Naga Chaitanya: అభిమానులకు సడెన్ సర్‏ప్రైజ్ ఇచ్చిన నాగచైతన్య.. ఇంటికి వెళ్లి మరీ..  వీడియో వైరల్..

అక్కినేని నాగచైతన్య చివరిసారిగా కనిపించిన సినిమా కస్టడీ. కృతిశెట్టి కథానాయికగా నటించిన ఈ మూవీ పాజిటివ్ రెస్పాన్స్ అందుకుంది. కానీ కమర్షియల్ హిట్ కాలేదు. ప్రస్తుతం ఆయన డైరెక్టర్ చందూ మోండేటీ దర్శకత్వంలో ఓ ప్రాజెక్ట్ చేస్తున్న సంగతి తెలిసిందే. #NC23 వర్కింగ్ టైటిల్‏తో రూపొందుతున్న ఈమూవీలో న్యాచురల్ బ్యూటీ సాయి పల్లవి హీరోయిన్‏గా నటిస్తోంది. మత్య్సకారుల జీవితాల నేపథ్యంలో రాబోతున్న ఈ చిత్రం ప్రస్తుతం ప్రీ ప్రొడక్షన్ పనులు జరుపుకుంటుంది. త్వరలోనే ఈ మూవీ రెగ్యూలర్ షూటింగ్ స్టార్ట్ కానుంది. ఇదిలా ఉంటే.. ప్రస్తుతం చైతూ ధూత వెబ్ సిరీస్ ప్రమోషన్లలో బిజీగా ఉన్నారు. ధూత వెబ్ సిరీస్‏తోనే ఓటీటీలోకి ఎంట్రీ ఇవ్వబోతున్నారు చైతూ. విక్రమ్ కే కుమార్ డైరెక్ట్ చేసిన ఈ క్రైమ్ థ్రిల్లర్ సిరీస్ లో చైతూ విలేకరిగా కనిపించనున్నారు. ఇప్పటివరకు చైతూ పోషించిన పాత్రలకు.. ఇందులో కనిపించే పాత్రకు చాలా డిఫరెన్స్ ఉంటుందని అంటున్నారు చైతన్య.

డిసెంబర్ 1 నుంచి ఈ సిరీస్ ప్రముఖ ఓటీటీ ప్లాట్ ఫాం అమెజాన్ ప్రైమ్ వీడియోలో తెలుగు, తమిళ్, మలయాళం, కన్నడ, హిందీ భాషలలో స్ట్రీమింగ్ కానుంది. ఈ క్రమంలో ధూత వెబ్ సిరీస్ ప్రమోషన్స్ స్వయంగా చైతూ దగ్గరుండి చూసుకుంటున్నారు. ఇప్పటికే సొంతంగా యూట్యూబ్ ఛానల్ ఓపెన్ చేసి ధూత ప్రమోషన్స్ స్టార్ట్ చేయగా.. ఇటీవలే మిల్కీబ్యూటీ తమన్నాతో కలిసి క్రేజీ వీడియో చేశారు. ఇక ఇప్పుడు నేరుగా అభిమానుల దగ్గరికెళ్లి వారిని సర్ ప్రైజ్ చేశాడు.

ధూత సిరీస్ ప్రమోషన్లలో భాగంగా అభిమానుల ఇంటికి అతిథిగా వెళ్లారు చైతూ. అలాగే తన ఫ్యాన్స్ ఉన్న చోటుకు సడన్ ఎంట్రీ ఇచ్చి సర్ ప్రైజ్ ఇచ్చారు. ఇందుకు సంబంధించిన వీడియో సోషల్ మీడియాలో వైరలవుతుంది. ఈ వీడియోను ఓ యూట్యూబర్ తో కలిసి చేశారు చైతూ. ఇక రేపు (నవంబర్ 23)న చైతన్య బర్త్ డే.. చైతూకు విషెశ్ తెలియజేయాలంటే ఎలా చేస్తారు అంటూ యూట్యూబర్ ప్రశ్నించడం.. అభిమానులు ఆన్సర్ ఇస్తుంటారు. అదే సమయంలో సడెన్ ఇచ్చి ఆశ్చర్యపరిచాడు చైతూ. అభిమానులతో కలిసి సరదాగా ముచ్చటించారు.

View this post on Instagram

A post shared by Chay Akkineni (@chayakkineni)

మరిన్ని సినిమా వార్తల కోసం ఇక్కడ క్లిక్ చేయండి.