Tollywood: ఈ ఇద్దరు అన్నదమ్ములు ఇండస్ట్రీలో క్రేజీ హీరోస్.. ఫాలోయింగ్ చూస్తే మతిపోవాల్సిందే.. గుర్తుపట్టండి..

ఇద్దరు అన్నదమ్ములు ఇప్పుడు టాలీవుడ్ క్రేజీ హీరోస్. ఎవరో గుర్తుపట్టండి. ఇద్దరికీ సోషల్ మీడియాలో ఫాలోయింగ్ మాములుగా లేదండోయ్. బ్యాక్ టూ బ్యాక్ చిత్రాలతో ప్రేక్షకులను అలరించేందుకు పోటీ పడుతుంటారు. తాజాగా అన్నయ్య చేతిలో నాలుగైదు సినిమాలు ఉండగా.. ఇటీవలే ఎలాంటి అంచనాలు లేకుండా చిన్న సినిమాతో అడియన్స్ ముందుకు వచ్చి బ్లాక్ బస్టర్ హిట్ కొట్టాడు తమ్ముడు.

Actor

Rajitha Chanti |

Updated on: Jul 16, 2023 | 1:13 PM

పైన ఫోటోను చూశారు కదా.. అందులో ఉన్న ఇద్దరు అన్నదమ్ములు ఇప్పుడు టాలీవుడ్ క్రేజీ హీరోస్. ఎవరో గుర్తుపట్టండి. ఇద్దరికీ సోషల్ మీడియాలో ఫాలోయింగ్ మాములుగా లేదండోయ్. బ్యాక్ టూ బ్యాక్ చిత్రాలతో ప్రేక్షకులను అలరించేందుకు పోటీ పడుతుంటారు. తాజాగా అన్నయ్య చేతిలో నాలుగైదు సినిమాలు ఉండగా.. ఇటీవలే ఎలాంటి అంచనాలు లేకుండా చిన్న సినిమాతో అడియన్స్ ముందుకు వచ్చి బ్లాక్ బస్టర్ హిట్ కొట్టాడు తమ్ముడు. గుర్తుపట్టారు కాదా.. వాళ్లే రౌడీ హీరో విజయ్ దేవరకొండ. ఆనంద్ దేవరకొండ. ప్రస్తుతం వీరిద్దరికి సంబంధించిన చిన్ననాటి ఫోటో ఇప్పుడు నెట్టింట వైరలవుతున్నాయి. విజయ్ ప్రస్తుతం స్టార్ హీరోగా కొనసాగుతుండగా.. ఇప్పుడిప్పుడె ఆనంద్ హీరోగా తనకంటూ ఓ స్టార్ డమ్ అందుకోవడానికి ప్రయత్నిస్తున్నారు. ఈ క్రమంలో తాజాగా బేబీ సినిమాతో సూపర్ హిట్ ఖాతాలో వేసుకున్నారు ఆనంద్.

ఇటీవల లైగర్ సినిమాతో అడియన్స్ ముందుకు వచ్చారు విజయ్. మాస్ డైరెక్టర్ పూరి జగన్నాథ్ దర్శకత్వంలో విజయ్ దేవరకొండ నటించిన ఈ సినిమా భారీ అంచనాల మధ్య విడుదలై డిజాస్టర్ అయ్యింది. ఇందులో బాలీవుడ్ బ్యూటీ అనన్య పాండే కథానాయికగా నటించింది. ఇక ఇప్పుడు డైరెక్టర్ శివ నిర్వాణ దర్శకత్వంలో ఖుషి చిత్రంలో నటిస్తున్నారు. ఈ సినిమాలో విజయ్ సరసన సమంత నటిస్తుండగా.. ఇటీవలే ఈ మూవీ షూటింగ్ కంప్లీట్ అయ్యింది. ఇప్పటికే ఈ సినిమా నుంచి విడుదలైన సాంగ్స్ ఆకట్టుకున్నాయి.

ఇవి కూడా చదవండి

ఇక ఆనంద్ దేవరకొండ ప్రస్తుతం ఫుల్ జోష్ మీదున్నారు. సాయి రాజేశ్ దర్శకత్వంలో ఆనంద్ నటించిన బేబీ సినిమాకు మంచి రెస్పాన్స్ వస్తోంది. ఇందులో వైష్ణవి చైతన్య, విరాజ్ అశ్విన్ కీలకపాత్రలలో నటించారు. అటు థియేటర్లలో సక్సెస్ ఫుల్ గా దూసుకుపోతున్న ఈ సినిమాలోని సాంగ్స్ సైతం ఆకట్టుకుంటున్నాయి. ఈ సినిమా మొదటి రోజే రూ.7 కోట్లకు పైగా వసూళ్లు రాబట్టింది.