Bigg Boss 6: శ్రీ సత్య, కీర్తి మధ్య ఈగో ఫైట్.. గరం గరంగా నామినేషన్ ప్రక్రియ
గతవారం డబుల్ ఎలిమినేషన్ తో బాలాదిత్య, వాసంతి ఇద్దరు హౌస్ నుంచి బయటకు వచ్చేశారు. నిన్నటి ఎపిసోడ్ లో నామినేషన్స్ ప్రక్రియ మొదలైంది.
Updated on: Nov 15, 2022 | 9:51 AM
బిగ్ బాస్ మరికొన్ని వారాల్లో ముగియనుంది. ప్రస్తుతం హౌస్ లో 10మంచి కంటెస్టెంట్స్ ఉన్నారు. వీరిలో టాప్ 5కి ఎవరు వెళ్తారన్నది ఆసక్తికరంగా మారింది. ఇప్పటికే టాప్ 5లో ఉంటారనుకున్న వారంతా ఒకొక్కరిగా హౌస్ నుంచి బయటకు వెళ్లిపోతున్నారు. గతవారం డబుల్ ఎలిమినేషన్ తో బాలాదిత్య, వాసంతి ఇద్దరు హౌస్ నుంచి బయటకు వచ్చేశారు. నిన్నటి ఎపిసోడ్ లో నామినేషన్స్ ప్రక్రియ మొదలైంది. ప్రతివారం ఈ నామినేషన్స్ ప్రక్రియ వాడీవేడీగా జరుగుతుంది. ఈ వారం మొదటి రోజే అది మొదలైంది. ఇక ఈ వారం నామినేషన్ ప్రక్రియకు ‘బుట్టలో చెత్త’ నామినేట్ చేసిన కంటెస్టెంట్స్ మీద వేయాలని చెప్పారు బిగ్ బాస్. 20 బుట్టల్లో చెత్తను నింపి పెట్టి ఒక్కొక్కరు తాను నామినేట్ చేసే ఇద్దరిపై చెత్తను పూర్తిగా వేసి.. నామినేట్ చేస్తున్నందుకు సరైన కారణం చెప్పాలని తెలిపాడు బిగ్ బాస్. కెప్టెన్ గా ఉన్న ఫైమా తప్ప మిగిలిన 9మంది ఇద్దరిద్దరిని నామినేట్ చేశారు.
ఫైమా – రోహిత్, ఇనయ.. ఆదిరెడ్డి – శ్రీహాన్, రోహిత్..ఇనయ – ఆదిరెడ్డి, రాజ్..శ్రీహాన్ – రోహిత్, కీర్తి.. మెరీనా – రేవంత్,ఇనయ..రాజ్ – మెరీనా, ఇనయ..శ్రీసత్య – ఇనయ, కీర్తి..రోహిత్ – రేవంత్, ఆదిరెడ్డి..కీర్తి – శ్రీసత్య, మెరీనా..రేవంత్ – రోహిత్, మెరీనా లను నామినేట్ చేశారు. నామినేషన్స్ ప్రక్రియలో ఇనయ.. రాజ్‌ను నామినేట్ చేసినప్పుడు చిన్న గొడవ జరిగింది. ‘వితండవాదం’ అనే ట్యాగ్ తనకు రాజ్ ఇవ్వడం నచ్చలేదని ఇనయ చెప్పింది. దీనిపై ఇనయతో రాజ్ వాదించాడు. కీర్తి, శ్రీసత్యను నామినేట్ చేసినప్పుడు ఇద్దరి మధ్య గొడవ గట్టిగానే జరిగింది.
తనకు ‘ఈగో’ అనే ట్యాగ్ కీర్తి ఇప్పడం పై శ్రీసత్య ఫైర్ అయ్యింది. ఈగో ట్యాగ్ ఇవ్వడానికి కీర్తి చెప్పిన కారణం కరెక్ట్ గా లేదని శ్రీసత్య చెప్పుకొచ్చింది. కీర్తి పిలిచినప్పుడు తనకు వినబడలేదని.. అంతే తప్ప కావాలని తాను పట్టించుకోకుండా వెళ్లలేదని శ్రీసత్య తెలిపింది. ఈగో అనేదానికి ఎవరినైనా అర్థం అడిగి తెలుసుకుని ఆ ట్యాగ్ తనకు ఇస్తే మంచిదని అంది శ్రీసత్య. దాంతో కీర్తి కూడా మండిపడింది. ముందు నుంచే వెళ్తూ పిలిస్తే వినపడకపోవడం ఏంటని కీర్తి ప్రశ్నించింది. ఈ క్రమంలో ఒకరినొకరు నామినేట్ చేసుకున్నారు.
మరిన్ని సినిమా వార్తల కోసం క్లిక్ చేయండి..
