Salaar: సలార్‏లో కనిపించిన ఈ నటి ఎవరో తెలుసా.. ? బుల్లితెరపై రఫ్పాడిస్తుంది.. ఎవరంటే..

పాన్ ఇండియా స్టార్ ప్రభాస్ కెరీర్‏లో బాహుబలి తర్వాత మరోసారి సూపర్ హిట్ అయిన సినిమా సలార్. ఆదిపురుష్, రాధేశ్యామ్, సాహో చిత్రాలు అంతగా ఆకట్టుకోలేదు... కానీ ఆ తర్వాత వచ్చిన ఈ మూవీ మాత్రం బాక్సాఫీస్ వద్ద సత్తా చాటింది. త్వరలోనే ఈ సినిమాకు సెకండ్ పార్ట్ తెరకెక్కించనున్నారు మేకర్స్.

Salaar

Rajitha Chanti |
Updated on: Nov 21, 2024 | 9:35 AM

యంగ్ రెబల్ స్టార్ ప్రభాస్ ప్రధాన పాత్రలో నటించిన సూపర్ హిట్ మూవీ సలార్. కేజీఎఫ్ ఫేమ్ డైరెక్టర్ ప్రశాంత్ నీల్ తెరకెక్కించిన ఈ మూవీలో మలయాళీ స్టార్ హీరో పృథ్వీరాజ్ సుకుమార్ కీలకపాత్ర పోషించారు. అలాగే శ్రీకాంత్, శ్రుతిహాసన్, జగపతి బాబు, శ్రీకాంత్ ముఖ్య పాత్రల్లో నటించారు. ఈ సినిమా పాన్ ఇండియా బాక్సాఫీస్ వద్ద భారీ విజయాన్ని అందుకుంది. చాలా కాలం తర్వాత ఈ సినిమాతో ప్రభాస్ మాస్ నట విశ్వరూపం చూపించాడు డైరెక్టర్ నీల్. ఇక ఇందులో ప్రభాస్ యాటిట్యూడ్, మేనరిజం జనాలకు తెగ నచ్చేసింది. డైలాగ్స్ తక్కువే అయినా కేవలం చూపులు, మేనరిజంతో అదరగొట్టాడు డార్లింగ్. దీంతో ఇప్పుడు ఈ సినిమాకు కొనసాగింపుగా రాబోయే సెకండ్ పార్ట్ పై భారీ అంచనాలు నెలకొన్నాయి.

అయితే ఈ సినిమాలో కనిపించిన ఓ నటి గురించి ఇప్పుడు నెట్టింట తెగ వైరలవుతుంది. అందులో పృథ్వీరాజ్ ను కాపాడే సమయంలో ఓ నటి బీడీ తాగుతూ పచ్చబొట్టు వేస్తుంటుంది. అందులో ప్రభాస్ తోపాటు.. ఈ నటి కూడా ఇచ్చిన హైప్ గురించి చెప్పక్కర్లేదు. ఏ పచ్చబొట్టు వేయాలి అని అడిగితే నా కళ్లల్లో కనిపించేది అంటూ ప్రభాస్ చెబుతూ ఆమె దగ్గరున్న బిడీ తీసుకుని తాగుతాడు డార్లింగ్. అఫ్పుడు ఆమె ప్రభాస్ కళ్లల్లోకి చూస్తూ ఓ రేంజ్ పచ్చపొడుస్తుంది. ఇంతకీ ఆ నటి ఎవరో తెలుసా.. బుల్లితెరపై ఆమె చాలా ఫేమస్.

ఇవి కూడా చదవండి

ఆమె పేరు జయవాణి. బుల్లితెరపై అనేక సీరియల్లో విలన్ పాత్రల్లో రఫ్పాడిస్తుంది. విక్రమార్కుడు సినిమాలో రవితేజతో జుట్టు పట్టుకుని మరీ గొడవపడుతుంది. జయవాణి ఎన్నో సినిమాల్లో కీలకపాత్రలు పోషించింది. అలాగే బుల్లితెరపై సీరియల్స్ లో విలన్ పాత్రలు పోషిస్తూ తెలుగు ప్రేక్షకులకు దగ్గరయ్యింది. ప్రస్తుతం చిన్ని సీరియల్లో కావేరిని చిత్రహింసలు పెట్టే పోలీస్ ఆఫీసర్ పాత్రలో నటిస్తుంది.