Pushpa 2: ‘నా ఫ్యాన్స్ అంటే నాకు పిచ్చబ్బా’.. పుష్ప 2 వైల్డ్ ఫైర్ ఈవెంట్‌లో అద్దిరిపోయిన అల్లు అర్జున్ స్పీచ్
ఐకాన్ స్టార్ అల్లు అర్జున్ హీరోగా నటిస్తున్న తాజా చిత్రం పుష్ప 2 దిరూల్. ఇప్పటికే అన్ని హంగులు పూర్తి చేసుకున్న ఈ మోస్ట్ అవైటెడ్ సినిమా డిసెంబర్ 05న ప్రేక్షకుల ముందుకు రానుంది. సినిమా ప్రమోషన్లలో భాగంగా ఆదివారం (నవంబర్ 24) చెన్నైలో పష్ఫ 2 వైల్డ్ ఫైర్ ఈవెంట్ నిర్వహించారు.
Updated on: Nov 24, 2024 | 10:35 PM
ఐకాన్ స్టార్ అల్లు అర్జున్ నటించిన చిత్రం పుష్ఫ 2 విడుదలకు మరికొన్ని రోజులే మిగిలి ఉన్నాయి. ఇప్పటికే అన్ని హంగులు పూర్తి చేసుకున్న ఈ మోస్ట్ అవైటెడ్ మూవీ డిసెంబర్ 05న గ్రాండ్ గా రిలీజ్ కానుంది. దీంతో ప్రమోషన్ కార్యక్రమాలను ముమ్మరం చేశారు మేకర్స్. ఇప్పటికే పట్నాలో అట్టహాసంగా ట్రైలర్ రిలీజ్ ఈవెంట్ ను నిర్వహంచగా, ఆదివారం (నవంబర్ 24)న చెన్నై వేదికగా పుష్ప 2 వైల్డ్ ఫైర్ ఈవెంట్ నిర్వహించారు. ఈ వేడుకకు అల్లు అర్జున్, రష్మిక మందన్నా, శ్రీలీల, దేవిశ్రీ ప్రసాద్ తో సహా చిత్ర బృందం, పలువురు సినీ ప్రముఖులు హాజరయ్యారు. ఈ సందర్భంగా శ్రీలీల కిస్సిక్ సాంగ్ ను రిలీజ్ చేశాడు అల్లు అర్జున్. అనంతరం ఇదే వేదికపై తమిళంలో మాట్లాడి అక్కడి ప్రేక్షకులను ఉర్రూతలూగించారు. అలాగే పుష్ప 2 టైటిల్ లాంగ్ కు స్టేజ్ పై స్టెప్పులేసి ఆడియెన్స్ ను అలరించారు. అదే విధంగా తమిళంలోనే పుష్ప 2 డైలాగ్స్ చెప్పడంతో ఈవెంట్ కు హాజరైనవారందరూ చప్పట్లు కొడుతూ స్టేజ్ దద్దరిల్లేలా చేశారు.
ఈ సందర్బంగా మరోసారి పుష్ప 2 మేకర్స్ అందరికీ ధన్యవాదాలు తెలిపాడు అల్లు అర్జున్. ఇక గతంలో చెప్పినట్లుగానే మరోసారి తన అభిమానులపై ప్రేమ కురిపించాడు బన్నీ. ‘ నా ఫ్యాన్స్ అంటే నాకు పిచ్చబ్బా.. వారి కోసం ఎక్కడికైనా, ఎందాకైనా వస్తా. వారి వల్లే తాను ఈ స్థాయిలో ఉన్నాను. మీ ప్రేమకు ఎప్పుడూ రుణపడి ఉంటాను’ అని చెప్పుకొచ్చాడు బన్నీ. మరి ఇదే వేదికపై అల్లు అర్జున్ ఏమేమీ మాట్లాడాడో ఈ కింది వీడియోలో చూడండి…
పుష్ప 2 వైల్డ్ ఫైర్ ఈవెంట్ లో అల్లు అర్జున్ ఫుల్ స్పీచ్ వీడియో…
మరిన్ని సినిమా వార్తల కోసం ఇక్కడ క్లిక్ చేయండి.
