తెలుగు షార్ట్ ఫిల్మ్‌లో నటించనున్న డ్వెయిన్ బ్రావో

వెస్టిండీస్ క్రికెటర్ డ్వేన్ బ్రావో తెలుగు షార్ట్ ఫిల్మ్‌లో నటించబోతున్నాడు. పీపుల్ మీడియా ఫ్యాక్టరీ పతాకంపై  తెలుగు నిర్మాత టీజీ విశ్వ ప్రసాద్ నిర్మాణంలో కార్పోరేట్ సోషల్ రెస్పాన్సిబిలిటీ అనే విషయంపై ఓ షార్ట్ ఫిల్మ్ తీయబోతున్నారు. సమాజంలో సమస్యలను పాలద్రోలేందుకు కార్పోరేట్ సంస్థల అధినేతలు ముందుకు రావాలనేది ఈ షార్ట్ ఫిల్మ్ ముఖ్య ఉద్దేశ్యం.  కాన్సెప్ట్ నచ్చడంతో బ్రావో నటించేందుకు గ్రీన్ సిగ్నల్ ఇచ్చాడు. దీనికి సంభందించిన అగ్రిమెంట్ శనివారం జరిగింది.

ఈ షార్ట్ ఫిల్మ్ ఇండియాలోని కోయంబత్తూర్, తమిళనాడులతో పాటు వెస్టిండీస్‌లోని టొబాగో మరియు ట్రినిడాడ్‌లో చిత్రీకరించనన్నారు. ఒక మంచి ఉద్దేశ్యంతో నిర్మాత చేస్తున్న ఈ ప్రయత్నంను బ్రావో అభినందించి ఈ చిత్రంలో నటించేందుకు ఒప్పుకున్నట్లుగా తెలుస్తోంది.