Brahmastra: బ్రహ్మాస్త్ర నుంచి సెకండ్ సింగిల్ రిలీజ్.. ఆకట్టుకుంటున్న దేవ దేవ సాంగ్..
సోషల్ మీడియాలో బ్రహ్మాస్త్ర సాంగ్స్ ట్రెండ్ అవుతున్నాయి. ఈ క్రమంలోనే తాజాగా ఈ మూవీ నుంచి సెకండ్ సింగిల్ సాంగ్ రిలీజ్ చేశారు.
Updated on: Aug 08, 2022 | 8:10 PM
మోస్ట్ అవైయిటెడ్ చిత్రం బ్రహ్మస్త్ర (Brahmastra). రణబీర్ కపూర్, అలియా భట్ జంటగా నటిస్తోన్న ఈ సినిమాపై అంచనాలు భారీగానే నెలకొన్నాయి. ఇప్పటికే విడుదలైన టీజర్, పోస్టర్స్ ఈ మూవీపై మరింత ఆసక్తిని పెంచాయి. పాన్ ఇండియా లెవల్లో విడుదలైవుతున్న ఈ సినిమాలో బాలీవుడ్ బిగ్ బీ అమితాబ్ బచ్చన్ తోపాటు.. అక్కినేని నాగార్జున, మౌనీ రాయ్ కీలకపాత్రలలో నటిస్తున్నారు. పాన్ ఇండియా లెవల్లో డైరెక్టర్ అయాన్ ముఖర్జీ అత్యంత ప్రతిష్టాత్మకంగా తెరకెక్కిస్తున్న ఈ సినిమా సెప్టెంబర్ 9న ప్రేక్షకుల ముందుకు రాబోతుంది. హిందీతోపాటు.. తెలుగు, తమిళం, కన్నడ, మలయాళం భాషలలో ఈ చిత్రాన్ని విడుదల చేయనున్నారు. ఇక తెలుగులో బ్రహ్మస్త్ర సినిమాను దర్శకధీరుడు రాజమౌళి సమర్పిస్తున్నారు. ఇక మరోవైపు ఈ మూవీ నుంచి విడుదలైన సాంగ్స్ కు మంచి రెస్పాన్స్ వస్తోంది.
సోషల్ మీడియాలో బ్రహ్మాస్త్ర సాంగ్స్ ట్రెండ్ అవుతున్నాయి. ఈ క్రమంలోనే తాజాగా ఈ మూవీ నుంచి సెకండ్ సింగిల్ సాంగ్ రిలీజ్ చేశారు. దేవ దేవ అంటూ సాగే ఈ పాట ఆడియన్స్ ను ఆకట్టుకుంటుంది. ప్రీతమ్ స్వరపరిచిన ఈ పాటకు చంద్రబోస్ సాహిత్యం అందించగా.. శ్రీరామచంద్ర, జోనితా గాంధీ ఆలపించారు. ఫాంటసీ అడ్వెంచరస్ డ్రామాగా రాబోతున్న ఈ సినిమాను ఐదు భాగాలుగా తీసుకురాబోతున్నారు. ఇందులో మొదటి పార్ట్ శివ టైటిల్ తో సెప్టెంబర్ 9న విడుదల కానుంది.
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.
