Tamannaah: తమన్నా అందుకున్న మొదటి రెమ్యునరేషన్ ఎంతో తెలిస్తే అవాక్ అవ్వాల్సిందే.!

టాలీవుడ్ లో రాణిస్తూ.. తనకంటూ ప్రత్యేక గుర్తింపు తెచ్చుకున్న నటి తమన్నా. మంచు మనోజ్ నటించిన శ్రీ సినిమాతో తెలుగులోకి ఎంట్రీ ఇచ్చింది తమన్నా. మొదటి సినిమాలో అందంతో ఆకట్టుకున్న ఈ చిన్నది ఆతర్వాత శేఖర్ కమ్ముల దర్శకత్వంలో వచ్చిన హ్యాపీ డేస్ సినిమాతో మంచి గుర్తింపు తెచ్చుకుంది. ఇప్పుడు మిల్కీ బ్యూటీ తమన్నాకు ఉండే క్రేజ్ గురించి తెలిసిందే. సౌత్ తోపాటు.. నార్త్ లోనూ ఎన్నో బ్లాక్ బస్టర్ హిట్స్ అందుకుని.. తనకంటూ ప్రత్యేక గుర్తింపు తెచ్చుకుంది. తెలుగుతోపాటు.. కన్నడం, తమిళ్, హిందీ ఇండస్ట్రీలో ప్రాదాన్యత ఉన్న పాత్రలలో నటించి ప్రశంసలు అందుకుంది. తమన్నాకు ఉన్న ఫాలోయింగ్ కూడా ఎక్కువే. కథానాయికగా ఎంట్రీ ఇచ్చి దాదాపు 19 ఏళ్లు పూర్తిచేసుకుంది మిల్కీబ్యూటీ.

అయితే తమన్నా కెరీర్ బిగినింగ్ ను పలు యాడ్స్ లో నటించింది. ప్రస్తుతం తమన్నా అందుకుంటున్న రేమ్యునరేషన్ 2 నుంచి 3 కోట్ల వరకు ఉంది. అలాగే ఆమె యాడ్స్ కోసం ప్రస్తుతం 4 కోట్ల వరకు అందుకుంటుంది. అయితే కెరీర్ బిగినింగ్ లో తమన్నా అందుకున్న మొదటి రెమ్యునరేషన్ ఎంతో తెలుసా..

తమన్నా అందుకున్న మొదటి పారితోషకం లక్ష రూపాయిలంట. 2005లో జరిగిన ఈ యాడ్ కోసం మూడు రోజులు షూట్ చేస్తే లక్ష రూపాయల పారితోషికం అందుకుంది తమన్నా. ఈ విషయాన్ని ఇటీవలే ఓ ఇంటర్వ్యూలో తెలిపింది మిల్కీ బ్యూటీ. ప్రస్తుతం ఈ బ్యూటీ టాప్ హీరోయిన్స్ లో ఒకరుగా రాణిస్తోంది.