Telugu News Telangana Naveen Gupta from Shivvampeta village of Medak district built school at a cost of Rs. 9 lakhs
Telangana: రూ.9 లక్షలు ఖర్చుపెట్టి సొంతూరులో స్కూల్ కట్టించాడు.. ఊరికి ఇలాంటి వ్యక్తి ఒక్కరున్నా చాలు!
పుట్టిపెరిగిన ఊరికి ఏదో ఒకటి చేయాలని అందరూ అనుకుంటారు. కానీ కొందరే దానిని నెరవేర్చుతారు. అలాంటి వ్యక్తే నవీన్ గుప్తా. ఏళ్లుగా ఊరిలో ప్రభుత్వ బడి సరైన భవనం, సదుపాయాలు లేకపోవడంతో విద్యార్ధులు ఇబ్బందులు పడటం చూసి.. సొంత ఖర్చుతో స్కూల్ కట్టించడానికి ముందుకు వచ్చాడు. అంతేనా.. చకచకా స్కూల్ నిర్మాణం కూడా పూర్తి చేశాడు..
ఉన్న ఊరుకి ఎదో ఒకటి చేయాలని అందరు అనుకుంటారు. కానీ కొంతమంది మాత్రమే ముందుకు వచ్చి గ్రామానికి ఉపయోగపడే పని చేస్తారు. వారు చేసే పని తరతరాలు గుర్తుంచుకొనెలాగా ఉంటుంది. ఆ పని కొంతమంది జీవితాలననా మార్చివేస్తుంది.
1 / 5
ఇలాగే ఓ వ్యక్తి తన గ్రామంలో ఉన్న పిల్లలను దృష్టిలో పెట్టుకొని మంచి పని చేసాడు. మెదక్ జిల్లా శివ్వంపేట గ్రామానికి చెందిన నవీన్ గుప్త అనే వ్యక్తి 9 లక్షల రూపాయలతో ప్రభుత్వ బడి రూపురేఖలనే మార్చివేశాడు. ఆ బడిని చూస్తే ఇది ప్రభుత్వ పాఠశాలనా..? కార్పోరేట్ పాఠశాలా? అనే డౌట్ రాక మానదు. శివ్వంపేట గ్రామానికి మూడేళ్ల క్రితం ప్రభుత్వ ప్రైమారి పాఠశాల మంజూరు అయ్యింది. నిర్మాణం కూడా మొదలయ్యింది కానీ, సదరు కాంట్రాక్టర్ కి డబ్బులు రాకపోవడంతో.. ఆ నిర్మాణ పనులు కాస్తా మధ్యలోనే ఆగిపోవడంతో విద్యార్థులు చాలా ఇబ్బందులు పడ్డారు.
2 / 5
ఇక రోజులు గడుస్తున్నా కూడా, ఆ పాఠశాలను ఎవరు పట్టించుకోకపోవడంతో విద్యార్థుల కష్టలు చూసిన నవీన్ గుప్తా ముందుకు వచ్చారు. తన సొంత డబ్బులు తొమ్మిది లక్షల వరకు ఖర్చు చేసి, ఆ ప్రభుత్వ బడి నిర్మణాన్ని పూర్తి చేయించారు. ఏదో పేరు కోసం పనిచేయకండ ఆ పాఠశాలను ప్రైవేటు బడికి ధీటుగా చేయించాడు. గతంలో కాంట్రాక్టర్ స్లాబ్ వేసి, సగంలోనే పనులను నిలిపివేయాగా తన సొంత డబ్బులతో మధ్యలో నిలిచిపోయిన స్కూల్ నిర్మాణాన్ని పూర్తి చేశాడు. దీనికి తోడు ప్రైవేట్ స్కూళ్లలో ఏ విధంగా అయితే విద్యార్థిని, విద్యార్థులకు అన్ని సౌకర్యాలు ఉంటాయో ఆ విధంగానే ఈ ప్రభుత్వ స్కూల్లో అన్ని సౌకర్యాలు ఉండేలా తగు జాగ్రత్తలు తీసుకొని స్కూల్ భావన నిర్మాణాన్ని పూర్తి చేశాడు.
3 / 5
యువకుల్లో ప్రత్యేకమైన ఫాలోయింగ్ ఉన్న నవీన్ గుప్తా అనునిత్యం సేవా కార్యక్రమాలు చేపడు తుంటాడు. ముఖ్యంగా వివాహాధి శుభకార్యాలకు పుస్తె మెట్టెలు బహుకరిస్తూ, పేదవారికి ఆర్థికంగా సహకరిస్తూ, ఎవరైనా మరణిస్తే వారి కుటుంబానికి తోచినంత సహాయం చేస్తూ అందరి మన్ననలను అందుకుంటున్నాడు నవీన్ గుప్తా. ఇలానే విద్యార్థులకు గోడలనే పుస్తకాలుగా మలిచి, ప్రతి మూల ఒక సందేశంతో అక్షరాలను లిఖించాడు.
4 / 5
ఉపాధ్యాయులు బోధించడానికి బ్లాక్ బోర్డ్ లను సైతం డిజిటల్ బోర్డుగా మలిచి జిల్లాలోనే నూతనమైన మోడల్ స్కూల్ గా తీర్చిదిద్దాడు నవీన్ గుప్తా. చిన్నప్పట్నుండి కష్టపడి పైకి వచ్చిన వ్యక్తి కావడంతో.. తన ఊరిలో ఉన్న పేద ప్రజలకు ఏదో ఒక రకంగా సహాయం చేస్తూ ఉంటాడు. ఇలాంటి వ్యక్తి ఊరికి ఒక్కరు ఉన్న చాలు కదా..!
