర్తి చేసినట్లు తెలుస్తోంది.

కాగా ఈ సినిమాలో కథానాయిక కోసం భరతనాట్యం నుంచి ఆధునిక నృత్యం వరకు వివిధ రకాల నృత్యాలలో ప్రావీణ్యం ఉన్న నటి కోసం చిత్ర బృందం వెతికారట. చాలా ఆడిషన్స్ తర్వాత ధనశ్రీని అడిగారట. ఆ పాత్ర నచ్చిన ధనశ్రీ నటించేందుకు అంగీకరించిందట. ఈ సినిమాలోని కొన్ని భాగాలను ముంబైలో చిత్రీకరించారు. మిగిలిన భాగాన్ని హైదరాబాద్‌లో చిత్రీకరించనున్నారు. సినిమాలో ధనశ్రీతో పాటు మరో హీరోయిన్ కూడా నటిస్తుంది. మరో ఫీమేల్ లీడ్ కోసం సీరత్ కపూర్ ఎంపికైనట్లు తెలుస్తోంది. అలాగే ఈ సినిమాలో మలయాళ నటి కూడా కనిపించనుందని సమాచారం.

ఇవి కూడా చదవండి

ఒకే పెళ్లి వేడుకలో ధనుష్, నయనతార.. పక్కపక్కనే కూర్చున్నా. వీడియో

రాకింగ్ రాకేష్ 'కేసీఆర్' సినిమా టికెట్ రేట్లు భారీగా తగ్గింపు..

రేణూ దేశాయ్ తల్లి కన్నుమూత.. కన్నీరుమున్నీరవుతోన్న నటి

జర్నీ హీరోయిన్ గుర్తుందా? ఇప్పుడు చూస్తే మెంటలెక్కిపోద్ది

భర్త చాహల్ తో ధన శ్రీ వర్మ..

View this post on Instagram

A post shared by Yuzvendra Chahal (@yuzi_chahal23)

కాగా ఫేమస్ యూట్యూబర్ గా ఎంతో మంది అభిమానులను సంపాదించుకుంది ధన శ్రీ వర్మ. ఆమె డ్యాన్స్ లకు సోషల్ మీడియాలో మంచి ఆదరణ ఉంది. గతంలో పలువురు భారత క్రికెటర్లతో కలిసి స్టెప్పులేసిందీ అందాల తార.

చాహల్, ధనశ్రీల రొమాంటిక్ ఫొటోస్..

View this post on Instagram

A post shared by Dhanashree Verma (@dhanashree9)

.మరిన్ని సినిమా వార్తల కోసం ఇక్కడ క్లిక్ చేయండి.