Taj Mahal: శ్రీకాంత్ తాజ్ మహల్ హీరోయిన్ మోనిక బేడి గుర్తున్నారా ?.. ఇప్పుడేం చేస్తున్నారంటే..
ఈ సినిమాను సురేష్ ప్రొడక్షన్స్ బ్యానర్ పై రామానాయుడు నిర్మించారు. ఇందులో శ్రీకాంత్ జోడిగా మోనికా బేడి నటించగా.. శ్రీహరి, సంఘవి, కోట శ్రీనివాస్ రావు, నూతన్ ప్రసాద్ తదితరులు కీలకపాత్రలలో నటించారు. అప్పట్లో ఈ సినిమా సూపర్ డూపర్ హిట్ అయ్యింది.
Updated on: Apr 02, 2023 | 11:04 AM
అందం… అంతకు మించిన సహజ నటనతో తెలుగు ప్రేక్షకుల మనసు దొచుకుని.. అతి తక్కువ సమయంలోనే ఇండస్ట్రీకి దూరమయిన హీరోయిన్స్ గురించి చెప్పక్కర్లేదు. తెలుగు చిత్రపరిశ్రమలో తొలి సినిమాతోనే హిట్ అందుకుని.. ఆ తర్వాత ఒకటి.. రెండు సినిమాలు చేసి ఇండస్ట్రీకి గుడ్ బై చెప్పేస్తుంటారు. కానీ ఇప్పటికీ ఆ ముద్దుగుమ్మలకు ఫ్యాన్ ఫాలోయింగ్ మాత్రం ఎక్కువగానే ఉంటుంది. అలాంటి వారిలో మోనికా బేడి ఒకరు. 1995లో ముప్పలనేని శివ దర్శకత్వంలో శ్రీకాంత్ హీరోగా నటించిన చిత్రం తాజ్ మహల్. ఈ సినిమాను సురేష్ ప్రొడక్షన్స్ బ్యానర్ పై రామానాయుడు నిర్మించారు. ఇందులో శ్రీకాంత్ జోడిగా మోనికా బేడి నటించగా.. శ్రీహరి, సంఘవి, కోట శ్రీనివాస్ రావు, నూతన్ ప్రసాద్ తదితరులు కీలకపాత్రలలో నటించారు. అప్పట్లో ఈ సినిమా సూపర్ డూపర్ హిట్ అయ్యింది.
అంతేకాకుండా ఈ చిత్రంలోని ప్రతి సాంగ్ ఇప్పటికీ శ్రోతల ఆల్ టైమ్ ఫేవరేట్. మంచు కొండల్లోన చంద్రమా.. సాగిపోయే నీలి మేఘం వంటి సాంగ్స్ ఇప్పటికీ యూట్యూబ్ లో మిలియన్ వ్యూస్ అందుకుంటాయి. అయితే ఈ సినిమాతోనే తెలుగు తెరకు పరిచయమయ్యింది మోనికా బేడి. 1975 జనవరి 18న పంజాబ్ లో జన్మించిన ఆమె… మెయిన్ తేర ఆషికీ చిత్రంతో బాలీవుడ్ ఇండస్ట్రీలోకి అడుగుపెట్టింది. ఆ తర్వాత 1995లో తాజ్ మహల్ చిత్రంతో తెలుగు తెరపై సందడి చేసింది. మొదటి సినిమాతోనే నటనపరంగా ప్రశంసలు అందుకుంది మోనికా.. ఆ తర్వాత… సర్కస్ సత్తిపండు, శివయ్య, చూడాలని ఉంది, స్పీడ్ డ్యాన్సర్ వంటి చిత్రాల్లో నటించి మెప్పించింది.
అయితే కెరీర్ మంచి ఫాంలో ఉన్న సమయంలోనే అనుకోకుండా ఇండస్ట్రీకి దూరమైంది. 2007లో అబ్దుల్ సాలీమ్ తో ప్రేమలో పడింది. ఆ తర్వాత 2010లో వీరిద్దరు విడిపోయారు. ప్రస్తుతం మోనికా బేడి తన తల్లిదండ్రులతో కలిసి ముంబైలో నివసిస్తుంది. సినీ పరిశ్రమకు దూరంగా ఉన్నప్పటికీ సోషల్ మీడియాలో మాత్రం ఫుల్ యాక్టివ్ గా ఉంటుంది.
View this post on Instagram
మరిన్ని సినిమా వార్తల కోసం ఇక్కడ క్లిక్ చేయండి.
