Sreeleela: కోట్ల రెమ్యునరేషన్ ఇచ్చినా ఆ పని చేయను.. తేల్చి చెప్పిన శ్రీలీల.?

ప్రస్తుతం టాలీవుడ్ టాప్ లీడింగ్ బ్యూటీస్ లో శ్రీలీల ఒకరు. చేసింది తక్కువ సినిమాలే అయినా ఈ అమ్మడికి విపరీతమైన క్రేజ్ ఉంది. ఈ బ్యూటీ చేసిన ప్రతి సినిమా సక్సెస్ అవుతుండటంతో దర్శక నిర్మాతలంతా ఈ అమ్మడినే హీరోయిన్ గా ఎంపిక చేస్తున్నారు. ప్రస్తుతం శ్రీలీల చేతిలో అరడజను కు పైగా సినిమాలున్నాయి. ఓ వైపు యంగ్ హీరోల పక్కన నటిస్తూనే.. మరో పక్క సీనియర్ హీరోలతోనూ జోడీ కడుతుంది. పెళ్లి సందడి సినిమాతో పరిచయమైన ఈ చిన్నది.. ప్రస్తుతం సూపర్ స్టార్ మహేష్ బాబు నటిస్తున్న గుంటూరు కారం సినిమాలో చేస్తోంది. అలాగే నటసింహం నందమూరి బాలకృష్ణ నటిస్తున్న భగవంత్ కేసరి సినిమాలోనూ నటిస్తుంది. ఈ సినిమాలో బాలకృష్ణ చెల్లెలిగా కనిపించనుందట శ్రీలీల. అలాగే యంగ్ హీరోల సినిమాల్లోనూ నటిస్తుంది.

ఇదిలా ఉంటే తాజాగా శ్రీలీలకు సంబంధించిన ఓ వార్త నెట్టింట వైరల్ గా మారింది. రీసెంట్ గా శ్రీలీల దగ్గరకు ఓ ప్రాజెక్ట్ వెళ్లిందంట. ఆ సినిమాకు నిర్మొహమాటంగా నో చెప్పిందని అంటున్నారు. అయితే అది బోల్డ్ కంటెంట్ మూవీనట. దాంతో శ్రీలీల వెంటనే నో చెప్పేసిందట.

ఎంత రెమ్యునరేషన్ ఇచ్చిన అలాంటి సినిమాలు చేయనని తేల్చి చెప్పిందట. హద్దులు దాటి నటించను ఒక వేళ అలా చేయాల్సి వస్తే సినిమాలనుంచి తప్పుకుంటానని.. తన డాక్టర్ వృత్తిని కొనసాగిస్తానని చెప్పిందట. దాంతో ఇప్పుడు ఈ న్యూస్ ఫిలిం సర్కిల్స్ తో పాటు సోషల్ మీడియాలోనూ వైరల్ గా మారింది.