Bobby Deol: అప్పుడు రణ్ బీర్.. ఇప్పుడు అలియా.. విలన్‌గా మరో క్రేజీ ఛాన్స్ కొట్టేసిన బాబీ డియోల్..

బాలీవుడ్ నటుడు బాబీ డియోల్ ఒకప్పుడు స్టార్ హీరోగా వెలిగిపోయాడు. షారుఖ్ ఖాన్, సల్మాన్ ఖాన్ లాంటి వాళ్లకు భారీ పోటీ ఇచ్చాడు. కానీ కాలక్రమేణా అతని క్రేజ్ తగ్గిపోయింది. సినిమా అవకాశాలను కోల్పోయి సినీ పరిశ్రమకు దూరంగా ఉండిపోయాడు. అయితే ఇప్పుడు విలన్ గా అదరగొడుతున్నాడీ ట్యాలెంటెడ్ యాక్టర్. ప్రస్తుతం ఇండియన్ సినిమాలో మోస్ట్ వాంటెడ్ విలన్ బాబీ డియోల్ అని అన్నా అతిశయోక్తి కాదు. రణబీర్ కపూర్ హీరోగా నటించిన ‘యానిమల్’లో విలన్‌గా మెరిశాడు. ఇందులో బాబీ డియోల్ పాత్రకు విమర్శకుల ప్రశంసలు దక్కాయి. రణబీర్‌కి విలన్‌గా నటించిన బాబీ డియోల్ ఇప్పుడు రణబీర్ కపూర్ భార్య అలియా భట్‌కి విలన్‌గా మారారు. యష్‌రాజ్ ఫిల్మ్స్ కొత్త స్పై సిరీస్ మూవీలో బాబీ డియోల్ విలన్‌గా నటించనున్నాడు. యష్ రాజ్ ఫిలింస్ సంస్థ ఇప్పటికే ‘టైగర్’, ‘వార్’, ‘పఠాన్’ సినిమాల ద్వారా ‘స్పై వెర్స్’ని రూపొందించింది. ఇప్పుడు ఓ మహిళా గూఢచారిని పరిచయం చేస్తూ అలియా భట్‌తో గూఢచారి సినిమా చేయబోతున్నారు.

అలియా భట్, శర్వరీ వాగ్ జంటగా నటిస్తున్న కొత్త గూఢచారి సినిమాలో బాబీ డియోల్ విలన్‌ గా నటించనున్నాడు. ఆదిత్య చోప్రా దర్శకత్వంలో తెరకెక్కనున్న ఈ సినిమా షూటింగ్ ఈ ఏడాది ఆగస్టు నుంచి ప్రారంభం కానుందని సమాచారం. బాబీ డియోల్ ప్రస్తుతం తమిళ భారీ బడ్జెట్ పాన్ ఇండియా మూవీ ‘కంగువ’లో విలన్‌గా నటిస్తున్నాడు. దీంతో పాటు తెలుగులో పవన్ కళ్యాణ్ నటిస్తున్న ‘హరి హర వీర మల్లు’ చిత్రంలో కూడా విలన్‌గా నటిస్తున్నాడు. చారిత్రక కథాంశంతో ఈ సినిమా తెరకెక్కుతోంది. ఇది కాకుండా నందమూరి బాలకృష్ణ 109వ చిత్రంలో విలన్‌గా కనిపించనున్నాడు.

ఇవి కూడా చదవండి

లోక్‌సభ ఎన్నికల్లో తెలుగు హీరోయిన్‌కి బీజేపీ టికెట్‌ ఖరారు

ఓటీటీలో కీర్తి సురేష్, జయం రవి సైరన్.. స్ట్రీమింగ్ ఎప్పటినుంచంటే?

బర్రెలక్క పెళ్లి కూతురాయనే! గ్రాండ్‌గా హల్దీ సెలబ్రేషన్స్..వీడియో

RCB ఆటగాడిని చెత్తతో పోల్చిన కార్తీక్.. ఇచ్చి పడేసిన కోహ్లీ టీమ్‌

కంగువా సినిమాలో బాబీ డియోల్..

Ruthless. Powerful. Unforgettable🗡️#Udhiran, #BobbyDeol ✨ #Kanguva 🦅 #HBDBobbyDeol @thedeol@Suriya_offl @DishPatani @directorsiva @ThisIsDSP @GnanavelrajaKe @StudioGreen2 @UV_Creations @KvnProductions @PenMovies @NehaGnanavel @saregamasouth pic.twitter.com/rCm54y19n9

— Bobby Deol (@thedeol) January 27, 2024

రణ్ బీర్ కపూర్ యానిమల్ సినిమాలో బాబీ డియోల్..

Let the celebrations begin. Abrar’s Entry Jamal Kudu song out now 🥳❤️ Dance away: https://t.co/SxfOIUMjTL#AnimalInCinemasNow #Animal #AnimalHuntBegins #BloodyBlockbusterAnimal #AnimalTheFilm@AnimalTheFilm @AnilKapoor #RanbirKapoor @iamRashmika @thedeol @tripti_dimri23 pic.twitter.com/hTZPDoobbv

— Bobby Deol (@thedeol) December 6, 2023

మరిన్ని సినిమా వార్తల కోసం ఇక్కడ క్లిక్ చేయండి.