Pushpa 2 : పుష్ప 2 టీజర్‏ రీక్రియేట్.. పుష్పరాజ్‏గా ఇరగదీసిన బుడ్డోడు.. చూస్తే గూస్ బంప్సే…

యావత్ దేశవ్యాప్తంగా మూవీ లవర్స్ ఎంతో ఆసక్తిగా ఎదురుచూస్తున్న సినిమా పుష్ప 2. డైరెక్టర్ సుకుమార్, స్టైలీష్ స్టార్ అల్లు అర్జున్ కాంబోలో రూపొందుతున్న ఈ ప్రాజెక్ట్ పై భారీ అంచనాలు ఉన్నాయి. గతంలో రిలీజ్ అయిన ఫస్ట్ పార్ట్ పుష్ప బ్లాక్ బస్టర్ హిట్ అయిన సంగతి తెలిసిందే. ఎర్రచందనం స్మగ్లింగ్ నేపథ్యంలో రిలీజ్ అయిన ఈ సినిమాకు ఎక్కువగా నార్త్ అడియన్స్ కనెక్ట్ అయ్యారు. ఇందులో పుష్పరాజ్ పాత్రలో బన్నీ యాక్టింగ్, స్టైల్, మ్యానరిజం చూసి ఫిదా అయ్యారు. అలాగే ఈ చిత్రంలోని ప్రతిసాంగ్ యూట్యూబ్ ను షేక్ చేసింది. ఇక ఇప్పుడు ఈ సినిమా సెకండ్ పార్ట్ ఎప్పుడెప్పుడు రిలీజ్ అవుతుందా అని వెయిట్ చేస్తున్నారు. ఈ క్రమంలోనే ఇటీవలే బన్నీ బర్త్ డే సందర్భంగా రిలీజ్ అయిన టీజర్ గురించి చెప్పక్కర్లేదు. అడియన్స్ అసలు ఊహించని రేంజ్‏లో బన్నీని చూపించి ఫుల్ ఖుషి చేశారు సుకుమార్.

గంగానమ్మ జాతరలో అమ్మోరు గెటప్‏లో అల్లు అర్జున్ స్క్రీన్ ప్రెజెన్స్ తో గూస్ బంప్స్ తెప్పించారు. ఈ టీజర్ అభిమానులకు తెగ నచ్చేసింది. కేవలం ఒక్క నిమిషంపాటు ఉన్న ఈ టీజర్ యూట్యూబ్ లో రికార్డ్స్ సృష్టించింది. డైలాగ్స్ లేకుండా బ్యాగ్రౌండ్ మ్యూజిక్ తోనే హైప్ పెంచేశారు. దీంతో ఇక పుష్ప 2 ఎలా ఉండనుందో ఒక్క టీజర్ తోనే చెప్పేశారు. తాజాగా కొందరు టీజర్ ను రీక్రియేట్ చేశారు. ఒరిజినల్ టీజర్ ను ఎలా కట్ చేశారో సేమ్ అలాగే చిన్నపిల్లలతో ఓ టీజర్ రీక్రియేట్ చేశారు.

ఇందుకు సంబంధించిన వీడియో సోషల్ మీడియాలో తెగ వైరలయ్యింది. ఇక ఇది కాస్త పుష్ప టీం వరకు వెళ్లింది. దీంతో ఆ వీడియోపై పుష్ప చిత్రయూనిట్ రియాక్ట్ అవుతూ.. టీజర్ రీక్రియేట్ చేసినవారిని అభినందించింది. టీజర్ రీక్రియేట్ చేసిన వారిపై ప్రశంసలు కురిపించింది. ప్రస్తుతం ఈ ట్వీట్ సోషల్ మీడియాలో వైరలవుతుంది. ఆ టీజర్ ను మీరు చూసేయ్యండి.

It’s an extremely good execution of #Pushpa2TheRuleTeaser 🔥🔥🔥

Great work 👌👌.. Congratulations to the whole team who did this MASSIVE recreation 💥💥 https://t.co/N0x7HhIYaH

— Pushpa (@PushpaMovie) April 20, 2024

మరిన్ని సినిమా వార్తల కోసం ఇక్కడ క్లిక్ చేయండి.