Yagnam Movie: గోపిచంద్ కెరీర్లో సూపర్ హిట్.. ‘యజ్ఞం’ సినిమాను రిజెక్ట్ చేసిన ఇద్దరు హీరోలు ఎవరో తెలుసా ?..
2004లో విడుదలైన ఈ మూవీ మంచి విజయం అందుకుంది.ఈ చిత్రానికి రవికుమార్ చౌదరి దర్శకత్వం వహించగా.. ఈతరం ఫిలింస్ బ్యానర్ పై పోకూరి బాబురావు నిర్మించారు. ఫ్యాక్షనిజం నేపథ్యంలో వచ్చిన ఈ సినిమాలో గోపిచంద్ సరసన సమీరా బెనర్జీ కథానాయికగా నటించింది. అప్పట్లో ఈ మూవీలోని సాంగ్స్ సైతం హిట్టయ్యాయి. అయితే ఈ హిట్ చిత్రానికి ముందుగా అనుకున్న హీరో గోపిచంద్ కాదట.
Updated on: Jun 18, 2023 | 5:12 PM
తొలివలపు సినిమాతో హీరోగా సినీ ప్రయాణం మొదలుపెట్టారు గోపిచంద్. ఈ మూవీ తర్వాత కాస్త రూటు మార్చి జయం, నిజం, వర్షం సినిమాల్లో విలన్ పాత్రలో భయపెట్టారు. ఇందులో గోపిచంద్ నటినకు సినీ విమర్శకులు ప్రశంసలు కురిపించారు. అయితే అటు ప్రతినాయకుడిగా మెప్పించిన గోపిచంద్.. అదే సమయంలో మళ్లీగా హీరోగా నటించి సూపర్ హిట్ అందుకున్న చిత్రం యజ్ఞం. 2004లో విడుదలైన ఈ మూవీ మంచి విజయం అందుకుంది.ఈ చిత్రానికి రవికుమార్ చౌదరి దర్శకత్వం వహించగా.. ఈతరం ఫిలింస్ బ్యానర్ పై పోకూరి బాబురావు నిర్మించారు. ఫ్యాక్షనిజం నేపథ్యంలో వచ్చిన ఈ సినిమాలో గోపిచంద్ సరసన సమీరా బెనర్జీ కథానాయికగా నటించింది. అప్పట్లో ఈ మూవీలోని సాంగ్స్ సైతం హిట్టయ్యాయి. అయితే ఈ హిట్ చిత్రానికి ముందుగా అనుకున్న హీరో గోపిచంద్ కాదట.
ఫిల్మ్ సర్కిల్లో వినిపిస్తోన్న సమాచారం ప్రకారం ఈ మూవీకి హీరోగా ముందుగా ప్రభాస్ ను అనుకున్నారట. కానీ డైరెక్టర్ కొత్త కావడంతో ప్రభాస్ ఈ సినిమాను రిజెక్ట్ చేశాడట. ఇక ఆ తర్వాత ఇదే స్టోరీని నందమూరి హీరో కళ్యాణ్ రామ్ కు చెప్పగా.. పలు కారణాలతో అతను రిజెక్ట్ చేశాడట. అలా చివరకు యజ్ఞం మూవీ గోపిచంద్ వద్దకు వెళ్లింది. ఇక వీరిద్దరి కాంబోలో వచ్చిన ఈ మూవీ ప్రేక్షకులను ఆకట్టుకుంది.
ఇదిలా ఉంటే.. ఇటీవలే రామాబాణం సినిమాతో ఆడియన్స్ ముందుకు వచ్చారు మ్యాచో స్టార్ గోపిచంద్. ఫ్యామిలీ ఎంటర్టైనర్ గా వచ్చిన ఈ మూవీ ప్రేక్షకులను అంతగా ఆకట్టుకోలేకపోయింది. ఇందులో డింపుల్ హయాతి కథానాయికగా నటించింది.
