Aa Naluguru: రాజేంద్ర ప్రసాద్ ఆ నలుగురు సినిమా మిస్ చేసుకున్న హీరో ఎవరో తెలుసా..

సీనియర్ నటుడు రాజేంద్ర ప్రసాద్ ప్రత్యేక పత్రాలు పోషిస్తూ ప్రేక్షకులను ఆకట్టుకుంటున్నారు. వయసు తగ్గ పాత్రలను ఎంచుకుంటూ సినిమాలు చేస్తూ అలరిస్తున్నారు రాజేంద్రప్రసాద్. ఒకప్పుడు హీరోగా ఎన్నో అద్భుతమైన సినిమాల్లో నటించి మెప్పించారు ఈ వర్సటైల్ యాక్టర్. ఇక రాజేంద్ర ప్రసాద్ నటించిన సినిమాల్లో ప్రేక్షకులను విపరీతంగా ఆకట్టుకున్న సినిమాల్లో ఆ నలుగురు సినిమా ఒకటి. 2004లో వచ్చిన ఈ సినిమా ఎమోషనల్ డ్రామాగా తెరకెక్కింది. ఈ సినిమాలో రాజేంద్ర ప్రసాద్ నటన ప్రతి ఒక్కరి చేత కంటతడి పెట్టించింది. చంద్ర సిద్ధార్థ దర్శకత్వంలో వచ్చిన ఈ సినిమాలో రాజేంద్ర ప్రసాద్, సుత్తివేలు, ఆమని, కోట శ్రీనివాసరావు, శుభలేఖ సుధాకర్, రాజా కీలక పాత్రల్లో నటించారు.

అయితే ఈ సినిమాలో ముందుగా హీరోగా మరో సీనియర్ నటుడిని అనుకున్నారట ఆయన మరెవరో కాదు సూపర్ స్టార్ కృష్ణ. దర్శకుడు ముందుగా ఈ సినిమా కథను కృష్ణకు చెప్పగా ఆయనకు ఎంతో నచ్చి సినిమా చేద్దాం అనుకున్నారట. అయితే వయసు రీత్యా ఫుల్ లెంగ్త్ రోల్ లో నటించేంత శక్తి లేదని చెప్పారట.

దాంతో ఆ కథ రాజేంద్రప్రసాద్ చేతికి వచ్చిందట. అలాగే ఈ మూవీలో హీరోయిన్ కోసం కూడా చాలా మందిని సంప్రదించారట లక్ష్మి, గౌతమి, భానుప్రియ, రోజా, సుహాసిని ఇలా పలువురిని సంప్రదించారట. కానీ అందరు బిజీగా ఉండటంతో చివరకు రాజేంద్ర ప్రసాద్ సలహా మేరకు అమానిని ఓకే చేశారట. ఇక ఈ సినిమా ఎంత పెద్ద హిట్ అయ్యిందో ప్రత్యేకంగా చెప్పాల్సిన అవసరం లేదు. రాజేంద్ర ప్రసాద్ కెరీర్ లో ఆ నలుగురు సినిమా ఓ మైల్ స్టోన్ గా నిలిచింది.

Krishna