Chiranjeevi : చిరంజీవికి తగ్గని క్రేజ్.. పూలవర్షంతో ముంచెత్తిన ఫ్యాన్స్.. వీడియో వైరల్
తెలుగు రాష్ట్రాల్లో ఇండస్ట్రీ.. కా.. బాస్ ఎవరంటే..ఎవరైన టక్కున చెప్పే పేరు మెగాస్టార్ చిరంజీవి(Chiranjeevi ). అలాంటి చిరుకు గోదావరి జిల్లాల్లో మాత్రం విపరీతమైన క్రేజ్ ఉంటుంది. క్రేజ్ మాత్రమే కాదు..
Updated on: Jul 04, 2022 | 6:52 PM
తెలుగు రాష్ట్రాల్లో ఇండస్ట్రీ.. కా.. బాస్ ఎవరంటే..ఎవరైన టక్కున చెప్పే పేరు మెగాస్టార్ చిరంజీవి(Chiranjeevi ). అలాంటి చిరుకు గోదావరి జిల్లాల్లో మాత్రం విపరీతమైన క్రేజ్ ఉంటుంది. క్రేజ్ మాత్రమే కాదు.. ఆయనంటే అక్కడున్న వారందరికీ పిచ్చి ప్రేమ ఉంటుంది. ఇప్పుడదే ప్రేమతో.. తాజాగా మెగాస్టార్ కు గ్రాండ్ వెల్‌కమ్ చెప్పారు భీమవరం వాసులు. అల్లూరి జయంతి వేడుకకు వస్తున్న చిరును పెద్ద గజమాలతో స్వాగతం పలికారు చిరు భక్తులు. పూల వర్షం కురిపిస్తూ.. జై చిరంజీవ అంటూ నినాదాలు చేశారు. అయితే ఇక్కడ మాత్రమే కాదు.. అల్లూరి జయంతి వేడుకలోనూ.. చిరు పేరు వినిపించగానే అరుస్లూ ఊగిపోయారు అభిమానులు. ఇప్పుడీ వీడియోలు నెట్టింట వైరల్ అవుతున్నాయి. అందర్నీ తెగ ఆకట్టుకుంటున్నాయి.
ఇక మెగాస్టార్ ను చూసిన అభిమానులు ఆయన పై పూలవర్షం కురిపించారు. పూల వర్షం కారణంగా కాస్త ఇబ్బంది పడినప్పటికీ చిరు నవ్వుతో అభిమానుల స్వాగతాన్ని స్వీకరించారు. తాజాగా మెగాస్టార్ నటించిన గాడ్ ఫాదర్ మూవీ ఫస్ట్ లుక్ విడుదలైంది. లూసిఫర్ మూవీ రీమేక్ గా వస్తోన్న ఈ సినిమానుంచి విడుదలైన చిరు లుక్ ప్రేక్షకులను విపరీతంగా ఆకట్టుకుంటోంది. ఈ సినిమా తర్వాత వరుస ప్రాజెక్ట్స్ తో బిజీగా ఉన్నారు మెగాస్టార్.
