Baby 1st Day Collections: ‘బేబీ’ బాక్సాఫీస్ కలెక్షన్స్.. మొదటి రోజు ఎన్ని కోట్లు రాబట్టిందంటే..
గత కొన్ని వారాలుగా టాలీవుడ్ ఇండస్ట్రీలో పలు సినిమాలు నిరాశపరిచినప్పటికీ.. ఇటీవల విడుదలైన సామజవరగమన చిత్రం పర్వాలేదనిపించుకుంది. ఇక ఇప్పుడు బేబీ సినిమా ఇండస్ట్రీకి బూస్ట్ ఇచ్చిందనే చెప్పాలి. ఓవైపు ఈ సినిమాపై ట్రోల్స్ జరుగుతున్నప్పటికీ మరోవైపు సక్సెస్ ఫుల్ టాక్తో దూసుకుపోతుంది. ముఖ్యంగా ఈ ట్రైయాంగిల్ లవ్ స్టోరీ యువత మనసులను తాకుతుంది.
Updated on: Jul 15, 2023 | 3:18 PM
యంగ్ హీరో ఆనంద్ దేవరకొండ ప్రధాన పాత్రలో నటించిన చిత్రం బేబీ. ఇందులో వైష్ణవి చైతన్య, విరాజ్ అశ్విన్ కీలకపాత్రలు పోషించగా.. డైరెక్టర్ సాయి దర్శకత్వం వహించారు. జూలై 14న అడియన్స్ ముందుకు వచ్చిన ఈ సినిమా పాజిటివ్ టాక్తో దూసుకుపోతుంది. గత కొన్ని వారాలుగా టాలీవుడ్ ఇండస్ట్రీలో పలు సినిమాలు నిరాశపరిచినప్పటికీ.. ఇటీవల విడుదలైన సామజవరగమన చిత్రం పర్వాలేదనిపించుకుంది. ఇక ఇప్పుడు బేబీ సినిమా ఇండస్ట్రీకి బూస్ట్ ఇచ్చిందనే చెప్పాలి. ఓవైపు ఈ సినిమాపై ట్రోల్స్ జరుగుతున్నప్పటికీ మరోవైపు సక్సెస్ ఫుల్ టాక్తో దూసుకుపోతుంది. ముఖ్యంగా ఈ ట్రైయాంగిల్ లవ్ స్టోరీ యువత మనసులను తాకుతుంది. ముందుగా బేబీ సినిమాకు ప్రీమియర్స్ ద్వారానే మంచి పాజిటివ్ టాక్ వచ్చింది. ఆ తర్వాత మొదటి రోజు నుంచి ఏరియాలలో హౌస్ ఫుల్ కలెక్షన్స్తో శుభారంభం ఇచ్చింది. ఈ సినిమాకు తెలుగు రాష్ట్రాల్లో అన్ని ఏరియాల నుంచి మంచి రెస్పాన్స్ వస్తోంది.
ఇదిలా ఉంటే.. ఫస్ట్ డే కలెక్షన్స్ కాస్త ఎక్కువగానే వచ్చినట్లు తెలుస్తోంది. మొదటి రోజు ప్రపంచవ్యాప్తంగా బాక్సాఫీస్ వద్ద రూ.7.1 కోట్ల గ్రాస్ కలెక్షన్స్ దక్కినట్లు సమాచారం. ఇక ఈ చిత్రంలో హీరోహీరోయిన్లుగా కనిపించిన ఆనంద్ దేవరకొండ, వైష్ణవి చైతన్య నటన ప్రేక్షకులను ఆకట్టుకుంది. చిన్న సినిమాగా ఎలాంటి అంచనాలు లేకుండా విడుదలైన ఈ సినిమాకు ఊహించని స్థాయిలో రెస్పాన్స్ వస్తుంది. ఇక ఫస్ట్ డే భారీ స్థాయిలో ఓపెనింగ్స్ అందుకుంటుంది.
ఇక ఆనంద్ దేవరకొండ కెరియర్లో ఈ సినిమా స్పెషల్ కానుందని తెలుస్తోంది. అలాగే కథానాయికగా వైష్ణవికి ఫస్ట్ మూవీ మంచి క్రేజ్ వచ్చిందనే చెప్పాలి. ఏపీ, తెలంగాణలో ఈ సినిమాకు రూ.4కోట్లు పైగానే గ్రాస్ వచ్చాయి. ఓవర్సీస్ లో దాదాపు రూ.80 లక్షలకు పైగా షేర్ కలెక్షన్స్ వచ్చాయి. ఇప్పటివరకు రూ.7 కోట్లకు పైగా వసూళ్లు రాబట్టిన ఈ చిత్రం ఈ వీకెండ్ శనివారం, ఆదివారం రెండు రోజులు కలెక్షన్స్ మరింత పెరిగే అవకాశం ముందని తెలుస్తోంది.
