Rajamouli: ఎన్టీఆర్ ముందే రాజమౌళిని అవమానించిన బాలీవుడ్ ఇండస్ట్రీ ! వీడియో వైరల్.. అభిమానుల ఆగ్రహం
బాహుబలి’ సినిమాతో సౌత్ ఇండియన్ సినిమాలకు ఇంటర్నేషనల్ మార్కెట్కి తలుపులు తెరిచిన ఎస్ఎస్ రాజమౌళి ఇప్పుడు ‘RRR’ సినిమాతో మరో అడుగు ముందుకేసి భారతీయ సినిమాలను ఆస్కార్ అవార్డుల్లో కూడా మెరిపించేలా చేశాడు. అలాంటి రాజమౌళిని ఇప్పుడు ఓ కామెడీ షోలో వెక్కిరించారని అభిమానులు ఆగ్రహం వ్యక్తం చేస్తున్నారు.
Updated on: Oct 02, 2024 | 4:24 PM
ప్రస్తుతం భారతదేశపు టాప్ డైరెక్టర్ ఎస్ఎస్ రాజమౌళి అని చెప్పడంలో ఎలాంటి అతిశయోక్తి లేదు. భారతీయ సినిమాలకు అంతర్జాతీయ స్థాయిలో గుర్తింపు తెచ్చారు జక్కన్న. ‘బాహుబలి’ సినిమాతో సౌత్ ఇండియన్ సినిమాలకు ఇంటర్నేషనల్ మార్కెట్కి తలుపులు తెరిచిన ఎస్ఎస్ రాజమౌళి ఇప్పుడు ‘RRR’ సినిమాతో మరో అడుగు ముందుకేసి భారతీయ సినిమాలను ఆస్కార్ అవార్డుల్లో కూడా మెరిపించేలా చేశాడు. అలాంటి రాజమౌళిని ఇప్పుడు ఓ కామెడీ షోలో వెక్కిరించారని అభిమానులు ఆగ్రహం వ్యక్తం చేస్తున్నారు. అసలేం జరిగిందంటే. బాలీవుడ్ ప్రముఖ హాస్యనటుడు కపిల్ శర్మ ఒక దశాబ్దం నుండి టీవీలో ‘కపిల్ శర్మ షో’ని హోస్ట్ చేస్తున్నారు. ఇప్పుడు ఈ టీవీ షో కాస్తా నెట్ఫ్లిక్స్ ఓటీటీకి మారిపోయింది. ది కపిల్ షో కొత్త సీజన్ ఇటీవలే ప్రారంభమైంది. ఇటీవల ప్రసారమైన ఎపిసోడ్ లో ‘దేవర’ బృందం నుండి జూ ఎన్టీఆర్, సైఫ్ అలీ ఖాన్ జాన్వీ కపూర్ అతిథులుగా హాజయ్యారు. ఈ సమయంలో రాజమౌళిని కొందరు అవమానించేలా షో జరిగిందటూ కొందరు సినీ అభిమానులు ఆగ్రహం వ్యక్తం చేస్తున్నారు.
ఈ షోకు వచ్చిన సెలబ్రిటీలను అనుకరిస్తూ ఆడియెన్స్ ను ఎంటర్ టైన్ చేస్తుంటాడు సునీల్ గ్రోవర్. ఇది ఈ కామెడీ షోకే హైలైట్ గా నిలిచింది. అలా తాజాగా ఎపిసోడ్ లో ఎన్టీఆర్ రాగానే సునీల్ గ్రోవర్ రాజమౌళిని అనుకరించాడు. అచ్చం జక్కన్న లాగే డ్రెస్సింగ్, హెయిర్ స్టైల్తో ఎంట్రీ ఇచ్చాడు. అయితే ఇక్కడి వరకు బాగానే ఉంది కానీ, రాజమౌళి ని రాజగోళి అని పిలవడం, అలాగే ఒక కథ చెప్తాను, కమర్షియల్ సినిమా అంటూ ఒక లైన్ చెప్పడం ఆ తర్వాత మొత్తం VFX, VFX అని అనడం. అలా మొత్తం VFX లతోనే సినిమా తీస్తాను అన్నట్టు రాజమౌళిని కామెడీగా చూపించారు. ఇది రాజమౌళి అభిమానులకు, మరికొందరు తెలుగు సినీ ప్రియులకు నచ్చడంలేదు. దీంతో కపిల్ శర్మ షోపై వారు ఆగ్రహం వ్యక్తం చేస్తున్నారు. మరోవైపు బాలీవుడ్ వాళ్ళు మాత్రం సునీల్ గ్రోవర్ కామెడీ అదిరింది అంటూ వీడియో వైరల్ చేస్తున్నారు.
వైరలవుతోన్న వీడియో ఇదే..
View this post on Instagram
రాజమౌళిగా సునీల్ గ్రోవర్.. మరో వీడియో..
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
