Leo Movie: ‘లియో’ సినిమాకు సూపర్ హిట్ టాక్.. ఈ మూవీలో విజయ్ తర్వాత అత్యధిక రెమ్యునరేషన్ తీసుకున్నదెవరో తెలుసా?
ప్రపంచ వ్యాప్తంగా భారీ అంచనాలతో విడుదలైన ఈ సినిమాకు మంచి రివ్యూలు వస్తున్నాయి. ఈ చిత్రాన్ని సెవెన్ స్క్రీన్ స్టూడియోస్ నిర్మించింది. ఈ సినిమా మొత్తం బడ్జెట్ రూ. 250 కోట్లు ఉన్నట్లు తెలుస్తోంది. ఈ సినిమాలో అర్జున్ సర్జా, సంజయ్ దత్, గౌతమ్ మీనన్, ప్రియా ఆనంద్ కీలకపాత్రలు పోషించారు. ఇక విడుదలకు ముందే అడ్వాన్స్ బుకింగ్స్ లో రికార్డ్స్ సృష్టించింది లియో. ఈ క్రమంలోనే తాజాగా లియో సినిమా కోసం విజయ్ దళపతి, త్రిషతోపాటు.. ఒక్కోక్కరు ఎంత మొత్తంలో రెమ్యునరేషన్ తీసుకున్నారనేది తెలుసుకుందాం.
డైరెక్టర్ లోకేష్ కనగరాజ్ దర్శకత్వంలో దళపతి విజయ్, త్రిష జంటగా నటించిన ‘లియో’ చిత్రం ఈరోజు (అక్టోబర్ 19న) విడుదలైంది. ఈ సినిమాకు రాక్‌స్టార్ అనిరుధ్ సంగీతం అందించారు. ప్రపంచ వ్యాప్తంగా భారీ అంచనాలతో విడుదలైన ఈ సినిమాకు మంచి రివ్యూలు వస్తున్నాయి. ఈ చిత్రాన్ని సెవెన్ స్క్రీన్ స్టూడియోస్ నిర్మించింది. ఈ సినిమా మొత్తం బడ్జెట్ రూ. 250 కోట్లు ఉన్నట్లు తెలుస్తోంది. ఈ సినిమాలో అర్జున్ సర్జా, సంజయ్ దత్, గౌతమ్ మీనన్, ప్రియా ఆనంద్ కీలకపాత్రలు పోషించారు. ఇక విడుదలకు ముందే అడ్వాన్స్ బుకింగ్స్ లో రికార్డ్స్ సృష్టించింది లియో. ఈ క్రమంలోనే తాజాగా లియో సినిమా కోసం విజయ్ దళపతి, త్రిషతోపాటు.. ఒక్కోక్కరు ఎంత మొత్తంలో రెమ్యునరేషన్ తీసుకున్నారనేది తెలుసుకుందాం. ఈ సినిమాలో విజయ్ లియో దాస్, పార్తిబన్ అనే రెండు పాత్రల్లో కనిపించారు. ఈ సినిమాలో విజయ్ నటనకు ప్రశంసలు వెల్లువెత్తుతున్నాయి. ఇక ఈ మూవీ కోసం విజయ్ 120 కోట్ల రూపాయల రెమ్యునరేషన్ అందుకున్నట్లు తెలుస్తోంది.
అలాగే ఈ సినిమాతో హీరోయిన్ త్రిష దాదాపు 15 ఏళ్ల తర్వాత దళపతి విజయ్‌తో కలిసి నటించింది. ఈ చిత్రంలో ఆమె విజయ్ భార్య సత్య పాత్రలో కనిపించింది. ఈ సినిమాలో నటి త్రిష, విజయ్ మధ్య ఒకప్పటి కెమిస్ట్రీ ఉందని అభిమానులు అంటున్నారు. సత్య పాత్రలో నటించేందుకు నటి త్రిష 7 కోట్ల రూపాయల రెమ్యునరేషన్ అందుకుంది. ఇక ఆ తర్వాత ఈ సినిమాలో మెయిన్ విలన్‌గా సంజయ్ దత్.. ఆంటోని దాస్ పాత్రలో కనిపించారు. ఈ పాత్రకు విజయ్ పోషించిన లియో దాస్ పాత్రకు దగ్గరి సంబంధం ఉంది. లియో సినిమా ద్వారా తమిళంలోకి ఎంట్రీ ఇచ్చాడు. ఇందుకు ఆయన 10 కోట్ల రూపాయల పారితోషికం అందుకున్నారు.
తమిళ సినిమా యాక్షన్ కింగ్ అర్జున్ లియోలో అర్జున్ హెరాల్డ్ దాస్ పాత్రలో నటించారు. ఈ పాత్ర లియో సినిమాలో మెయిన్ విలన్. ఈ సినిమాకు గాను అర్జున్ 2 కోట్ల రూపాయల రెమ్యునరేషన్ అందుకున్నాడు. అలాగే లియో చిత్రంలో గౌతమ్ మీనన్ జోషి ఆండ్రూస్ ప్రధాన పాత్రలో మీనన్ నటించారు. ఇందుకోసం 70 లక్షల రూపాయల రెమ్యునరేషన్ తీసుకున్నారు. అలాగే జోషి ఆండ్రూస్ భార్య పాత్రలో కనిపించిన ప్రియా ఆనంద్ ఈ సినిమా కోసం 50 లక్షల రూపాయల రెమ్యునరేషన్ అందుకుంది.
ఈ సినిమాకు ప్రధాన బలం డైరెక్టర్ లోకేష్ కనగరాజ్. కథ, స్క్రీన్‌ప్లే, ఇలాంటి క్వాలిటీ మ్యూజిక్, BGM, సినిమాని మరో లెవల్‌కి తీసుకెళ్లింది. ఈ సినిమా దర్శకుడు లోకేష్ రూ. 25 కోట్లు, మ్యూజిక్ కంపోజర్ అనిరుధ్ రూ. 8 కోట్లు పారితోషికం అందుకున్నారు.
మరిన్ని సినిమా వార్తల కోసం ఇక్కడ క్లిక్ చేయండి.