ఎండాకాలం కాబట్టే స్లీవ్‌లెస్ వేసుకున్నావా.? రిపోర్టర్ ఆడిన ప్రశ్నకు అదిరిపోయే కౌంటర్ ఇచ్చిన హీరోయిన్

హీరోయిన్స్ కు కొన్ని సార్లు రకరకాల ప్రశ్నలు ఎదురవుతూ ఉంటాయి. సోషల్ మీడియాలో కొన్ని సార్లు నెటిజన్స్ పిచ్చి పిచ్చి ప్రశ్నలు అడుగుతూ ఉంటారు. కొంతమంది హీరోయిన్స్ ఇలాంటి పిచ్చి ప్రశ్నలకు అదిరిపోయే కౌటర్ ఇస్తూ ఉంటారు. తాజాగా ఓ రిపోర్టర్ కూడా హీరోయిన్ ను ఓ వెకిలి ప్రశ్న అడిగాడు.

Actress

Rajeev Rayala |
Updated on: May 23, 2025 | 9:40 AM

హీరోయిన్స్ కు అటు సోషల్ మీడియాలో, ఇటు కొన్ని ప్రెస్ మీట్ లోనూ చిత్ర విచిత్రమైన ప్రశ్నలు ఎదురుతూ ఉంటాయి. కొన్ని సార్లు సోషల్ మీడియాలో అభిమానులతో ముచ్చటిస్తూ ఉంటారు. కొన్నిసార్లు నెటిజన్స్ హీరోయిన్స్ ను ఇబ్బందిపెట్టే ప్రశ్నలు అడుగుతుంటారు. తాజాగా ఓ హీరోయిన్ కు ఊహించని ప్రశ్న ఎదురైంది. ఓ మూవీ ప్రెస్ మీట్ లో రిపోర్టర్ అడిగిన ప్రశ్నకు హీరోయిన్ షాక్ అయ్యింది. ఇదేం ప్రశ్న అంటూ అవాక్ అయ్యింది. హీరోయిన్ డ్రస్ గురించి అభ్యన్తరకరమైన ప్రశ్న వేశాడు. దానికి హీరోయిన్ కూడా అదిరిపోయే కౌంటర్ ఇచ్చింది. ఇంతకూ ఆ హీరోయిన్ ఎవరో తెలుసా.? ఇంతకూ అతను ఏ ప్రశ్న వేశాడంటే..

ఈ మధ్యకాలంలో సినిమా ప్రెస్ మీట్ లో రిపోర్టర్ ప్రశ్న లు అడగడం.. సినిమా టీమ్ సమాధానం చెప్పడం మనం చూస్తూ ఉంటాం.. తాజాగా ఐశ్వర్య రఘుపతి పై ఓ రిపోర్టర్ వేసిన వెకిలి ప్రశ్న ఆమెను చాలా ఇబ్బందిపెట్టింది. తన స్లీవ్‌లెస్ దుస్తులపై ఒక రిపోర్టర్ చేసిన ప్రశ్నలపై ఆగ్రహం వ్యక్తం చేశారు. ఎండాకాలం వేడి ఎక్కువగా ఉంది కాబట్టే స్లీవ్‌లెస్ బ్లౌజ్ వేసుకున్నారా? అంటూ పిచ్చి ప్రశ్న వేశాడు .

దానికి ఆమె చాలా హుందాగా ప్రవర్తించింది. ఈ ప్రశ్నకు, మా సినిమాకు, ఈ ఈవెంట్‌కు ఏం సంబంధం ఉందో నాకు అర్థం కావడం లేదు అని ఆమె అన్నారు. ఆతర్వాత జరిగిన ఓ ఇంటర్వ్యూలో దీని గురించి మాట్లాడుతూ.. ఆ ప్రశ్న నన్ను చాలా బాధపెట్టింది అని తెలిపింది. గాలి తగలడం కోసమే నేను స్లీవ్‌లెస్ వేసుకున్నానా అని ఆ రిపోర్టర్ అడిగిన ప్రశ్నను నేను అర్ధం చేసుకోవడానికి చాలా సమయం పట్టింది. కోపంతో రియాక్ట్ అవ్వాలా లేక సైలెంట్ గా ఉండాలా అని నాకు అర్ధం కాలేదు. నేను సైలెంట్ గా ఉన్నా.. కానీ అక్కడున్నవాళ్లే స్పందించారు. అప్పుడు నేను సైలెంట్ గా ఉన్నా ఆతర్వాత అది నన్ను బాధపెట్టింది. కన్నీళ్లు కూడా పెట్టుకున్నా.. అని తెలిపింది.