Rakul Preet Singh: బాబోయ్.. రకుల్ పెళ్లికోసం ఎంచుకున్న హోటల్ గది ఒక్కరోజుకు అన్ని వేలా..!

వీరిద్దరూ ముందుగా విదేశాల్లో డెస్టినేషన్ వెడ్డింగ్ చేసుకోవాలని అనుకున్నారు.. అయితే ఇప్పుడు పెళ్లి వేదికను గోవాకు షిఫ్ట్ చేశారు. గోవాలోని ఓ విలాసవంతమైన హోటల్‌లో పెళ్లి చేసుకోవాలని నిర్ణయించుకున్నారు. ఈ వివాహానికి కొద్దిమంది అతిధులు, కుటుంబ సభ్యులు మాత్రమే హాజరుకానున్నారు. సౌత్ గోవాలోని ఐటీసీ గ్రాండ్‌లో రకుల్, జాకీ పెళ్లి చేసుకోనున్నారు. ఐటీసీ గ్రాండ్ 246 గదులతో కూడిన విలాసవంతమైన హోటల్.

Rakul Preet Singh Marriage

Rajeev Rayala |
Updated on: Feb 16, 2024 | 10:15 PM

స్టార్ హీరోయిన్ రకుల్ ప్రీత్ సింగ్ , జాకీ భగ్నాని ఫిబ్రవరి 21 న వివాహం చేసుకోనున్నారు. ఇప్పుడు ఇదే న్యూస్ అటు బీ టౌన్ ను ఇటు టాలీవుడ్ ను ఊపేస్తోంది. వీరిద్దరూ ముందుగా విదేశాల్లో డెస్టినేషన్ వెడ్డింగ్ చేసుకోవాలని అనుకున్నారు.. అయితే ఇప్పుడు పెళ్లి వేదికను గోవాకు షిఫ్ట్ చేశారు. గోవాలోని ఓ విలాసవంతమైన హోటల్‌లో పెళ్లి చేసుకోవాలని నిర్ణయించుకున్నారు. ఈ వివాహానికి కొద్దిమంది అతిధులు, కుటుంబ సభ్యులు మాత్రమే హాజరుకానున్నారు. సౌత్ గోవాలోని ఐటీసీ గ్రాండ్‌లో రకుల్, జాకీ పెళ్లి చేసుకోనున్నారు. ఐటీసీ గ్రాండ్ 246 గదులతో కూడిన విలాసవంతమైన హోటల్. 45 ఎకరాల భూమిలో విస్తరించి ఉన్న ఈ రిసార్ట్ చాలా ప్రశాంతమైన ప్రదేశంలో ఉంది. జాకీ, రకుల్‌లు ఈ హోటల్‌ని ఎంచుకున్న వెంటనే.. చాలా మందికి దీని గురించి తెలుసుకోవాలనే ఆసక్తి నెలకొంది.

గోవాలోని ఐటీసీ గ్రాండ్ హోటల్‌లో గది ధర 19 వేల రూపాయల నుండి ప్రారంభమవుతుంది. ఈ ధర 75 వేల రూపాయల వరకు ఉంది. ఇందులో చాలా పన్నులు కూడా ఉన్నాయి. మూడు రోజుల పాటు గోవాలో పెళ్లి వేడుక జరగనుంది. ఫిబ్రవరి 19 నుంచి ప్రీ వెడ్డింగ్ కార్యక్రమాలు ప్రారంభం కానున్నాయి. ఈ పెళ్లి పూర్తిగా ఎకో ఫ్రెండ్లీగా జరగనున్న సంగతి కూడా తెలిసిందే. “రకుల్, జాకీ ఏ అతిథికి పేపర్ మ్యారేజ్ సర్టిఫికేట్ ఇవ్వలేదు. అదేవిధంగా వివాహ వేదిక వద్ద ఎలాంటి పటాకులు పేల్చరు’’ అని ఈవెంట్ మేనేజర్ వివరించారు.

రకుల్ ప్రీత్ , జాకీ అక్టోబర్ 2021లో తమ ప్రేమను బహిరంగంగా ఒప్పుకున్నారు. అప్పటి నుండి, ఇద్దరూ వివిధ పార్టీలు, ఈవెంట్లలో కలిసి కనిపించారు. లాక్‌డౌన్ సమయంలో ఒకరికొకరు సన్నిహితంగా మెలిగినట్లు రకుల్ ఓ ఇంటర్వ్యూలో తెలిపింది. “మా స్నేహం , సంబంధం చాలా సులభంగా ప్రారంభమైంది. మేము ఒకరితో ఒకరు స్నేహితులుగా గడిపాము అలాగే మూడు-నాలుగు నెలల్లో మేము ప్రేమలో పడ్డం. మేము ఇరుగుపొరుగు వాళ్లమని కూడా మొదట్లో తెలియదు. ఇన్నేళ్లలో మేమిద్దరం స్నేహితులం కూడా కాలేదు. కానీ లాక్‌డౌన్‌లో అంతా కలిసొచ్చింది” అని రకుల్ చెప్పుకొచ్చింది.