RC15 : చరణ్, శంకర్ సినిమా స్టోరీ ఇదేనా..? ఫిలిం సర్కిల్స్లో ఆసక్తికర చర్చ
రామ్ చరణ్ సినిమా కోసం ఇప్పుడు దేశం మొత్తం ఎదురుచూస్తోంది. ఆర్ఆర్ఆర్ సినిమాతో పాన్ ఇండియా స్టార్ అయిపోయాడు చరణ్.
Updated on: Oct 26, 2022 | 8:15 AM
ప్రస్తుతం టాలీవుడ్ లో మోస్ట్ ఏవైటెడ్ మూవీ ఏదైనా ఉంది అంటే అది చరణ్ , శంకర్ మూవీనే. రామ్ చరణ్ సినిమా కోసం ఇప్పుడు దేశం మొత్తం ఎదురుచూస్తోంది. ఆర్ఆర్ఆర్ సినిమాతో పాన్ ఇండియా స్టార్ అయిపోయాడు చరణ్. జక్కన్న తెరకెక్కించిన ఆర్ఆర్ఆర్ సినిమాలో అల్లూరిగా నటించి మెప్పించాడు చరణ్. ఈ సినిమాలో చరణ్ నటన, బాడీ లాంగ్వేజ్ ప్రేక్షకులను ఫిదా చేసింది. ప్రస్తుతం శంకర్ దర్శకత్వంలో సినిమా చేస్తున్నాడు మన మెగా పవర్ స్టార్. టాప్ డైరెక్టర్ గా పేరున్న శంకర్ ఓ పవర్ ఫుల్ కథతో రామ్ చరణ్ తో సినిమా తెరకెక్కిస్తున్నారు. చరణ్ కెరీర్ లో ఇది 15వ మూవీ. ఈ సినిమాలో చరణ్ కు జోడీగా బాలీవుడ్ భామ కియారా అద్వానీ హీరోయిన్ గా నటిస్తోంది. అయితే ఈ మూవీ పొలిటికల్ బ్యాక్ డ్రాప్ లో తెరకెక్కనుందని. చరణ్ డ్యూయల్ రోల్ లో నటిస్తున్నాడని టాక్.
ఓ పాత్రలో ముఖ్యమంత్రిగా.. మరో పాత్రలో ఐఏఎస్ ఆఫీసర్గా చెర్రీ ఆకట్టుకోనున్నారు. తాజాగా ఈ సినిమాకు సంబంధించిన ఓ వార్త సోషల్ మీడియాలో వైరల్ అవుతోంది. ఈ సినిమాలో చరణ్ స్వాంత్య్ర సమరంలో పోరాడిన యోధుల్లో నేతాజీ సుభాష్ చంద్రబోస్ స్ఫూర్తితో స్వాంత్య్ర సమరంలో పాలు పంచుకున్న ఓ వ్యక్తి జీవిత కథ ఆధారంగా ఈ మూవీని శంకర్ తెరకెక్కిస్తున్నాడట.
ఇప్పుడు ఇదే టాపిక్ ఫిలిం నగర్ లో జోరుగా వినిపిస్తోంది. మరి ఈ వార్తల్లో వాస్తవమెంత అన్నది తెలియాల్సి ఉంది. ఇక ఈ సినిమాలో సునీల్, శ్రీకాంత్, అంజలి కీలక పాత్రలో నటిస్తున్నారు. తమన్ ఈ సినిమాకు సంగీతం అందిస్తున్నారు.ఇప్పటి వరకు జరిగిన షూటింగ్ తో సినిమా దాదాపుగా 70 శాతం వరకు పూర్తయిందని తెలుస్తోంది.
