Akhil -Niharika: ఏంటి అఖిల్- నిహారిక కలిసి ఒక షార్ట్ ఫిలిం చేశారా.. !! డైరెక్టర్ ఎవరంటే..
ఆ తర్వాత వరుస సినిమాలు చేస్తూ అలరిస్తున్నాడు. మొన్నీమద్యే మోస్ట్ ఎలిజిబుల్ బ్యాచ్‌లర్ సినిమాతో హిట్ అందుకున్నాడు ఈ కుర్ర హీరో.. ఇప్పుడు ఏజెంట్ అనే సినిమాతో ప్రేక్షకుల ముందుకు రానున్నాడు.
అక్కినేని యంగ్ హీరో అఖిల్ ఇప్పుడు హీరోగా బ్యాక్ టు బ్యాక్ సినిమాలు చేస్తోన్న విషయం తెలిసిందే. అఖిల్ అనే సినిమాతో హీరోగా పరిచయమైన అఖిల్.. ఆ తర్వాత వరుస సినిమాలు చేస్తూ అలరిస్తున్నాడు. మొన్నీమద్యే మోస్ట్ ఎలిజిబుల్ బ్యాచ్‌లర్ సినిమాతో హిట్ అందుకున్నాడు ఈ కుర్ర హీరో.. ఇప్పుడు ఏజెంట్ అనే సినిమాతో ప్రేక్షకుల ముందుకు రానున్నాడు. ఈ సినిమాకు సురేందర్ రెడ్డి దర్శకత్వం వహిస్తున్నారు. ఇప్పటికే విడుదలైన ఈ సినిమా పోస్టర్లు, టీజర్ సినిమా పై అంచనాలు పెంచేశాయి. సంక్రాంతి కానుకగా ఈ సినిమాను ప్రేక్షకుల ముందుకు తీసుకురానున్నారు. అయితే ఈ సినిమా వాయిదా పడే అవకాశం ఉందని తెలుస్తోంది. ఇదిలా ఉంటే సినిమాల్లోకి రాకముందు అఖిల్ ఒక షార్ట్ ఫిలిం లో నటించడట. ఈ షార్ట్ ఫిలిం లో మెగా బ్రదర్ నాగబాబు కూతురు నిహారిక హీరోయిన్ గా నటించిందట..
అయితే ఈ షార్ట్ ఫిలింకు దర్శక ధీరుడు రాజమౌళి కొడుకు కార్తికేయ దీనికి దర్శకత్వం వహించాడని అంటున్నారు. అయితే ఈ షార్ట్ ఫిలిం బయటకు రాలేదు. కారణాలు తెలియదు కానీ ఎందుకనో ఈ షార్ట్ ఫిలింను బయటకు రానివ్వలేదు. అయితే ఈ షార్ట్ ఫిలిం లో ఆశ అనే పాత్రలో కనిపించిందట నిహారిక. తాజాగా జరిగిన ఓ ఇంటర్వ్యూలో ఈ విషయాన్ని చెప్పింది. అయితే ఇప్పటికైనా ఈ షార్ట్ ఫిలిం ను బయటకు తీసుకువస్తారా అన్న ప్రశ్నకు డబ్బులు రాకపోయినా పర్లేదు పరువు పోకూడదు.. అది ఒక కళాఖండం అని చెప్పుకొచ్చింది నిహారిక.
అయితే సినిమాల్లోకి రాకముందు నిహారిక పలు షార్ట్ ఫిలిమ్స్ లో నటించిన విషయం తెలిసిందే. ఇక ఒకమనసు సినిమాతో హీరోయిన్ గా ఎంట్రీ ఇచ్చింది నిహారిక. ఆతర్వాత కొన్ని సినిమాల్లో కనిపించిన నిహారిక. పెళ్లితర్వాత సినిమాలకు దూరంగా ఉంటుంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
