Kalyan Ram: కళ్యాణ్ రామ్ మూవీ షూటింగ్‌లో అగ్ని ప్రమాదం.. మొత్తం కాలి బూడిదయ్యింది..

సినిమా షూటింగ్స్ లో ప్రమాదాలు జరగడం మనం చూస్తూనే ఉన్నాం.. ఇప్పటికే చాలా మంది హీరోలు కూడా గాయపడుతూ ఉంటారు. తాజాగా టాలీవుడ్ మూవీ సెట్ లో భారీ అగ్ని ప్రమాదం జరిగింది. దాదాపు 4 కోట్లవరకు నష్టం జరిగిందని తెలుస్తోంది. అయితే ఈ ప్రమాదంలో ఎవరికీ ఎలాంటి గాయాలు కాలేదని సమాచారం. టాలీవుడ్ హీరో కళ్యాణ్ రామ్ ప్రస్తుతం వరుస సినిమాలతో బిజీగా ఉన్నాడు. ఈ క్రమంలోనే ఆయన ఓ సినిమా చేస్తున్నారు. ఈ సినిమాలో విజయశాంతి కీలక పాత్రలో కనిపించనున్నారు. ఈ సినిమా షూటింగ్ సమయంలో అగ్నిప్రమాదం జరిగిందని తెలుస్తోంది.

కళ్యాణ్ రామ్ హీరోగా ప్రదీప్‌ చిలుకూరి ఓ భారీ బడ్జెట్ సినిమాను తెరకెక్కిస్తున్నాడు. ఇంకా పేరు పెట్టని ఈ సినిమా షూటింగ్ ప్రస్తుతం శరవేగంగా జరుగుతుంది. విభిన్నమైన కథతో తెరకెక్కుతోన్న ఈ మూవీలో సీనియర్ నటి, రాజకీయ నాయకురాలు విజయశాంతి కీలక పాత్రలో నటిస్తున్నారు. తాజాగా ఈ మూవీ సెట్ లో అగ్ని ప్రమాదం జరిగింది.

ఈ సినిమా షూటింగ్‌ సెట్‌లో భారీ అగ్ని ప్రమాదం చోటు చేసుకున్నట్లు సమాచారం. సినిమా కథ ప్రకారం.. సీబీఐకి సన్నివేశాలు సినిమాలో కీలకంగా ఉంటాయని తెలుస్తోంది. అయితే ఈ సన్నివేశాలను చిత్రీకరిస్తున్న సమయంలో సెట్ లో ప్రమాదం జరిగిందని తెలుస్తోంది. ఈ సీన్ కోసం ఓ ప్రత్యేకమైన సెట్ ను నిర్మించారట. పది రోజుల పాటు ఈ సెట్ లో షూటింగ్ చేయాల్సి ఉందట.. ఇప్పటికే 9 రోజుల షూటింగ్ పూర్తి కాగా చివరి రోజు ఈ అగ్ని ప్రమాదం జరిగిందని తెలుస్తోంది. రాత్రి సమయంలో ఈ ప్రమాదం చోటు చేసుకుందట.. సమాచారం తెలుసుకొని సెట్ కు వెళ్లేలోగా అంతా కాలి బూడిదైందని నిర్మాతకు దాదాపు 4 కోట్ల వరకు నష్టం వాటిల్లిందని తెలుస్తోంది.

మరిన్ని సినిమా వార్తల కోసం ఇక్కడ క్లిక్ చేయండి.