Bigg Boss: ‘జీవిత భాగస్వామిగా భావించా.. నీకు ఎయిడ్స్ ఉందా? అన్నాడు’.. బ్రేకప్ స్టోరీ చెప్పిన బిగ్‌బాస్ బ్యూటీ

ప్రస్తుతం బిగ్‌బాస్ సీజన్ నడుస్తోంది. తెలుగు, తమిళం, కన్నడ, మలయాళంతో పాటు హిందీ భాషల్లోనూ బిగ్ బాస్ షో రన్ అవుతోంది. ఈ రియాలిటీ షోలో ఎంటర్‌టైన్‌మెంట్‌తో పాటు వివాదాలు కూడా అవుతుంటాయి. తాజాగా బిగ్ బాస్ షో పాల్గొన్న ఓ నటి తన బ్రేకప్ స్టోరీని చెబుతూ బాగా ఎమోషనలైంది.

Gayathri Suresh

Basha Shek |
Updated on: Oct 07, 2026 | 7:45 AM

ప్రముఖ మలయాళ సినీ నటి గాయత్రి సురేష్ ఒక సంచలన విషయాన్ని వెల్లడించారు. 34 ఏళ్ల గాయత్రి ప్రస్తుతం బిగ్ బాస్ మలయాళం సీజన్ 8లో కంటెస్టెంట్ గా పార్టిసిపేట్ చేసింది. అయితే శనివారం ప్రసారమైన ఎపిసోడ్‌లో గాయత్రి సురేష్ షో నుంచి ఎలిమినేట్ అయ్యింది. అయితే ఆమె షో నుంచి బయటకు వెళ్లే ముందు తన వ్యక్తిగత జీవితం గురించి కొన్ని సంచలన విషయాలను వెల్లడించారు. 2015లో ‘జమ్నా ప్యారీ’ చిత్రంతో సినీ రంగ ప్రవేశం చేసిన గాయత్రి, తన జీవితంలో ఎదుర్కొన్న కష్టాల గురించి మాట్లాడారు. గాయత్రి సురేష్ ‘బిగ్ బాస్ మలయాళం’లో రెండోసారి పాల్గొంటున్నారు . ఒక టాస్క్ సందర్భంగా గాయత్రి తన వ్యక్తిగత జీవితం గురించి వెల్లడించారు. ‘నేను 2021లో ఒక వివాదంలో చిక్కుకున్నాను. ఆ సమయంలో నేను ఒక రిలేషన్ లో ఉన్నాను ,’ అని ఆ నటి అన్నారు. గాయత్రి సురేష్ షో నుంచి నిష్క్రమించే ముందు, ఒక టాస్క్ సందర్భంగా బిగ్ బాస్ ఆమెను, ‘మీ జీవితంలో మిమ్మల్ని అత్యంత ఎక్కువగా బాధపెట్టిన వ్యక్తితో మాట్లాడే అవకాశం వస్తే, మీరు ఏమి చెబుతారు?’ అని అడిగారు. దీనికి గాయత్రి ఇలా సమాధానమిచ్చారు.

‘నా జీవితంలో చాలా మంది నన్ను బాధపెట్టారు, కానీ నన్ను అత్యంత ఎక్కువగా బాధపెట్టిన, తీవ్రంగా గాయపరిచిన సంఘటన 2021లో జరిగింది. అప్పుడు నేను ఒక వివాదంలో చిక్కుకున్నాను. ఆ సమయంలో నేను ఒక రిలేషన్ షిప్ లో ఉన్నాను. అయితే మా రిలేషన్ మొదలైన మొదటి వారంలోనే , అతను ‘నీకు ఎయిడ్స్ ఉందా?’ అని నన్ను అడిగాడు. ఆ క్షణమే నేను అతనితో మాట్లాడటం మానేశాను. ఒక వ్యక్తి నాకు ప్రమాదకారి అని నాకు వెంటనే తెలిసిపోతుంది. ఆ తర్వాత అతను వేరొకరితో రిలేషన్ షిప్ లో ఉన్నాడని నాకు తెలిసింది.

ఇవి కూడా చదవండి

ఇదే సందర్భంగా తనకు జరిగిన కారు ప్రమాదంపై కూడా గాయత్రి సురేష్ మాట్లాడారు. ‘ఆ సమయంలో నేను చాలా క్లిష్ట పరిస్థితుల్లో ఉన్నాను. అవును, నాకు కూడా చాలా చెడ్డ అలవాట్లు ఉన్నాయి, అందుకే నన్ను నేను పరిపూర్ణమైన వ్యక్తి అని చెప్పుకోను. కానీ నా మనసు స్వచ్ఛమైనది, నేను ఎవరినీ బాధపెట్టాలనుకోను. ఆ తర్వాత అతను నన్ను పూర్తిగా పట్టించుకోవడం మానేశాడు. ఒకరోజు నేను పట్టుబట్టి అతన్ని కలవాలనుకుంటున్నానని చెప్పాను, దాంతో అతను వచ్చాడు. ప్రమాదం జరిగినప్పుడు మేమిద్దరం కారులో కలిసే ఉన్నాము.’ ఈ సంఘటన 2021 అక్టోబర్‌లో జరిగింది. గాయత్రి సురేష్ తన స్నేహితురాలితో కలిసి కారులో ప్రయాణిస్తుండగా, ప్రమాదం జరిగిన సమయంలో ఆమె స్నేహితురాలు కారు నడుపుతుండగా, అది మరో వాహనాన్ని ఢీకొట్టింది. ఈ ఘటనకు సంబంధించిన వీడియో కూడా వైరల్ అయింది.

‘పోలీసులు వచ్చి అతనని పోలీస్ స్టేషన్‌కు తీసుకువెళ్లారు . అతను తిరిగి వచ్చిన తర్వాత, నన్ను ఒక కేఫ్‌లో ఒంటరిగా వదిలేసి తన ప్రియురాలిని కలవడానికి వెళ్ళాడు. ఇది నాకు అత్యంత బాధాకరమైన అనుభవం. అందుకే అతనని వదిలేశాను’ అని తన మాజీ ప్రియుడి గురించి చెప్పుకొచ్చింది గాయత్రి. ప్రస్తుతం ఈ నటి కామెంట్స్ నెట్టింట వైరల్ గా మారాయి.