Naga Chaitanya: జోరు పెంచిన అక్కినేని కుర్ర హీరో.. బిజీ బిజీగా నాగ చైతన్య
అక్కినేని యంగ్ హీరో నాగచైతన్య ప్రస్తుతం బ్యాక్ టు బ్యాక్ సినిమాలను లైనప్ చేసి చాలా బిజీగా ఉన్నాడు. గత ఏడాది శేఖర్ కమ్ముల దర్శకత్వంలో లవ్ స్టోరీ అనే సినిమా చేసి మంచి హిట్ అందుకున్నాడు చైతూ.
Updated on: May 31, 2022 | 8:35 PM
అక్కినేని యంగ్ హీరో నాగచైతన్య(Naga Chaitanya) ప్రస్తుతం బ్యాక్ టు బ్యాక్ సినిమాలను లైనప్ చేసి చాలా బిజీగా ఉన్నాడు. గత ఏడాది శేఖర్ కమ్ముల దర్శకత్వంలో లవ్ స్టోరీ అనే సినిమా చేసి మంచి హిట్ అందుకున్నాడు చైతూ. ఇక ఇప్పుడు విక్రమ్ కుమార్ కె దర్శకత్వంలో ఓ సినిమా చేస్తున్నాడు చైతన్య. ఈ సినిమాకు థాంక్యూ అనే ఇంట్రెస్టింగ్ టైటిల్ ను ఖరారు చేశారు. ఈ సినిమా షూటింగ్ ఇటీవలే పూర్తయ్యింది. ప్రస్తుతం పోస్ట్ ప్రొడక్షన్ పనులు జరుగుపుకుంటుంది ఈ మూవీ. ఇప్పటి వరకు ఎన్నో సూపర్‌హిట్ చిత్రాలను అందించిన శ్రీ వెంకటేశ్వర క్రియేషన్స్‌లో నిర్మాణంలో దిల్‌రాజు-శిరీష్‌లు నిర్మాతలుగా రూపొందుతున్న ఈ చిత్రంలో రాశిఖన్నా, మాళవిక నాయర్‌లు హీరోయిన్‌లు నటిస్తున్నారు. జూలై 8న ప్రపంచవ్యాప్తంగా విడుదల కానున్న ఈ సినిమా నుంచి రీసెంట్ గా టీజర్ ను రిలీజ్ చేశారు.
ఈ టీజర్ సినిమ పై ఆసక్తిని పెంచేసింది. ఇక ఈ సినిమాతో పటు వెంకట్ ప్రభు దర్శకత్వంలో ఓ సినిమా చేస్తున్నాడు చైతూ. ఈ సినిమా తర్వాత బాలీవుడ్ క్రేజీ మూవీ ‘లాల్ సింగ్ చద్దా’ కూడా త్వరలో రిలీజ్ కాబోతోంది. బాలీవుడ్ స్టార్ అమీర్ ఖాన్ హీరోగా నటించిన ఈ మూవీని హాలీవుడ్ పాపులర్ ఫిల్మ్ ‘ది ఫారెస్ట్ గంప్’ ఆధారంగా తెరకెక్కించారు. పోస్ట్ ప్రొడక్షన్ కార్యక్రమాలు జరుపుకుంటున్న ఈ మూవీ ఆగస్టు 11న వరల్డ్ వైడ్ గా ప్రేక్షకుల ముందుకు రాబోతోంది. అలాగే ‘ విక్రమ్ కె. కుమార్ అమెజాన్ ప్రైమ్ కోసం డైరెక్ట్ చేస్తున్న ‘దూత’ వెబ్ సిరీస్ లో నటిస్తున్నాడు నాగ చైతన్య. 10 ఎపిసోడ్స్ గా రాబోతున్న ఈ వెబ్ సిరీస్ త్వరలోనే అమెజాన్ ప్రైమ్ లో స్ట్రీమింగ్ కానుంది. ఇలా బ్యాక్ టు బ్యాక్ సినిమాలతో నాగ చైతన్య బిజీ బిజీగా గడుపుతున్నాడు.
