SIR Movie: దళపతి విజయ్ సినిమా కలెక్షన్స్ను పదిరోజుల్లోనే క్రాస్ చేసిన ధనుష్ సార్..
ధనుష్ నటించిన స్ట్రయిట్ తెలుగు సినిమా ఇది. ఈ మూవీలో ధనుష్ కు జోడీగా సంయుక్తమీనన్ నటించింది. ఇక ఈ సినిమా సూపర్ హిట్ టాక్ తో పాటు భారీగా వసూల్ చేసింది
Updated on: Mar 01, 2023 | 7:54 AM
తమిళ్ స్టార్ హీరో ధనుష్ నటించిన లేటెస్ట్ మూవీ సార్. టాలీవుడ్ దర్శకుడు వెంకీ అట్లూరి దర్శకత్వంలో వచ్చిన ఈ సినిమా మంచి విజయాన్ని అందుకుంది. ధనుష్ నటించిన స్ట్రయిట్ తెలుగు సినిమా ఇది. ఈ మూవీలో ధనుష్ కు జోడీగా సంయుక్తమీనన్ నటించింది. ఇక ఈ సినిమా సూపర్ హిట్ టాక్ తో పాటు భారీగా వసూల్ చేసింది..తెలుగు రాష్ట్రాల్లో అయితే ధనుష్ సినిమా కలెక్షన్స్ జోరు మునుపటి సినిమా కంటే ఎక్కువగా కనిపిస్తోంది. ఈ సినిమా అనౌన్స్ అయిన దగ్గర నుంచే ఎక్స్పెక్టేషన్స్ పెరగడం.. ఆ ఎక్స్పెక్టేషన్స్ను ఈ సినిమా నుంచి రిలీజ్ అయిన సాంగ్స్ హోల్డ్ చేయడం.. ఇక ఆ తరువాత రిలీజ్ అయిన సార్ ట్రైలర్ ఈ అంచనాలను మరింతగా పెంచడంతో.. ఫస్ట్ డే నే టాలీవుడ్ లో భారీ ఓపెనింగ్స్ రాబట్టారు మన సార్. ఇక ఇప్పుడేమో.. జోర్గా తన కలెక్షన్లను పెంచుకుంటూ పోతున్నారు.
ఈ క్రమంలోనే రీసెంట్ గా వచ్చిన దళపతి విజయ్ వారసుడు సినిమా కలెక్షన్స్ ను కేవలం 10 రోజుల్లోనే దాటేసింది ఈ సినిమా. టాలీవుడ్ డైరెక్టర్ వంశీ పైడిపల్లి దర్శకత్వంలో వచ్చిన వారసుడు సినిమా సాలిడ్ కలెక్షన్స్ తో అదరగొట్టింది.అంతేకాక తెలుగులో విజయ్ కెరీర్ లోనే హైయెస్ట్ కలెక్షన్స్ నమోదు చేసిన సినిమాగా కూడా నిలిచింది.
అయితే సార్ మూవీ ఈ కలెక్షన్స్ ను అవలీలగా క్రాస్ చేసింది. సార్ సినిమా 10 రోజుల వ్యవధిలోనే విజయ్ హైయెస్ట్ కెరీర్ కలెక్షన్స్ ని క్రాస్ చేసి దూసుకుపోతోంది. వారసుడు మూవీ 15 కోట్ల 5 లక్షల షేర్ అదనుకోగా ధనుష్ మూవీ పది రోజులలోనే 15 కోట్ల 16 లక్షల షేర్ అందుకుందని ట్రేడ్ వర్గాలు తెలుపుతున్నాయి.
