Gangubai Kathiawadi: మరోసారి సత్తా చాటిన అలియాభట్ సినిమా.. మూడు అవార్డ్స్ అందుకున్న గంగూబాయి
ముంబయిలోని కామాఠిపుర రాజ్యానికి గంగూబాయి మాఫియా క్వీన్‌గా ఎలా ఎదిగిందన్న కథాంశంతో ప్రముఖ దర్శకుడు సంజయ్‌ లీలా భన్సాలీ ఈ చిత్రాన్ని రూపొందించారు.2022 ఫిబ్రవరి 25న ప్రపంచ వ్యాప్తంగా విడుదలైన ఈ సినిమా ఫస్ట్‌ షో నుంచే పాజిటివ్‌ రివ్యూస్‌ సొంతం చేసుకుంది.
బాలీవుడ్ స్టార్ హీరోయిన్‌ అలియాభట్ ప్రధాన పాత్రలో తెరకెక్కిన చిత్రం గంగూబాయి కతియావాడి. అజయ్‌ దేవ్‌గణ్‌ కీలక పాత్రలో నటించారు. ముంబయిలోని కామాఠిపుర రాజ్యానికి గంగూబాయి మాఫియా క్వీన్‌గా ఎలా ఎదిగిందన్న కథాంశంతో ప్రముఖ దర్శకుడు సంజయ్‌ లీలా భన్సాలీ ఈ చిత్రాన్ని రూపొందించారు. ఫిబ్రవరి 2022 25న ప్రపంచ వ్యాప్తంగా విడుదలైన ఈ సినిమా ఫస్ట్‌ షో నుంచే పాజిటివ్‌ రివ్యూస్‌ సొంతం చేసుకుంది. బాక్సాఫీస్‌ దగ్గర మంచి కలెక్షన్లను రాబడుతోంది. సినిమాలో అలియా అభినయానికి విమర్శకుల ప్రశంసలు దక్కాయి. ఈ సినిమా సంచలన విజయం సాధించడంతో పాటు భారీ కలెక్షన్స్ ను కూడా రాబట్టింది. 150 కొట్లకు పైగా వసూల్ చేసింది ఈ సినిమా. ఇప్పటికే ఈ సినిమాకు పలు అవార్డులు దక్కాయి. తాజాగా మరో మూడు అవార్డులు కూడా ఈ సినిమాకు రావడంతో చిత్రయూనిట్ అందంతో తేలిపోతున్నారు.
ఐఫా అవార్డుల్లో గంగూబాయి కతియావాడి మూడు విభాగాల్లో ఎంపికైంది. దుబాయ్‌లో జరుగుతున్న ఐఫా-2023 అవార్డుల కార్యక్రమంలో ఈ సినిమా సత్తా చాటింది. ఏకంగా మూడు విభాగాలు అవార్డులు అందుకొని తన సత్తా ఏంటో మరోసారి చూపించింది. ఈ సినిమా తర్వాత కార్తీక్ ఆర్యన్ నటించిన భూల్ భూలయ్యా-2 రెండు అవార్డులు దక్కించుకుంది.
స్క్రీన్‌ప్లే, డైలాగ్స్‌, సినిమాటోగ్రఫీ అవార్డులను ‘గంగూబాయి కతియావాడి దక్కించుకుంది. ఈ సినిమాకు సంజయ్‌ లీలా భన్సాలీ దర్శకత్వం వహించిన విషయం తెలిసిందే. ఇక ఐఫా-2023 కార్యక్రమంలో ప్రముఖ బాలీవుడ్ స్టార్ పాల్గొన్నారు. సల్మాన్‌ఖాన్‌, విక్కీ కౌశల్‌, వరుణ్‌ ధావన్‌, రకుల్ ప్రీత్ సింగ్‌, నోరా ఫతేహి పాల్గొన్న ఈ వేడుకలో టెక్నికల్‌ అవార్డులను అందజేశారు. ఇక సౌత్ నుంచి లోకనాయకుడు కమల్ హాసన్ ఈ వేడుకలకు హాజరయ్యారు.
